Vargje biblike të njohura nga Yohaana 6

Ndaje

Yesu yaabagira ati: Niinye mugaati gw'amagara; orikwija ahariinye, tarigira njara; n'orikuunyikiriza, tarikwatwa iriho na kakye.

Omwoyo niwe aha amagara; omubiri tigwine mugasho; ebigambo ebi naabagambira n'omwoyo n'amagara.

Nutarihendekyera eby'okurya ebirikuhwaho, kureka eby'okurya ebirikugumaho okuhitsya aha magara agatahwaho, agu Omwana w'omuntu aribaha; ahakuba Ruhanga Ishe akamutaho akamanyiso.

Eki Tata akunda n'eki, ngu weena orikureeba Omwana, akamwikiriza, atungye amagara agatahwaho; naanye ndyamuzoora aha kiro ky'aha mperu.

Yesu yaabagarukamu ati: ogu nigwo murimo gwa Ruhanga, imwe okwikiriza Ogwo ou yaatumire.

Abu Tata ampa boona baryaija ahariinye; orikwija ahariinye tindimubinga na kakye.

Simooni Petero yaamugarukamu ati: Mukama waitu, nituza ahari oha? Ka niiwe oine ebigambo by'amagara agatahwaho

Niinye mugaati gw'amagara ogwarugire omu iguru; omuntu weena ku arikurya aha mugaati ogu, naagumaho ebiro byona; kandi omugaati, ogu ndiha ahabw'ab'omu nsi ngu batungye amagara, n'omubiri gwangye.

Tihariho orikubaasa kwija ahariinye, Tata owantumire yaaba atamwiriize haihi; naanye ndyamuzoora aha kiro ky'aha mperu.

Ahakuba omugaati gwa Ruhanga nigwo gushuuma niguruga omu iguru, gukaha ensi amagara.

Niinye mugaati gw'amagara.

Atyo Yesu yaayakiira egyo migaati; ku yaaherize kusiima, yaagigaburira abantu abaabaire bashutami; yaabaha n'eby'enyanja, nk'oku baayenzire. Ku baahaagire, yaaragiira abeegi be ati: Mutorotoore oburagarika obwatsigaraho, hatagira akaaburaho.

Ku baavugireho nka mahiro ishatu nari ina, baareeba Yesu naagyendera aha nyanja nairirira obwato, baatiina. We yaabahuumuriza naagira ati: Niinye; mutatiina.