Vargje biblike të njohura nga Jon 10

Ndaje

A teꞌ kakaveo to hikta nö maꞌ pa nok ta meh tah, ahik, eꞌ to nö ro ko maꞌ pa kaveo o sipsip, me ip vamët, me a miröꞌ raoe. Ivëhkëk eöꞌ koman, eöꞌ to nö voh maꞌ pa heꞌ o toꞌtoꞌ tamoaan peöꞌ manih pee, ko toꞌtoꞌ tamoaan pamëh puh rakah non manih pee, kee teꞌ vavih e ne.

Eöꞌ koman rakah a teꞌ a pah mamatop sipsip vavih. Ka teꞌ vëh to matop vavih non sih o sipsip ivëh, to heꞌ o toꞌtoꞌ peꞌ marën a vaꞌaus o sipsip peꞌ.

O sipsip peöꞌ to tënan inan e ne pa to peöꞌ. Köꞌ nat e noꞌ pee, kee suksuk vah e ne sih peöꞌ.

Eöꞌ to heꞌ voh eoꞌ pee po toꞌtoꞌ tamoaan peöꞌ, kee hikta onöt ne a ro, ka hikta pah teꞌ to onöt non a he taneꞌ raoe manih pa koreneoꞌ.

Eöꞌ koman to teꞌ va e noꞌ manih po hopaꞌ, keteh to koe ke maꞌ manih peöꞌ e Sosoenën se hehe en peꞌ. A teꞌ pamëh, se keh koe ke maꞌ manih peöꞌ, pareꞌ oah koe manih peöꞌ. Eꞌ se taum en pa taëën, pareꞌ hikta antoen non a taum ta hat.

Eöꞌ koman a teꞌ to matop vavih noꞌ sih o sipsip. Eöꞌ to nat vavih rakah e noꞌ po sipsip peöꞌ vamanih pa ö ne Tamön vöh kin to nat vavih va ka non neoꞌ. Ko sipsip peöꞌ to nat vavih e ne peöꞌ vamanih pa ö nöꞌ to nat vavih va i noꞌ sih e Tamaneoꞌ Sosoenën. Keöꞌ koman se heꞌ o toꞌtoꞌ peöꞌ marën a vaꞌaus a napan, ka napan ip vamët a neoꞌ, köꞌ mët marën a vaꞌaus o sipsip peöꞌ.

E Tamön to heꞌ voh en peöꞌ po sipsip. Eꞌ to apuh oah e non pa ma moeh tah kurus, ka hikta pah teꞌ to onöt non a he taneꞌ o sipsip peöꞌ manih pa koreneah. Emöm poꞌ Tamön, to teꞌ tamoaan e nem a paeh a teꞌ.”

Eöꞌ koman a teꞌ to matop vavih noꞌ sih o sipsip. Eöꞌ to nat vavih rakah e noꞌ po sipsip peöꞌ vamanih pa ö ne Tamön vöh kin to nat vavih va ka non neoꞌ. Ko sipsip peöꞌ to nat vavih e ne peöꞌ vamanih pa ö nöꞌ to nat vavih va i noꞌ sih e Tamaneoꞌ Sosoenën. Keöꞌ koman se heꞌ o toꞌtoꞌ peöꞌ marën a vaꞌaus a napan, ka napan ip vamët a neoꞌ, köꞌ mët marën a vaꞌaus o sipsip peöꞌ.

E Tamön to soe vakis voh ka neoꞌ a nok vamanih, ka hikta pah teꞌ to onöt non a kon këh a neoꞌ po toꞌtoꞌ peöꞌ. Eöꞌ koman to teꞌ me noꞌ o kikis va pa heꞌ o toꞌtoꞌ peöꞌ manih pa mët. Paröꞌ teꞌ me e noꞌ po kikis va pa kon hah o toꞌtoꞌ pamëh.”

Ivëh, ke Ieesuꞌ soe hahah kov en pan, “Eöꞌ to soe vamaman rakah keoꞌ peöm. Eöꞌ koman e Ieesuꞌ Kristo, eöꞌ to teꞌ va e noꞌ manih po hopaꞌ oho koe ke po sipsip.

Ka teꞌ vëh to kiu moniꞌ varoe non eꞌ to hikta koman tiroëꞌ non a matop vavih o sipsip. Suk ataeah, eꞌ to hikta vaneah non po sipsip poë varih. Ko poen neꞌ to ep o këh poa to nö maꞌ, eꞌ to rusin këh en po sipsip, ko këh poa poë varih ëën ee pee ko veo vavah ee po upöm.

E Ieesuꞌ to vavaato avoeꞌ me non pa napan, pareꞌ soe ke raoe pan, “Eöꞌ to soe vamaman rakah keoꞌ peöm. A teꞌ to hikta ho koe ke maꞌ manih po hopaꞌ oho koe ke po sipsip, eꞌ a teꞌ kakaveo, me a teꞌ vëh to vaꞌnaöp a meh teꞌ pareꞌ kon akuk a ma tah peꞌ.