Vargje biblike të njohura nga Malakaus 2

Ndaje

Yexus hnov lawv nug li ntawd, Yexus txawm teb hais tias, “Cov neeg tsis muaj mob yeej tsis mus cuag kws tshuaj, tsuas yog cov neeg muaj mob thiaj mus cuag kws tshuaj xwb. Kuv tsis yog los hu cov neeg ncaj ncees, tiamsis kuv los hu cov neeg txhaum.”

Thaum Yexus pom hais tias lawv muaj kev ntseeg heev, Yexus txawm hais rau tus txivneej uas tuag tes tuag taw ntawd hais tias, “Metub, kuv twb zam koj lub txim lawm.”

Yexus xaus lus hais tias, “Vajtswv tsim Hnub Xanpataus rau neeg, tsis yog tsim neeg rau Hnub Xanpataus.

Tiamsis muaj neeg coob coob, lawv tsis tau kev kwv nws mus cuag Yexus, ces lawv txawm nce mus rau saum rutsev thiab rhuav ib qho ncaj ntawm Yexus rau saum. Thaum lawv qhib tau lawm, lawv txawm muab hlua khi daim pam uas pua nws tso nws dauv mus rau hauv.

Kuv ua li no qhia rau nej paub hais tias Neeg Leej Tub muab hwjchim nyob hauv ntiajteb no zam txim tau rau neeg.” Yexus thiaj hais rau tus txivneej tuag tes tuag taw hais tias, “Kuv hais rau koj hais tias koj cia li sawv thiab nqa koj daim pam pua chaw mus tsev.”

Lo lus uas hais rau tus txivneej tuag tes tuag taw no hais tias, ‘Kuv twb zam koj lub txim lawm,’ lossis lo lus uas hais tias, ‘Cia li sawv muab koj daim pam pua chaw nqa mus tsev,’ ob lo lus no lo twg yuav yoojyim hais dua?

Thaum sawvdaws tabtom ntsia ntsoov nws, nws txawm sawv tsees nqa hlo nws daim pam pua chaw tawm nrawm nroos mus lawm. Lawv xav tsis thoob li, lawv qhuas Vajtswv hais tias, “Peb tsis tau pom dua li no ib zaug li!”