Vargje biblike të njohura nga Matayi 24

Ndaje

Uku kukwiza pakuba kusata kwa bubibi, umwakuti ulughano ulwa bantu abinji lukwiza pakukatala. Loli umuntu wesi yuyo ajimba umoyo mupaka pabumalilo akwiza pakupona.

Po Amazyu Amiza agha Bumwene ghakwiza pakulumbililiwa pachisu chosi ichapasi pakubikila ubwakaboni pakasi pa bantu aba inko zyosi, po ubumalilo bukwiza.

Mukwiza pakwivwa nizya nkondo papipi na kubutali, loli mutakanyilaye. Ivintu vinivi vibaghiye pakubombiwa, loli kute kokuti ubumalilo bwafika.

Ichisu chikwiza pakulwana ni chinji, ubumwene bukwiza pakulwana nu bunji. Kukwiza pakuba izala nu tusenyenta posi na posi. Ivintu vyosi vinivi bo bwandilo bulo ubwa ntamyo izya mukolo pakusayiwa.

Kumwanya ni chisu ichapasi vikwiza pakumala, loli amazyu ghane ghakwiza pakuba na maka bwila na bwila.

Pakuti abantu abinji bakwiza pakubombezya itabwa lyane nukuti, ‘Ane ne Kilisitu!’ sona bakwiza pakubazimbula abantu abinji.

“Mukwiza pakulemiwa ukuti muvwimiwe nu kughoghiwa. Abantu bosi muvyisu vyosi bakwiza pakubabenga pachifukwa icha nene. Abantu abinji bakwiza pakutagha ulwitiko lwabo pakabalilo kanako; bakwiza pakulongelelana nukubengana. Po abalaghuzi abamyasi abinji bakwiza pakuboneka nukuzimbula abantu abinji.

U Yesu akamula akati, “Mubanje maso, ukuti patakabepo nayumo umuntu uwakubazimbula.

Po namwe bulo mwiyannye pachifukwa chakuti u Mwana uwa Muntu akwiza pakabalilo kako mwiyekeye.

“Po mubanje maso pakuti mutalimenye isiku lilyo u Mwene winyu akwizila.

“Loli nayumo umuntu yuyo akumanya isiku pamo akabalilo, bate bantumi kumwanya, ate Mwana; Utata mwene we yuyo akumanya.

Pakuti abantu abinji abamyasi bakwiza pakuboneka nukuti bo abapoki abasaliwa, pamo abalaghuzi. Bakwiza pakupela ivyika ni viswigho ukuti nanti chingabombiwa babazimbule na basaliwa aba Chala bulo.

Ukwiza kwa Mwana uwa Muntu kukwiza pakuyana bulo na mumo vikabela pakabalilo aka Nowa. Mumasiku ghalaghala bo amizi ghatizuye, abantu bakalyanga nu kung'wela, bakasendanagha mupaka pisiku lilyo u Nowa akinjila mubwato. Loli batakamanyagha chicho chikabombiwanga mupaka amizi ghakiza nukubapyela bosi. Momumo kukwiza pakubela bo u Mwana uwa Muntu akwiza.