Vargje biblike të njohura nga LUKE 9

Ndaje

Áko t'áá ałtso ábizhdííniid, Diné t'áá háiida shikéé' dashdiigháhígíí éí ádeizhdiyoo'nah, áádóó t'áá ákwíí jį́ t'áá hó hatsin ałnáoszid jootį́įł doo, áádóó shikéé' joogáał doo.

Háálá t'áá háiida jiinánígíí bąąh hą́ą́sniizį́į'go éí yóó'azhdootłish, nidi t'áá háiida shí shiniinaa jiinánígíí ninázhdiní'ą́ągo éí jiináa dooleeł.

Nidi Jesus áhodííniid, Diné ła' bee nihwiildlaadí jiiłtsoodgo t'ą́ąjį' nízdéest'į́į'go hojoołdlałígíí éí Diyin God bee bóhólníihgo bił haz'áanii biyi' chojoo'į́į dooleełígíí doo bą́ą́h jílį́į da.

Háálá diné ła'da nahasdzáán t'áá si'ą́ą́ nít'éé' hóó' dooleeł biniyé hwii' sizíinii yóó'azhdíí'ą́ągo, doodaii' t'áá ákójínéehgo jiinánígíí yóó'azhdíí'ą́ągo, haa néelą́ą́' há bínéidoodił?

Háálá t'áá háiida shí índa shizaad baa yázniizį́'ígíí, éí Diné Silį́į'ii t'áá bí bee bits'ádi'nílíidii áádóó biTaa' índa diyingo nidaal'a'í bee bits'ádi'nílíidii yił níyáago hó ałdó' haa yádínóozįįł.

Áko Jesus áháłní, Mą'ii dootł'izhí be'a'áán dahólǫ́, áádóó tsídii wódahgo nidaat'a'ígíí bit'oh dahólǫ́, nidi Diné Silį́į'ii éí t'áadoo nizhnót'áałgi da.

áko ábizhdííniid, T'áá háiida díí áłchíní yázhí shízhi' bee bich'į' k'éznídzinígíí éí shich'į' k'éznídzin, áádóó t'áá háiida shich'į' k'éznídzinígíí, éí shiníł'a'ii bich'į' k'éznídzin, háálá nihitahgóó t'áá háiida t'áá a'ohgo ájít'éhígíí, éí ayóó át'éii jílį́.