If you have would like a copy of this version please contact info@davaraudiobibles.org

Tonga (Zambia) Bible

<div class="version vid2956 iso6393toi" data-vid="2956" data-iso6393="toi">
 <div class="book bkGEN">
 <div class="chapter ch12" data-usfm="GEN.12">
 <div class="label">12</div><div class="s">Leza mbwaakaita Abulamu</div><div class="p"> 1Lino Mwami Leza wakati kuli Abulamu, &#8220;Kosiya cisi cokwanu, usiye anzubo zyako, amukwasyi wauso, uunke kucisi nceyookutondezya. 2Ndiyookupa bana banji bayooba musyobo mupati kapati. Ndiyookuleleka kuti zina lyako likabe ampuwo, uyooba cileleko kubantu boonse.</div><div class="q"> 3Aabo bayookuleleka ambebo ndiyoobaleleka,</div><div class="q">pele ndiyoobasinganya aabo bayookusinganya.</div><div class="q">Ndiyooileleka misyobo yoonse yamunyika kwiindila mulinduwe.&#8221;</div><div class="p"> 4Aboobo Abulamu wakalonga kuzwa ku Halani, mbuli Mwami Leza mbwaakamwaambila kuti acite. Wakatolelezya amwanaa munyina Loti. Abulamu wakajisi myaka iili makumi aali ciloba aisanu naakalonga. 5Abulamu wakatolelezya mukaintu wakwe Salayi a Loti alubono lwabo loonse, abazike mbobakajana mu Halani, eelyo bakatalika kweenda kuya kunyika ya Kenani. Nibakasika ku Kenani, 6Abulamu wakaandulula nyika mane waakusika kumunzi wa Syekemu, kumubanga uulya ku Mole. Ciindi eeco Bakenani bakacili kukkala munyika eeyo. 7Mwami Leza wakalibonya kuli Abulamu, wakamwaambila kuti, &#8220;Eeyi njenyika njeyoopa lunyungu lwako.&#8221; Nkabela mpoonya aawo Abulamu wakayaka cipaililo ku Mwami Leza, ooyo wakalibonya kulinguwe. 8Kuzwa aawo wakalongela kumusanza kucilundu cili kujwe lyamunzi wa Beteli, mpoonya wakaimika itente lyakwe akati-kati kamunzi wa Beteli awa Ayi. Lino Beteli wakali kumbo lyatente lyakwe, alimwi Ayi wakali kujwe. Aalo aawa wakayaka cipaililo akukomba Mwami Leza. 9Nkabela wakali kuya bulonga kaya kumusanza wacisi ca Kenani.</div><div class="s">Abulamu mbwaakainka ku Ijipiti</div><div class="p"> 10Lino munyika ya Kenani kwakaba nzala, aboobo Abulamu wakalonga akuya kumusanza kucisi ca Ijipiti kuti akakkale-kkale nkuko nkaambo nzala yakali kulunzya kasuko munyika. 11Kali aafwiifwi kukosola munyinza wakunjila mucisi ca Ijipiti, wakaambila mukaintu wakwe Salayi kuti, &#8220;Swiilila, yebo uli mukaintu mubotu kapati. 12Ndilizi kuti baalumi bamu Ijipiti baakukubona bayooamba kuti, &#8216;Ooyu mmukaintu wa Abulamu.&#8217; Nkaako bayoondijaya pele yebo bayookuleka. 13Akaka, ndakukumbila kuti ukabaambile kuti uli mucizi wangu, eelyo akaambo kanduwe tabakooyoondijaya, alimwi bayoondibamba kabotu.&#8221; 14Abulamu naakakosola munyinza akunjila mucisi ca Ijipiti, bantu bakabona kuti mukaintu wakwe wakali mubotu. 15Mpawo bantu ba Falo, nibakamubona muka Abulamu, bakamulumbaizya kuli Falo, bakati mukaintu mubotu. Eelyo Salayi wakatolwa kuti akakkale mu&#331;anda yabwami ya Falo. 16Akaambo kamukaintu ooyu, Falo wakamubamba kabotu Abulamu, wakamupa matanga aambelele, aampongo, aa&#331;ombe, aambongolo, abazike baalumi abasimbi, ankamela.</div><div class="p"> 17Pele Mwami Leza wakanjizya malwazi aayoosya kuli Falo akubantu boonse bamu&#331;anda yakwe yabwami akaambo ka Salayi ooyo ngwaakatola. 18Nkaako Falo wakaita Abulamu, wamubuzya kuti &#8220;Ino wakacitila nzi cintu cili boobu kulindime? Nkaambo nzi ncootakandaambila kuti Salayi mmukaintu wako? 19Wakaambila nzi kuti mmucizi wako kuti mebo ndimukwate? Ngooyu mukaintu wako, kozwa, mutole!&#8221; 20Mpoonya Falo wakalailila bantu bakwe kuti batole Abulamu amukaintu wakwe alubono loonse ndwaakajisi, bamugwisye mucisi.</div>
 </div>
 </div>
</div>

Tonga Bible © United Bible Societies, 1994. 

Lino Mwami Leza wakati kuli Abulamu, “Kosiya cisi cokwanu, usiye anzubo zyako, amukwasyi wauso, uunke kucisi nceyookutondezya. Ndiyookupa bana banji bayooba musyobo mupati kapati. Ndiyookuleleka kuti zina lyako likabe ampuwo, uyooba cileleko kubantu boonse.
Aabo bayookuleleka ambebo ndiyoobaleleka,
pele ndiyoobasinganya aabo bayookusinganya.
Ndiyooileleka misyobo yoonse yamunyika kwiindila mulinduwe.”
Aboobo Abulamu wakalonga kuzwa ku Halani, mbuli Mwami Leza mbwaakamwaambila kuti acite. Wakatolelezya amwanaa munyina Loti. Abulamu wakajisi myaka iili makumi aali ciloba aisanu naakalonga. Abulamu wakatolelezya mukaintu wakwe Salayi a Loti alubono lwabo loonse, abazike mbobakajana mu Halani, eelyo bakatalika kweenda kuya kunyika ya Kenani. Nibakasika ku Kenani, Abulamu wakaandulula nyika mane waakusika kumunzi wa Syekemu, kumubanga uulya ku Mole. Ciindi eeco Bakenani bakacili kukkala munyika eeyo. Mwami Leza wakalibonya kuli Abulamu, wakamwaambila kuti, “Eeyi njenyika njeyoopa lunyungu lwako.” Nkabela mpoonya aawo Abulamu wakayaka cipaililo ku Mwami Leza, ooyo wakalibonya kulinguwe. Kuzwa aawo wakalongela kumusanza kucilundu cili kujwe lyamunzi wa Beteli, mpoonya wakaimika itente lyakwe akati-kati kamunzi wa Beteli awa Ayi. Lino Beteli wakali kumbo lyatente lyakwe, alimwi Ayi wakali kujwe. Aalo aawa wakayaka cipaililo akukomba Mwami Leza. Nkabela wakali kuya bulonga kaya kumusanza wacisi ca Kenani.

Lino munyika ya Kenani kwakaba nzala, aboobo Abulamu wakalonga akuya kumusanza kucisi ca Ijipiti kuti akakkale-kkale nkuko nkaambo nzala yakali kulunzya kasuko munyika. Kali aafwiifwi kukosola munyinza wakunjila mucisi ca Ijipiti, wakaambila mukaintu wakwe Salayi kuti, “Swiilila, yebo uli mukaintu mubotu kapati. Ndilizi kuti baalumi bamu Ijipiti baakukubona bayooamba kuti, ‘Ooyu mmukaintu wa Abulamu.’ Nkaako bayoondijaya pele yebo bayookuleka. Akaka, ndakukumbila kuti ukabaambile kuti uli mucizi wangu, eelyo akaambo kanduwe tabakooyoondijaya, alimwi bayoondibamba kabotu.” Abulamu naakakosola munyinza akunjila mucisi ca Ijipiti, bantu bakabona kuti mukaintu wakwe wakali mubotu. Mpawo bantu ba Falo, nibakamubona muka Abulamu, bakamulumbaizya kuli Falo, bakati mukaintu mubotu. Eelyo Salayi wakatolwa kuti akakkale muŋanda yabwami ya Falo. Akaambo kamukaintu ooyu, Falo wakamubamba kabotu Abulamu, wakamupa matanga aambelele, aampongo, aaŋombe, aambongolo, abazike baalumi abasimbi, ankamela.
Pele Mwami Leza wakanjizya malwazi aayoosya kuli Falo akubantu boonse bamuŋanda yakwe yabwami akaambo ka Salayi ooyo ngwaakatola. Nkaako Falo wakaita Abulamu, wamubuzya kuti “Ino wakacitila nzi cintu cili boobu kulindime? Nkaambo nzi ncootakandaambila kuti Salayi mmukaintu wako? Wakaambila nzi kuti mmucizi wako kuti mebo ndimukwate? Ngooyu mukaintu wako, kozwa, mutole!” Mpoonya Falo wakalailila bantu bakwe kuti batole Abulamu amukaintu wakwe alubono loonse ndwaakajisi, bamugwisye mucisi.

Dëgjoj Matalikilo 12