Vargje biblike të njohura nga Tswv Dim 2

Ndaje

Vaajtswv nov puab lub suab quaj ntsaaj, hab nwg ncu txug tej lug kws nwg cog tseg rua Aplahaa, Yiha hab Yakhauj. Vaajtswv saib ntsoov cov Yixayee hab paub puab lub neej zoo le caag.

Dhau ntau xyoo lug rua yaav tom qaab, vaajntxwv Iyi tuag lawm. Cov Yixayee quaj ntsaaj quas lawg huv txujkev ua qhev, txhad le quaj hu thov kev paab. Puab lub suab quaj kws raug ua qhev nuav txhad nrov moog txug Vaajtswv.

Thaus tug mivnyuas hlub lawd, nwg txhad coj tug mivnyuas tuaj rua Falau tug ntxhais, mas tug mivnyuas hov ua Falau tug ntxhais le tub. Nwg muab tis npe hu ua Mauxe tsua qhov nwg has tas, “Vem yog kuv rhu nwg tawm huv dej lug.”

Mas Falau tug ntxhais txhad has rua tug quaspuj hov tas, “Koj coj tug mivnyuas nuav moog tu rua kuv, mas kuv yuav muab nqe zug rua koj.” Tug puj hov txawm coj tug mivnyuas moog tu lawm.

Mas Falau tug ntxhais nqeg moog daa dej hab nwg cov nkauj qhev moog ua sw ntawm ntug dej. Falau tug ntxhais pum lub tawb nyob huv plawv cov lojkov txhad khaiv nwg tug nkauj qhev moog muab lub tawb lug.

Thaus Mauxe hlub lawm, muaj ib nub Mauxe moog saib nwg haiv tuabneeg mas pum puab ua num nyaav heev. Nwg pum ib tug Iyi saamswm muab ib tug Henplais ntaus, yog nwg haiv tuabneeg ntaag. Nwg saib ncig pis leeg mas tsw pum leejtwg, nwg txhad muab tug Iyi hov tua kag, hab muab zais rua huv cov xuab zeb.