Vargje biblike të njohura nga Luka 6

Ndaje

Muhe, naimwe muryaheebwa; endengo enungi, eigatiirwe, ecugutsiibwe, erikusheeshekara, niyo murirengyerwa omu bifuba byanyu, ahabw'okuba endengo ei murengamu naimwe niyo murirengyerwamu.

Omuntu murungi aiha ebirungi omu ibiikiro rirungi ery'omu mutima gwe; kandi omuntu mubi aiha ebibi omu ibiikiro rye eribi; ahakuba ebiijwire omutima akanwa nibyo kagamba.

Kureka mukunde abazigu baanyu, mubakorere gye, mubaguze mutaineyo matsiko; obwo ebihembo byanyu biryaba bingi, kandi muryaba abaana ba Rukira-boona; ahabw'okuba We akorera gye abatasiima n'ababi.

Mugire embabazi, nka Shoimwe oku agira embabazi.

Mutaricwa orubanja, naimwe timurirucwerwa; mutarisingisiriza, naimwe timurisingisirizibwa; musaasire, naimwe muryasaasirwa.

Kwonka nimbagambira imwe abarikuhurira nti: Mukunde abazigu baanyu, mukorere gye abarikubanga; mushabire omugisha abarikubakyeena, mushabire abarikubaitsa omwaga.

Kandi nk'oku mwenda abantu kubagirira, naimwe mube nikwo mwabagirira.

Orikuteera oruhi rw'omushaya, omuhindurire ogundi; n'orikwaka ekanzu yaawe, n'omunagiro gwawe otarigumwima. Orikushaba weena, omuhe; n'orinyaga ebintu byawe, otarigaruka kubimushaba.

Tihariho muti murungi ogwana ebyana bibi; kandi tihariho muti mubi ogwana ebyana birungi.

Omuti gwona gumanyirwa aha byana byagwo. Nimumanya ngu abantu tibashoroma mtiini aha minyinya, n'obu yaakuba emizaabibu aha matojo.