Vargje biblike të njohura nga Mathais 27

Ndaje

Thaum peb teev ntawd, Yexus hu nrov nrov hais tias, “Elis, Elis, lemas xanpathanis?” lo lus ntawd txhais hais tias, “Kuv tus Vajtswv! Kuv tus Vajtswv! Ua li cas koj tso kuv tseg lawm?”

Tamsim ntawd daim ntaub uas thaiv hauv lub Tuamtsev ntuag rhe saud ti nkaus hauv taw ua ob daig. Lub ntiajteb ua zog koog, tej pobzeb pobtsuas tawg zos zaws. Tej qhov ntxa txawm qhib thiab cov neeg ntseeg Vajtswv uas tuag lawm, muaj ntau leej muaj sia sawv rov los.

Yexus rov quaj hu dua ib zaug nrov nrov, ces nws txawm tu siav nrho lawm.

Thaum tus thawj tubrog thiab cov tubrog uas zov Yexus pom lub ntiajteb ua zog koog thiab pom txhua yam uas muaj los ntawd, lawv ntshai kawg li, thiab lawv sib tham hais tias, “Tus no yeej yog Vajtswv tus Tub tiag!”

Thaum hnub ntseg, txawm tsaus ntuj nti thoob plaws lub tebchaws ntawd mus txog thaum peb teev.

Philaj nug lawv hais tias, “Yog li ntawd, nej yuav kom kuv ua li cas rau Yexus tus uas hu ua Mexiyas?” Lawv teb hais tias, “Muab nws ntsia rau saum ntoo khaublig!” Tiamsis Philaj nug lawv hais tias, “Nws ua txhaum dabtsi?” Lawv sawvdaws hajyam qw nrov nrov hais tias, “Muab nws ntsia rau saum ntoo khaublig!”