Vargje biblike të njohura nga Ñwaè' Luêk 21

Ndaje

Ce ke'ni nè à nfè' wɛɛwɛ, ce loo enɛ Nyʉ̀ fa wèe ŋger, buu ca vi lò koni bo jòo wèe ka', tɛ wèe bo tɛɛ njeptii Muu Ŋwɛ̀.”

Lòr nè nfè', buwa'làr wèe lo fa nyor à buu bcicì, ba buu mno ba buu ce mlù mi ke koo bèe àgho njep ŋgòŋ na, tɛ nòŋ anà yi lo bʉ̀ʉ wèe bʉ̀ʉ àmbò taa yi bʉ̀ʉ nyàa wa'a.

Wèe à ka' tɛɛ tatap banɛ wèe be so me myòŋ.

njobè' m be fa wèe blàa kù cùu, ba bfee à njɛ̀ɛ ce àde' mò' efa bèe ce a bàa wèe riŋ yuu ce e beesi ka'.

Rbuu ba nshe a be kè mì, geewa'a, wa blàa vi be kè mì à nfè' mò' ka'.

“Mncòo vi be yɛɛti mbe rlir nyʉ̀, ba mbe ŋwɛɛ, ba mbe mkàŋsì, tɛ mlù mi ba njep ŋgòŋ na, tɛ bjep vi ba njo' rcòo ce rdip rgòr li be ce còo, kèr ce baŋti ce ko' mbekì ce gwè. Bèe a be kwe bwɛp, àmbò wowèe a be cu ce fyɛ' yuu ce yi be koni ŋgòŋ à nfè' anà, njobè' buu ŋger embe bùu na vi be cì'ti. Buu ca vi ce koni wa'a, tɛ a lo yɛ àmbò Muu Ŋwɛ̀ ce vʉ̀ mbe mʉ̀ mmbà' nè ŋger-ŋwɛ̀ ba nè fòo-ŋwɛ̀.

Bèe wɛɛwɛ a be bàa wèe njo' mɛ̀.

Ŋgòŋ yi be cì'ti sê, tɛ njè koo, tɛ byaŋ vi gwe à ndù bèe à bdì' jɛɛ jɛ̀ɛ jɛɛ. Buu bwɛp, ker ba mncǒo btatap sê, vi be yɛɛti mbe bùu.

Wèe à ka' ke yu' enɛ a ce mà' bìr, ker yu' àmbò ŋgǎa ŋgɛ' a ce kɛ̀' ŋgɛ', wèe fa wɛp ka'. Buu ca be kù ke kɛ' koni, vi koni wa'a, ke' ba enɛ nfè' ce ŋgòŋ yi be mì à ghɛɛ ka'.” E m ker laa nè wowèe enɛ̂, “To' yi be mà' bìr a to' mo', tɛ ŋkʉʉ mò' ma' bìr a mò'.

“Mncòo vi be yɛɛti mbe rlir nyʉ̀, ba mbe ŋwɛɛ, ba mbe mkàŋsì, tɛ mlù mi ba njep ŋgòŋ na, tɛ bjep vi ba njo' rcòo ce rdip rgòr li be ce còo, kèr ce baŋti ce ko' mbekì ce gwè. Bèe a be kwe bwɛp, àmbò wowèe a be cu ce fyɛ' yuu ce yi be koni ŋgòŋ à nfè' anà, njobè' buu ŋger embe bùu na vi be cì'ti.

E m ker laa nè wowèe enɛ̂, “To' yi be mà' bìr a to' mo', tɛ ŋkʉʉ mò' ma' bìr a mò'.

E laa nè wowèe enɛ̂, “Lòr nè nfè' fà dì' ŋwɛ̀ mò' bo' wèe ka', njobè' bèe magòr a be vʉ̀ a mɛ̌ rlii ce làa enɛ̂, ‘A mɛ̀ Krǎis anà,’ kèr làa foŋ enɛ̂, ‘Nfè' ce ghɛɛ.’ Wèe fa dù àmbùu wowèe ka'.