Vargje biblike të njohura nga Yahayya 16

Ndaje

Mi vi'ii on ɗum, ɗum fuu, gam keɓon jam nder am. On torroto nder ndu'u duuniyaaru, ammaa cemmbiɗinee ɓerɗe mooɗon, gam miin mi jaalake duuniyaaru.

Ammaa to *Ruhu goonga warii, o tokkiney on nder goonga fuu. Gam ko o volvanta on ivaay e hoore ma'ako, ammaa o volvaney on ko o nani fuu, o anndiney on ko warata yeeso boo.

Faa jo'oni walaa ko toriiɗon nder innde am tawo. Toree on keɓey, gam velvelo mooɗon heeva.

Ammaa emi vi'a on goonga : yahadu am no ɓuraney on nafuuda. Gam to mi yahaay, *Balloowo on oon warataa. Ammaa to mi yahii, mi liloyey mo to mooɗon. To Balloowo warii, o fahaminey yimɓe duuniyaaru habaru hakke e aadilaaku e ceri'a.

Noon onon boo, on naney mettam ɓeram jo'oni, ammaa mi ɓesdey yi'igo on, nanon belɗum ɗum walaa baawɗo te'itugo on ɗum. Nyanndeere ndeen, on puɗɗitataa ƴamgo yam koo ɗume. Emi vi'a on goonga : koo ɗume ko toriiɗon Baaba am nder innde am, o hokkey on ɗum.

Emi vi'a on goonga : onon on mboyey bojji naawɗi, ɓerɗe mooɗon no ɓalwey, duuniyaaru boo no naney belɗum. Ɓerɗe mooɗon no mettey, ammaa mettam ɓeram mooɗon no laatoto velvelo.