Kanite: Anumayamoʼa haegafa alino hagelafilatenea kea New Testament

Kanite - 2002 WBT (NT) Non Drama

Kanite - 2002 WBT (NT) Drama

<div class="version vid987 iso6393kmu" data-vid="987" data-iso6393="kmu">
 <div class="book bkJHN">
 <div class="chapter ch1" data-usfm="JHN.1">
 <div class="label">1</div><div class="s">Yisasi&#42892;a nago agi&#42892;a Kemo&#42892;e haimu&#42892;enena maine.</div><div class="p"> 1Ehe&#42892;ma Anumaya Koti&#42892;ma ma mopama taloma ohunea kanafina Yisasina nago agia Kemo&#42892;e huno maineane. Anumaya Koti&#42892;ene tokae&#42892;ana maina&#42892;ane. Ani Kemo&#42892;a, Yisasi&#42892;e, Anumaya Koti&#42892;ene nago&#42892;ya hu-maina&#42892;ane. 2Maina&#42892;ageno ehe kanafina ani kanoa Anumaya Koti&#42892;ene tokae&#42892;ana maina&#42892;ane. 3Anumaya Koti&#42892;a hapaigeno Yisasi&#42892;a muki&#42892;a yana talo hu-maleneane. Yisasi&#42892;a nago yana talo ohunea yana omalene. 4Ani Yisasi&#42892;a muki&#42892;a veala hamaimu ne&#42892;amamia kano maineanagino ani haimu&#42892;amo&#42892;a veala aye hale-ma-te yama&#42892;a hane. 5Ani hale yamo&#42892;a haniki mainea yapina aye hale-mainegeno hani-ki-mainea yamo&#42892;a alino asu ohune.</div><div class="p"> 6Anumaya Koti&#42892;a nago kanoa hu-tegeno emaine. Ani kanomo agia Yoni&#42892;e. 7Ani kanoa hale yamo ke hama-paigahe emainege&#42892;ya agai keleti muki&#42892;a vea&#42892;mo&#42892;ya hale yafe &#8220;Tamage hane.&#8221; hu&#42892;ya agaife amakupi male&#42892;ya ametiti hisaya yafe emaine. 8Yoni&#42892;a hale yamona aepa&#42892;a omainegi afa&#42892;a hale yamona aepa&#42892;a hanea kanomofe hama-paigahe emaine. 9Ani tamage hale yama&#42892;a ma mopale eno muki&#42892;a vea&#42892;ne aye hale-ma-tegahe emaine.</div><div class="p"> 10Ani Yisasi&#42892;a ma mopama talo hu-malenea kano emaineanagi ma mopafi vea&#42892;mo&#42892;ya agete&#42892;ya aepa&#42892;a havilama hu&#42892;ya ohavinae. 11Agai&#42892;a talo hu-malenea mopale emaineamagi agai&#42892;a vea&#42892;mo&#42892;ya avale&#42892;ya falu fala hu&#42892;ya o&#42892;avalenae. 12Avale&#42892;ya o&#42892;atage&#42892;ya nagoke nagoke&#42892;mo&#42892;ya falu fala hu&#42892;ya Yisasina avale-mainaya vea&#42892;mo&#42892;ya Yisasife amakupi male&#42892;ya amametiti nehaya vea&#42892;mogamina Yisasi&#42892;a tokiya&#42892;aleti &#8220;Anumaya Koti nafa&#42892;neyagae.&#8221; huno hu-ne&#42892;ama-te. 13Ani vea&#42892;mo&#42892;ya vaya&#42892;mo kolateti o&#42892;ama-temagi Anumaya Kotiteti ama-tene. Vemo augafa ageno ha&#42892;ye hu yateti o&#42892;amatenegi Anumaya Kotiteti amatene. Vea&#42892;mo&#42892;ya nafa&#42892;ne atesaya amakesa haviya yateti o&#42892;amatemagi Anumaya Kotiteti amatene.</div><div class="p"> 14Yisasina nago agi&#42892;a Kemona atetegeno ve maineno tagai&#42892;ene mainegeta agaila alu aotage tokiya hale yama&#42892;a ne&#42892;agone. Ani kanoa Anumaya Kotina aiya nagoke nafa&#42892;ne&#42892;a maineamagino nefa&#42892;a agai&#42892;a alu aotage tokiya hale yama&#42892;a amigeno ali falu huno kayone&#42892;age ya&#42892;ene tamage&#42892;age hu ya&#42892;ene agai agu&#42892;afina hiya hu-maine.</div><div class="p"> 15Yoni&#42892;a keha keha nehuno agaife mage hie &#8220;Ma kanomofe nayona mage hu&#42892;na tamaha-pai-mainoe haenaga&#42892;a nago kanoa nagaila onatenele mainea yafe nagaila ago nagase-mainea kanoa egahiema hu&#42892;na tamaha-pai-mainoane.&#8221;</div><div class="p"> 16Ali falu huno kayone yama&#42892;a hiya hu-mainefiti tagaila muki&#42892;amogatina taya huno kanale manu tamiteno nago&#42892;a kanale manuene nelamie. 17Tamage Anumaya Koti&#42892;a kahegi kema malenea kea Mosesena ayapi maleteno hapaigeno hama-pai-mainiamagi ali falu huno kayone ya&#42892;ene tamage hu ya&#42892;ene Yisasi Kalaisiteti ne&#42892;alune. 18Nagoke kanomo&#42892;a Anumaya Kotina o&#42892;agene. Tamage muki&#42892;a veala o&#42892;agenae. Aiya nagoke nafa&#42892;ne&#42892;amo&#42892;a Anumaya Koti&#42892;ene nago&#42892;ya hu&#42892;ana maina&#42892;amagino ani kanomo&#42892;a Nefa avate maineleti Nefana agai&#42892;age tave-nelino aepa&#42892;a hu-gafino taha-pai-maine.</div><div class="s">Mono ti fal-mate Yoni&#42892;a mono ke nehie.</div><div class="p"> 19Isaleli vaya&#42892;mo&#42892;ya Yelusalemu mainaleti Livae nofi vaya&#42892;ene mono note kava vaya&#42892;ene hu-ma-tage&#42892;ya Yonife &#8220;Kagaya tagae?&#8221; hutama havigeho hu&#42892;ya hama-pai-mainae. Hama-paige&#42892;ya mo havigageno Yoni&#42892;a ma ke huno hama-nepaiye. 20Yoni&#42892;a ani ke fala-kino ohunegi ani kea hu falote huno mage huno hie &#8220;Nagaya Kalaisi, Anumaya Koti&#42892;ma taugafa ali-gatigahe hu-tenea kanoa nagaya omainoe.&#8221; huno hie. 21Hige&#42892;ya &#8220;Ani kanoa omaimagi kagaya tagae? Ilaiyaga mainapi?&#8221; hu&#42892;ya havigageno &#8220;A&#42892;ao nagaya ani kanoa omainoe.&#8221; Yoni&#42892;a make huno hige&#42892;ya &#8220;Nagi Anumaya Koti aune kano mainapi?&#8221; hu&#42892;ya hageno &#8220;A&#42892;ao.&#8221; huno hie. 22Hige&#42892;ya &#8220;Taha-paiyo kagaya tagae? Hu-la-tenaya vaya&#42892;mogamina kenona&#42892;amima hama-paisuna kea kagesafiti kagaika ali&#42892;yafe na&#42892;ane ke nehane?&#8221; hu&#42892;ya havi-negae. 23Nehageno Yoni&#42892;a kenona&#42892;amilela mage huno hama-nepaiye &#8220;Nagaya ma kano mainoe. Nage ai&#42892;na ka&#42892;me kotegati keha keha hisua kano mainoe. Aisaiya&#42892;a Anumaya Koti aune kanomo&#42892;a nayo hu-malenea kea mage hu&#42892;na nehue</div><div class="q1">&#8216;Anumaya visia kana alitama hilato hutama ali fatago hiho.&#8217;</div><div class="m">huno hu-maineane.&#8221; huno hie. 24Anima havigesia kema ali&#42892;ya vaya vayala Falasia vaya&#42892;mo&#42892;ya hu-ma-tenae. 25Ani vaya&#42892;mo&#42892;ya Yonife mage hu&#42892;ya havi-negae &#8220;Kalaisigaene Ilaiyagaene Anumaya Koti aune kanoenema omaineka na&#42892;a higeka tina fale ne&#42892;amatane?&#8221; hu&#42892;ya havi-ge-mainae. 26Havigageno Yoni&#42892;a kenona&#42892;amilela mage hie &#8220;Ma nagaya titeti fale nelama-toamagi tamakaipina nagola o&#42892;agenaya kanoa he-ti-maine. 27Heti-maineamagino ani kanomo&#42892;a haenaga&#42892;a egahie. Nagaya afa kano mainoamagi&#42892;na agai aiyalela ayesuana onategahie.&#8221; huno hu-maine. 28Yoni&#42892;a Petani kumate Yotani timona atu kaiyaga maineno vea&#42892;ne ti fale ne&#42892;ama-teno mani kea hu-mainea kehe mehavi-ge-mainae.</div><div class="s">Yisasi&#42892;a Anumaya Kotina Sipi sipi nafa&#42892;ne&#42892;a maine.</div><div class="p"> 29Faete&#42892;ya kotige&#42892;ya Yisasi&#42892;a Yonitega ene&#42892;egeno Yoni&#42892;a ageteno mage huno nehie &#8220;Ageho mani kanoa Anumaya Kotina Sipi sipi nafa&#42892;ne&#42892;ae. Haenaga&#42892;a haesageno falisia yateti ma mopale vea&#42892;mogamina kefo ya&#42892;amia ali-talesia yafe emaine. 30Ani kanomofe nayona mage hu&#42892;na tamaha-pai-mainoe &#8216;Haenaga&#42892;a esia kanomo&#42892;a nagaila onatenele mainea yafe nagaila ago nagase-mainea kano egahie.&#8217; hu&#42892;na tamaha-pai-mainoane. 31Nagaya agaila aepa&#42892;a o&#42892;agenoanagi Isaleli vea&#42892;mogamina Yisasina amave-ligahe tina mo fale-ma-tesoe hu&#42892;na emainoane.&#8221; huno hie.</div><div class="p"> 32Yoni&#42892;a mage huno hama-pai-maine &#8220;Anumaya Kotina Alu Aotage Avamu&#42892;amo&#42892;a nama kana huno ikapinagati elavino ea&#42892;yamo augafalela emainege&#42892;na age-mainoe. 33Nagaya agaila o&#42892;agenoanagi Anumaya Koti&#42892;a ti fale-ma-to yate hu-natenea kanogino mage hie &#8216;Kagaya agegane nagai&#42892;ni Alu Aotage Avamu&#42892;mo&#42892;a elavino nago vemo augafale&#42892;ma emaisigekama agesana vemo&#42892;a vea&#42892;mogamina Alu Aotage Avamu&#42892;aleti fale-ma-tegahie huka havigane.&#8217; huno hige&#42892;na havi-mainoane. 34Nagaya ani kema hia yana ago age-mainoleti tamaha-nepauve ma kanoa Anumaya Kotina ne&#42892;amo maine hu&#42892;na nehue.&#8221; huno hie.</div><div class="s">Tali&#42892;a (3) vaya&#42892;mo&#42892;ya Yisasi&#42892;ene meli lo&#42892;kae&#42892;ya umainae.</div><div class="p"> 35Faete&#42892;ya kotige&#42892;ya Yoni&#42892;ene agai&#42892;aene tokae&#42892;ana nemai&#42892;a kanolata&#42892;ene ete&#42892;ya he-ti&#42892;ya mainae. 36-37Yisasi&#42892;a ne&#42892;vigeno Yoni&#42892;a ageke huno ageteno mage hie &#8220;Anumaya Koti Sipi sipi nafa&#42892;nea atu maine.&#8221; huno hige&#42892;ana Yoni&#42892;ene tokae&#42892;ana nemai&#42892;a kanolatana ani kea havite&#42892;ana Yisasina akave ne&#42892;va&#42892;e. 38Akave ne&#42892;va&#42892;ageno Yisasi&#42892;a mai-yahae huno anaketeno ke huno hana-vige &#8220;Na&#42892;afe ne&#42892;a&#42892;e?&#8221; huno hige&#42892;ana anakaya mage ha&#42892;e &#8220;Lapaiga hanate nemaine?&#8221; hu&#42892;ana neha&#42892;e. Lapai tagai kefina hu-mave-lina kanoe huno hie. 39Yisasi&#42892;a mage huno hie &#8220;Etana mege&#42892;o.&#8221; huno hana-paige&#42892;ana agai&#42892;ene ne&#42892;va&#42892;ageno une kige&#42892;ana noma&#42892;a mogete&#42892;ana ani kanalela agai&#42892;ene maina&#42892;e.</div><div class="p"> 40Yoni kema havite&#42892;ana Yisasi akave&#42892;ma umaina&#42892;a kanolatapitila nago kanomo agia Etalu&#42892;e ani kanoa Saimoni Pitana agana&#42892;amo&#42892;e. 41Etalu&#42892;a hagoteno nepu&#42892;amona Saimonife mo atiyeno mogefalote huteno mage huno hapaiye &#8220;Anumaya Koti&#42892;ma taugafa ali-gatigahema hu-tegeno emainea kanoa Kalaisina nagaya ago agoe.&#8221; huno hie. 42Huteno Saimonina avaleno Yisasite ne&#42892;va&#42892;ageno Yisasi&#42892;a ageke huno ageteno mage hie &#8220;Kagaya Saimoniga Yonina nemofogae kagai kagia mage hu&#42892;na nemaloe Sifasigae Pitagae.&#8221; huno nehie. Ani agilatamogania nago&#42892;ya hu-maina&#42892;e. Tagai kefina yafa&#42892;mogae huno malene.</div><div class="s">Yisasi&#42892;a Filipife&#42892;ene Nataniolofe&#42892;ene ke hu-maine.</div><div class="p"> 43Faete&#42892;ya kotigeno Yisasi&#42892;a Kalili visia agesa havino vilegati Filipina mogeteno mage huno hapaiye &#8220;Kagaya nakave eno.&#8221; huno hapaiye. 44Filipi&#42892;a Petesaita kumate kanoe. Ani kumala Etalugani Pitagani kumale. 45Filipi&#42892;a Nataniolona moge-falote huteno mage huno hapaiye &#8220;Nago kanomofe Anumaya Koti amaune vaya&#42892;ene Mosese&#42892;ene mono auta&#42892;mafi kae-malenaya kanoa tagaya ago age-falote hunana agaya Nasaleti Yisasi&#42892;e Yosefena nafa&#42892;ne&#42892;amo maine.&#8221; huno hie. 46Higeno Nataniolo&#42892;a mage huno hie &#8220;Nasaleti kanale yana falote hisifi? Falote ohugahie.&#8221; huno higeno Filipi&#42892;a mage huno hie &#8220;Eka mego.&#8221; huno hapaiye.</div><div class="p"> 47Hapaige&#42892;ana ne&#42892;a&#42892;ageno Yisasi&#42892;a Nataniolona ageteno mage hie &#8220;Ageho Isaleliti tama kanolafane. Mani kanoa nagola havige&#42892;a omalenea kano maine.&#8221; huno hie. 48Higeno Nataniolo&#42892;a mage huno havinege &#8220;Nagai aepa&#42892;a na yu havimainanane?&#8221; huno havigegeno Yisasi&#42892;a mage hie &#8220;Filipi&#42892;a kagaila moge ohunegeka kagaya fiki yosamo aepale mainanage&#42892;na nagaya ago kage-mainoe.&#8221; huno hie.</div><div class="p"> 49Higeno Nataniolo&#42892;a mage hie &#8220;Hulaveli kanomoga Anumaya Koti nafa&#42892;ne mainane. Kagaya Isaleli kotega ala sauve kano mainane.&#8221; huno hie. 50Higeno Yisasi&#42892;a Nataniolofe mage hie &#8220;Fiki yosamo aepale mainanage&#42892;na nagaya kage-mainoafe tamage nehane huka kagupi maleka kametiti nehano? Haenaga&#42892;a tusi&#42892;a ala kava&#42892;yaga efalote hinageka agegane.&#8221; huno hapai-maine. 51Yisasi&#42892;a amakaife mage hie &#8220;Tamagelafa hu&#42892;na tamaha-nepauve tamakaya ikamo&#42892;ma ai-halenagetama ne&#42892;agetama ikapinagati emainoa kano vaya&#42892;mo natenea kanomonilela Anumaya Kotina ensole anaga&#42892;amo&#42892;ya naugafalela haite&#42892;ya lavite&#42892;ya nehisagetama agegahae.&#8221; huno hama-nepaiye.</div>
 </div>
 </div>
</div>

Eheꞌma Anumaya Kotiꞌma ma mopama taloma ohunea kanafina Yisasina nago agia Kemoꞌe huno maineane. Anumaya Kotiꞌene tokaeꞌana mainaꞌane. Ani Kemoꞌa, Yisasiꞌe, Anumaya Kotiꞌene nagoꞌya hu-mainaꞌane. Mainaꞌageno ehe kanafina ani kanoa Anumaya Kotiꞌene tokaeꞌana mainaꞌane. Anumaya Kotiꞌa hapaigeno Yisasiꞌa mukiꞌa yana talo hu-maleneane. Yisasiꞌa nago yana talo ohunea yana omalene. Ani Yisasiꞌa mukiꞌa veala hamaimu neꞌamamia kano maineanagino ani haimuꞌamoꞌa veala aye hale-ma-te yamaꞌa hane. Ani hale yamoꞌa haniki mainea yapina aye hale-mainegeno hani-ki-mainea yamoꞌa alino asu ohune.
Anumaya Kotiꞌa nago kanoa hu-tegeno emaine. Ani kanomo agia Yoniꞌe. Ani kanoa hale yamo ke hama-paigahe emainegeꞌya agai keleti mukiꞌa veaꞌmoꞌya hale yafe “Tamage hane.” huꞌya agaife amakupi maleꞌya ametiti hisaya yafe emaine. Yoniꞌa hale yamona aepaꞌa omainegi afaꞌa hale yamona aepaꞌa hanea kanomofe hama-paigahe emaine. Ani tamage hale yamaꞌa ma mopale eno mukiꞌa veaꞌne aye hale-ma-tegahe emaine.
Ani Yisasiꞌa ma mopama talo hu-malenea kano emaineanagi ma mopafi veaꞌmoꞌya ageteꞌya aepaꞌa havilama huꞌya ohavinae. Agaiꞌa talo hu-malenea mopale emaineamagi agaiꞌa veaꞌmoꞌya avaleꞌya falu fala huꞌya oꞌavalenae. Avaleꞌya oꞌatageꞌya nagoke nagokeꞌmoꞌya falu fala huꞌya Yisasina avale-mainaya veaꞌmoꞌya Yisasife amakupi maleꞌya amametiti nehaya veaꞌmogamina Yisasiꞌa tokiyaꞌaleti “Anumaya Koti nafaꞌneyagae.” huno hu-neꞌama-te. Ani veaꞌmoꞌya vayaꞌmo kolateti oꞌama-temagi Anumaya Kotiteti ama-tene. Vemo augafa ageno haꞌye hu yateti oꞌamatenegi Anumaya Kotiteti amatene. Veaꞌmoꞌya nafaꞌne atesaya amakesa haviya yateti oꞌamatemagi Anumaya Kotiteti amatene.
Yisasina nago agiꞌa Kemona atetegeno ve maineno tagaiꞌene mainegeta agaila alu aotage tokiya hale yamaꞌa neꞌagone. Ani kanoa Anumaya Kotina aiya nagoke nafaꞌneꞌa maineamagino nefaꞌa agaiꞌa alu aotage tokiya hale yamaꞌa amigeno ali falu huno kayoneꞌage yaꞌene tamageꞌage hu yaꞌene agai aguꞌafina hiya hu-maine.
Yoniꞌa keha keha nehuno agaife mage hie “Ma kanomofe nayona mage huꞌna tamaha-pai-mainoe haenagaꞌa nago kanoa nagaila onatenele mainea yafe nagaila ago nagase-mainea kanoa egahiema huꞌna tamaha-pai-mainoane.”
Ali falu huno kayone yamaꞌa hiya hu-mainefiti tagaila mukiꞌamogatina taya huno kanale manu tamiteno nagoꞌa kanale manuene nelamie. Tamage Anumaya Kotiꞌa kahegi kema malenea kea Mosesena ayapi maleteno hapaigeno hama-pai-mainiamagi ali falu huno kayone yaꞌene tamage hu yaꞌene Yisasi Kalaisiteti neꞌalune. Nagoke kanomoꞌa Anumaya Kotina oꞌagene. Tamage mukiꞌa veala oꞌagenae. Aiya nagoke nafaꞌneꞌamoꞌa Anumaya Kotiꞌene nagoꞌya huꞌana mainaꞌamagino ani kanomoꞌa Nefa avate maineleti Nefana agaiꞌage tave-nelino aepaꞌa hu-gafino taha-pai-maine.

Isaleli vayaꞌmoꞌya Yelusalemu mainaleti Livae nofi vayaꞌene mono note kava vayaꞌene hu-ma-tageꞌya Yonife “Kagaya tagae?” hutama havigeho huꞌya hama-pai-mainae. Hama-paigeꞌya mo havigageno Yoniꞌa ma ke huno hama-nepaiye. Yoniꞌa ani ke fala-kino ohunegi ani kea hu falote huno mage huno hie “Nagaya Kalaisi, Anumaya Kotiꞌma taugafa ali-gatigahe hu-tenea kanoa nagaya omainoe.” huno hie. Higeꞌya “Ani kanoa omaimagi kagaya tagae? Ilaiyaga mainapi?” huꞌya havigageno “Aꞌao nagaya ani kanoa omainoe.” Yoniꞌa make huno higeꞌya “Nagi Anumaya Koti aune kano mainapi?” huꞌya hageno “Aꞌao.” huno hie. Higeꞌya “Taha-paiyo kagaya tagae? Hu-la-tenaya vayaꞌmogamina kenonaꞌamima hama-paisuna kea kagesafiti kagaika aliꞌyafe naꞌane ke nehane?” huꞌya havi-negae. Nehageno Yoniꞌa kenonaꞌamilela mage huno hama-nepaiye “Nagaya ma kano mainoe. Nage aiꞌna kaꞌme kotegati keha keha hisua kano mainoe. Aisaiyaꞌa Anumaya Koti aune kanomoꞌa nayo hu-malenea kea mage huꞌna nehue
‘Anumaya visia kana alitama hilato hutama ali fatago hiho.’
huno hu-maineane.” huno hie. Anima havigesia kema aliꞌya vaya vayala Falasia vayaꞌmoꞌya hu-ma-tenae. Ani vayaꞌmoꞌya Yonife mage huꞌya havi-negae “Kalaisigaene Ilaiyagaene Anumaya Koti aune kanoenema omaineka naꞌa higeka tina fale neꞌamatane?” huꞌya havi-ge-mainae. Havigageno Yoniꞌa kenonaꞌamilela mage hie “Ma nagaya titeti fale nelama-toamagi tamakaipina nagola oꞌagenaya kanoa he-ti-maine. Heti-maineamagino ani kanomoꞌa haenagaꞌa egahie. Nagaya afa kano mainoamagiꞌna agai aiyalela ayesuana onategahie.” huno hu-maine. Yoniꞌa Petani kumate Yotani timona atu kaiyaga maineno veaꞌne ti fale neꞌama-teno mani kea hu-mainea kehe mehavi-ge-mainae.

Faeteꞌya kotigeꞌya Yisasiꞌa Yonitega eneꞌegeno Yoniꞌa ageteno mage huno nehie “Ageho mani kanoa Anumaya Kotina Sipi sipi nafaꞌneꞌae. Haenagaꞌa haesageno falisia yateti ma mopale veaꞌmogamina kefo yaꞌamia ali-talesia yafe emaine. Ani kanomofe nayona mage huꞌna tamaha-pai-mainoe ‘Haenagaꞌa esia kanomoꞌa nagaila onatenele mainea yafe nagaila ago nagase-mainea kano egahie.’ huꞌna tamaha-pai-mainoane. Nagaya agaila aepaꞌa oꞌagenoanagi Isaleli veaꞌmogamina Yisasina amave-ligahe tina mo fale-ma-tesoe huꞌna emainoane.” huno hie.
Yoniꞌa mage huno hama-pai-maine “Anumaya Kotina Alu Aotage Avamuꞌamoꞌa nama kana huno ikapinagati elavino eaꞌyamo augafalela emainegeꞌna age-mainoe. Nagaya agaila oꞌagenoanagi Anumaya Kotiꞌa ti fale-ma-to yate hu-natenea kanogino mage hie ‘Kagaya agegane nagaiꞌni Alu Aotage Avamuꞌmoꞌa elavino nago vemo augafaleꞌma emaisigekama agesana vemoꞌa veaꞌmogamina Alu Aotage Avamuꞌaleti fale-ma-tegahie huka havigane.’ huno higeꞌna havi-mainoane. Nagaya ani kema hia yana ago age-mainoleti tamaha-nepauve ma kanoa Anumaya Kotina neꞌamo maine huꞌna nehue.” huno hie.

Faeteꞌya kotigeꞌya Yoniꞌene agaiꞌaene tokaeꞌana nemaiꞌa kanolataꞌene eteꞌya he-tiꞌya mainae. Yisasiꞌa neꞌvigeno Yoniꞌa ageke huno ageteno mage hie “Anumaya Koti Sipi sipi nafaꞌnea atu maine.” huno higeꞌana Yoniꞌene tokaeꞌana nemaiꞌa kanolatana ani kea haviteꞌana Yisasina akave neꞌvaꞌe. Akave neꞌvaꞌageno Yisasiꞌa mai-yahae huno anaketeno ke huno hana-vige “Naꞌafe neꞌaꞌe?” huno higeꞌana anakaya mage haꞌe “Lapaiga hanate nemaine?” huꞌana nehaꞌe. Lapai tagai kefina hu-mave-lina kanoe huno hie. Yisasiꞌa mage huno hie “Etana megeꞌo.” huno hana-paigeꞌana agaiꞌene neꞌvaꞌageno une kigeꞌana nomaꞌa mogeteꞌana ani kanalela agaiꞌene mainaꞌe.
Yoni kema haviteꞌana Yisasi akaveꞌma umainaꞌa kanolatapitila nago kanomo agia Etaluꞌe ani kanoa Saimoni Pitana aganaꞌamoꞌe. Etaluꞌa hagoteno nepuꞌamona Saimonife mo atiyeno mogefalote huteno mage huno hapaiye “Anumaya Kotiꞌma taugafa ali-gatigahema hu-tegeno emainea kanoa Kalaisina nagaya ago agoe.” huno hie. Huteno Saimonina avaleno Yisasite neꞌvaꞌageno Yisasiꞌa ageke huno ageteno mage hie “Kagaya Saimoniga Yonina nemofogae kagai kagia mage huꞌna nemaloe Sifasigae Pitagae.” huno nehie. Ani agilatamogania nagoꞌya hu-mainaꞌe. Tagai kefina yafaꞌmogae huno malene.

Faeteꞌya kotigeno Yisasiꞌa Kalili visia agesa havino vilegati Filipina mogeteno mage huno hapaiye “Kagaya nakave eno.” huno hapaiye. Filipiꞌa Petesaita kumate kanoe. Ani kumala Etalugani Pitagani kumale. Filipiꞌa Nataniolona moge-falote huteno mage huno hapaiye “Nago kanomofe Anumaya Koti amaune vayaꞌene Moseseꞌene mono autaꞌmafi kae-malenaya kanoa tagaya ago age-falote hunana agaya Nasaleti Yisasiꞌe Yosefena nafaꞌneꞌamo maine.” huno hie. Higeno Natanioloꞌa mage huno hie “Nasaleti kanale yana falote hisifi? Falote ohugahie.” huno higeno Filipiꞌa mage huno hie “Eka mego.” huno hapaiye.
Hapaigeꞌana neꞌaꞌageno Yisasiꞌa Nataniolona ageteno mage hie “Ageho Isaleliti tama kanolafane. Mani kanoa nagola havigeꞌa omalenea kano maine.” huno hie. Higeno Natanioloꞌa mage huno havinege “Nagai aepaꞌa na yu havimainanane?” huno havigegeno Yisasiꞌa mage hie “Filipiꞌa kagaila moge ohunegeka kagaya fiki yosamo aepale mainanageꞌna nagaya ago kage-mainoe.” huno hie.
Higeno Natanioloꞌa mage hie “Hulaveli kanomoga Anumaya Koti nafaꞌne mainane. Kagaya Isaleli kotega ala sauve kano mainane.” huno hie. Higeno Yisasiꞌa Nataniolofe mage hie “Fiki yosamo aepale mainanageꞌna nagaya kage-mainoafe tamage nehane huka kagupi maleka kametiti nehano? Haenagaꞌa tusiꞌa ala kavaꞌyaga efalote hinageka agegane.” huno hapai-maine. Yisasiꞌa amakaife mage hie “Tamagelafa huꞌna tamaha-nepauve tamakaya ikamoꞌma ai-halenagetama neꞌagetama ikapinagati emainoa kano vayaꞌmo natenea kanomonilela Anumaya Kotina ensole anagaꞌamoꞌya naugafalela haiteꞌya laviteꞌya nehisagetama agegahae.” huno hama-nepaiye.

Dëgjoj Yoni 1