Vargje biblike të njohura nga Apa 5

Ndaje

Pitaʼe mago apa vayaʼmogiʼeʼmo geʼaleʼmo aeʼa atagaina huʼa hapa paiʼapaeʼmo, Hosu kavanageta vayaʼai geʼapimo akame hugunaʼmonanafa kanale kavanageta Goti geʼamo akame hugune.

Apa vayaʼmogimo muki afinaʼae afinaʼaeʼmo alopa mono nopiʼe muki nopiʼeʼmo Yesuʼa Kalaisi vekamo maiʼniye, huʼa aliʼa apaya malege aeʼa hakalo huʼa hapa paige huʼa maiʼnae.

Pitaʼa hunoʼaeʼmo, Ananaiyasiyo, huno, Na kava higeka Sataniʼmo ateʼnanageno kaipafiʼmo faleno uno haiʼnigeka mago vekamoʼmo mago mopamo miya faiʼniya monimo alika fako huka maleteka eka Goti Aunemeʼaeʼmo aigofe gemo huʼnane. Hogoteka maketi osuʼnana afinaʼmo kagaika mopamo haneʼniye. Maketi hu maleʼnanageno miya faiʼniya monimo kagaika yaʼmo haneʼniyaʼmonanafa na kava higeka ani agufa hosu kaipa kagesa afiʼnane. Kagaemo vayaʼaifeʼmo aigofe gemo osuʼnanaʼmonanafa Gotifeʼmo aigofe gemo huʼnane, huno ha paiʼniye. Ananaiyasiʼa ani gemo afitenoʼaeʼmo mopafiʼmo asagauno aiteno faliʼniye. Ani kavafeʼmo ava gemo afiʼnaya vayaʼmogimo lusi kava huʼa koli huʼnae.

Huʼnayaʼmofeʼmo nagaemo huʼnaeʼmo, ma mopafi vayaʼmogi aepa faiʼnisayaʼmoʼmo afaʼa hano hugiye. Inagi Gotiʼa alino aepa faiʼnisiyaʼmoʼmo lapakaemo alitapa hano hutapa oʼatalegae. Fiku yanagetapa lapakaemo Goti kameʼamo maigae. Mago kavaʼmo apakaetegamo osutapa afaʼa apataleyo, huʼna lapa nepauve, huno hapa paiʼniye.