Romani, Sinti - Romanes Arbeit Marburg (Drama NT)

<div class="version vid3082 iso6393rmo" data-vid="3082" data-iso6393="rmo">
 <div class="book bkLUK">
 <div class="chapter ch17" data-usfm="LUK.17">
 <div class="label">17</div><div class="s1">Ma mukenn tumen o Debleskro dromestar tele te anell!</div><div class="p"> 1Un o Jesus penas ap peskre malende: &#8220;Tchatchepah, menshe wenna, kai kamenn tumen o Debleskro dromestar tele te anell. Bibacht ap koleste, kai kowa krella! 2Koleske wals feteder, te well leske i pharo bar trul i meen pandlo, un te well lo an o baro pani witsedo, te nai anell lo buder gar jekes kal tiknendar ap o tchilatcho drom. 3Denn jak ap tumende! Te krell tiro phraal tchilatcho koowa ap tute, pen leske, kai kowa gar mishto hi, hoi job kras! Te khaitell les ko tchilatcho koowa, hoi job ap tute kras, jaake ab buder gar chojedo ap leste! 4Te krell lo efta kope ap o diwes tchilatcho koowa ap tute, un te well lo efta kope pash tute un penella, kai les kowa khaitella, jaake ab buder gar chojedo ap leste!&#8221;</div><div class="s1">O sorelo patsepen</div><div class="p"> 5Un kol deesh-te-dui bitchepangre penan ap o Jesuseste: &#8220;Kre maro patsepen soreles!&#8221; 6Koi penas o rai Jesus ap lende: &#8220;Te wals tumaro patsepen ninna tikno har i senftikro djob, nai penans tumer ap ko baro ruk: Witse tut an o pani! Un ko ruk shunals ap tumende.&#8221;</div><div class="s1">Har te budras mer o Debleske</div><div class="p"> 7&#8220;Shunenn, hoi me tumenge penaua: Kek tumendar penella ap peskro budepaskro, kai pal peskri budi ap o kotar them khere wella: Am, besh tut kate tele, cha un pi! 8Ko krenn tumer gar. Tumer penenn leske: Rib tut trujel un kre mange chapaske! An ko chapen pash mande! Palle nai chah un pijeh tu ninna.</div><div class="p"> 9Parkrenn tumen pash leste koleske, hoi job kras? Na-a, ko krenn tumer gar.</div><div class="p"> 10Jaake hi kowa ninna tumentsa. Te kran tumer lauter, hoi o Dewel tumenge penas, palle penenn: Mer ham tire budepangre. Mer kram, hoi hunte kram.&#8221;</div><div class="s1">O Jesus krell deesh murshen sasto</div><div class="p"> 11Har o Jesus ap o drom an o foro Jerusalem his, djas lo mank i themma Samaria un Galilea. 12Un job djas an i gab. Un kote wan deesh nassele mursha pash leste. Kolen his i djungelo nasslepen, kai lengro mass tele merella#17:12 Kau nasslepen kras len pale-tchiddo.. Jon his lestar doha dur krik tardo, 13un dan gole: &#8220;Jesus, latcho rai, kre tiro dji menge pre!&#8221;</div><div class="p"> 14Un o Jesus dikas len, un penas ap lende: &#8220;Djan pash o rashajeste, un sikrenn tumen glan leste!&#8221; #17:14 O rashai nai kras len pale erligo.</div><div class="p">Un har jon djan, wan jon ap o drom sasto.</div><div class="p"> 15Jek lendar, har job dikas, te hi lo sasto, djas lo pash o Jesuseste pale pale, un sharas o Debles o tselo djijeha. 16Job witsras pes glan o Jesuseskre pire tele, un parkras pes. Kowa his i Samaritari#17:16 I Samaritarja hi infam an i biboldengre jaka..</div><div class="p"> 17Koi penas o Jesus: &#8220;Deesh wan sasto. Kai hi kol wawar enja?</div><div class="p"> 18Hi kek wawar koi, kai was pale pale, te sharell lo o Debles har kau Samaritari?&#8221;</div><div class="p"> 19Un job penas ap kol mursheste: &#8220;Ste pre, un dja khere! Tiro patsepen kras tut sasto.&#8221;</div><div class="s1">Kaana well o Debleskro tsiro?</div><div class="p"> 20Un i Farisarja putchan o Jesusestar: &#8220;Kaana well ko tsiro, kai dikah, kai o Dewel o rai hi pral i tseli phub?&#8221; Koi penas lo: &#8220;Ko tsiro well gar jaake, te nai dikenn kowa. 21Ninna nai penell jek gar: Kanna hi ko tsiro kai.&#8221; Un o Jesus penas dureder: &#8220;Kote, kai i mensho kamell, te well o Dewel leskro rai, kote was ko tsiro.&#8221;</div><div class="p"> 22Un job penas ap peskre malende: &#8220;I tsiro wella, kai tumaro dji kamell o Menshengro Tchawes jek diwes te dikell. Un tumer dikenn les gar. 23Un jon penenn ap tumende: Dikenn, kote hi lo! Dikenn, kate hi lo! Me penau tumenge: Djan gar kote! Patsenn gar, hoi kol menshe penenna!</div><div class="p"> 24Jaake har i Debleskri jag an o bolepen diklo hi, hoi djal jek rigjatar ap i wawar rig an o bolepen, jaake well o Mensheskro Tchawo ap peskro diwes diklo. 25Glan ko tsiro hunte lell lo bud duka ap peste. Un i menshe, kai kau diwes djiwenna, tchiwenn les ap i rig.</div><div class="p"> 26Ap ko tsiro, kai o Mensheskro Tchawo pale wella, djiwenn i menshe jaake har an ko tsiro, kai o Noah djiwas. 27Kol menshe chan, pijan, un romedineran, bis ap ko diwes, kai o Noah an o panjeskro kheer djas, un o baro pani was, un lauter tassan le.</div><div class="p"> 28O tsiro, kai o Mensheskro Tchawo pale wella, hi ninna har o tsiro, kai o Lot djiwas. Jon chan, pijan, jon ginan, bikran, jon budran ap pengro kotar phub, un kran penge khera.</div><div class="p"> 29Ap ko diwes, kai o Lot dran o foro Sodom djas, was jag dran o bolepen, un lauter wan chatchedo.</div><div class="p"> 30Jaake djal kowa ninna ap ko diwes, kai o Mensheskro Tchawo diklo wella. 31Koon ap ko diwes ap o kheer hi, un kones peskro koowa an o kheer hi, kowa hunte djal gar tele, te lell lo kowa. Un koon ap peskro kotar phub budrella, hunte djal gar buder khere. 32Ma bistrenn o Loteskri romjat! 33Koon kamell peskro djipen te rikrell, kowa nashrell les. Koon peskro djipen nashrella, kowa lell les pale.</div><div class="p"> 34Me penau tumenge: Te hi an koi rati dui menshe an o tchiben tchiddo, well ko jek krik lino, ko wawar atchell koi. 35Dui djuwja krenn dran djob jarro. Koi jek well krik lino, koi wawar atchell koi. 36Dui budrenn ap i kotar phub. Ko jek well krik lino, ko wawar atchell koi.&#8221;</div><div class="p"> 37Leskre mala putchan lestar: &#8220;Rai, kai well kowa?&#8221; Penas lo: &#8220;Kote, kai i mulo mass tchiddo hi, kote wenn i bare diwje tchirkle khetne te chan le.&#8221;</div>
 </div>
 </div>
</div>

© 2021 Romanes-Arbeit-Marburg e.V. Erste Auflage Alle Rechte vorbehalten Die Lizenzvereinbarung erlaubt eine nicht-kommerzielle Nutzung des Textes. Änderungen des Textes sind jedoch untersagt. Der Rechteinhaber, Romanes-Arbeit-Marburg e.V., muss bei jeder Veröffentlichung erwähnt werden. Für jegliche kommerzielle Verbreitung muss ein Herausgeber beim Rechteinhaber eine schriftliche Genehmigung beantragen. Herausgeber und Vertrieb: Romanes-Arbeit-Marburg e.V., Germany info@romanes-arbeit-marburg.de ISBN: 978-3-00-068366-4 Illustrationen von Louise Bass und Horace Knowles © The British amp Foreign Bible Society, 1954, 1967, 1972, 1994, 1995 Farbige Illustrationen mit Erlaubnis von Louise Bass Kartenmaterial generiert mit Bible Mapper © 2005-2010 von David P. Barret Alle Rechte an den Karten © 2021, Wycliffe Bible Translators, Inc.

Un o Jesus penas ap peskre malende: “Tchatchepah, menshe wenna, kai kamenn tumen o Debleskro dromestar tele te anell. Bibacht ap koleste, kai kowa krella! Koleske wals feteder, te well leske i pharo bar trul i meen pandlo, un te well lo an o baro pani witsedo, te nai anell lo buder gar jekes kal tiknendar ap o tchilatcho drom. Denn jak ap tumende! Te krell tiro phraal tchilatcho koowa ap tute, pen leske, kai kowa gar mishto hi, hoi job kras! Te khaitell les ko tchilatcho koowa, hoi job ap tute kras, jaake ab buder gar chojedo ap leste! Te krell lo efta kope ap o diwes tchilatcho koowa ap tute, un te well lo efta kope pash tute un penella, kai les kowa khaitella, jaake ab buder gar chojedo ap leste!”

Un kol deesh-te-dui bitchepangre penan ap o Jesuseste: “Kre maro patsepen soreles!” Koi penas o rai Jesus ap lende: “Te wals tumaro patsepen ninna tikno har i senftikro djob, nai penans tumer ap ko baro ruk: Witse tut an o pani! Un ko ruk shunals ap tumende.”

“Shunenn, hoi me tumenge penaua: Kek tumendar penella ap peskro budepaskro, kai pal peskri budi ap o kotar them khere wella: Am, besh tut kate tele, cha un pi! Ko krenn tumer gar. Tumer penenn leske: Rib tut trujel un kre mange chapaske! An ko chapen pash mande! Palle nai chah un pijeh tu ninna.
Parkrenn tumen pash leste koleske, hoi job kras? Na-a, ko krenn tumer gar.
Jaake hi kowa ninna tumentsa. Te kran tumer lauter, hoi o Dewel tumenge penas, palle penenn: Mer ham tire budepangre. Mer kram, hoi hunte kram.”

Har o Jesus ap o drom an o foro Jerusalem his, djas lo mank i themma Samaria un Galilea. Un job djas an i gab. Un kote wan deesh nassele mursha pash leste. Kolen his i djungelo nasslepen, kai lengro mass tele merella. Jon his lestar doha dur krik tardo, un dan gole: “Jesus, latcho rai, kre tiro dji menge pre!”
Un o Jesus dikas len, un penas ap lende: “Djan pash o rashajeste, un sikrenn tumen glan leste!”
Un har jon djan, wan jon ap o drom sasto.
Jek lendar, har job dikas, te hi lo sasto, djas lo pash o Jesuseste pale pale, un sharas o Debles o tselo djijeha. Job witsras pes glan o Jesuseskre pire tele, un parkras pes. Kowa his i Samaritari.
Koi penas o Jesus: “Deesh wan sasto. Kai hi kol wawar enja?
Hi kek wawar koi, kai was pale pale, te sharell lo o Debles har kau Samaritari?”
Un job penas ap kol mursheste: “Ste pre, un dja khere! Tiro patsepen kras tut sasto.”

Un i Farisarja putchan o Jesusestar: “Kaana well ko tsiro, kai dikah, kai o Dewel o rai hi pral i tseli phub?” Koi penas lo: “Ko tsiro well gar jaake, te nai dikenn kowa. Ninna nai penell jek gar: Kanna hi ko tsiro kai.” Un o Jesus penas dureder: “Kote, kai i mensho kamell, te well o Dewel leskro rai, kote was ko tsiro.”
Un job penas ap peskre malende: “I tsiro wella, kai tumaro dji kamell o Menshengro Tchawes jek diwes te dikell. Un tumer dikenn les gar. Un jon penenn ap tumende: Dikenn, kote hi lo! Dikenn, kate hi lo! Me penau tumenge: Djan gar kote! Patsenn gar, hoi kol menshe penenna!
Jaake har i Debleskri jag an o bolepen diklo hi, hoi djal jek rigjatar ap i wawar rig an o bolepen, jaake well o Mensheskro Tchawo ap peskro diwes diklo. Glan ko tsiro hunte lell lo bud duka ap peste. Un i menshe, kai kau diwes djiwenna, tchiwenn les ap i rig.
Ap ko tsiro, kai o Mensheskro Tchawo pale wella, djiwenn i menshe jaake har an ko tsiro, kai o Noah djiwas. Kol menshe chan, pijan, un romedineran, bis ap ko diwes, kai o Noah an o panjeskro kheer djas, un o baro pani was, un lauter tassan le.
O tsiro, kai o Mensheskro Tchawo pale wella, hi ninna har o tsiro, kai o Lot djiwas. Jon chan, pijan, jon ginan, bikran, jon budran ap pengro kotar phub, un kran penge khera.
Ap ko diwes, kai o Lot dran o foro Sodom djas, was jag dran o bolepen, un lauter wan chatchedo.
Jaake djal kowa ninna ap ko diwes, kai o Mensheskro Tchawo diklo wella. Koon ap ko diwes ap o kheer hi, un kones peskro koowa an o kheer hi, kowa hunte djal gar tele, te lell lo kowa. Un koon ap peskro kotar phub budrella, hunte djal gar buder khere. Ma bistrenn o Loteskri romjat! Koon kamell peskro djipen te rikrell, kowa nashrell les. Koon peskro djipen nashrella, kowa lell les pale.
Me penau tumenge: Te hi an koi rati dui menshe an o tchiben tchiddo, well ko jek krik lino, ko wawar atchell koi. Dui djuwja krenn dran djob jarro. Koi jek well krik lino, koi wawar atchell koi. Dui budrenn ap i kotar phub. Ko jek well krik lino, ko wawar atchell koi.”
Leskre mala putchan lestar: “Rai, kai well kowa?” Penas lo: “Kote, kai i mulo mass tchiddo hi, kote wenn i bare diwje tchirkle khetne te chan le.”

Dëgjoj Luka 17