Abibilia Ngakiro Naajokak

<div class="version vid2657 iso6393tuv" data-vid="2657" data-iso6393="tuv">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Yesu ka aberu Nasamariat</div><div class="p"> 1Kiirasi Ngiparisayo atamar ibatisae Yesu ngitunga, nakaneni eyakasi ngesi ngirukitos lukaalak lu idwangito lua Yoana. ( 2Nakaneni peebatisae Yesu elope, arai ngirukitos keng ebatisaate.) 3Ani iirari Yesu ngakiro nguna, torotok anakwap a Yudea tobongo Galilaya, 4#Siak 33:19; Yoch 24:32 asaki ngesi akitor nakwap a Samaria.</div><div class="p"> 5Sodi tanang ngesi lore a Samaria lo enyaritae Sikar, diyete amana ngina kolong ainakinit Yakobo lokookeng Yosep. 6Ayei akar a Yakobo neni. Kiboikin Yesu diyete akar ani aburunitor noi anisek alosio. Arai ngisaa ngikan-kapei a apaaran.</div><div class="p"> 7Bu aberu Nasamariat akuok ngakipi. Tolimok Yesu tama, &#8220;Nakinae ngakipi atamat.&#8221; ( 8Alosito ngirukitos a Yesu lore akigiel akimuj.)</div><div class="p"> 9 # 
 Esira 4:1-5; Neem 4:1-2 Tatachak aberu ngina tama, &#8220;Abe irai bo iyong Eyaudit, atarai ayong Asamariat, nyo kilipitor iyong ayong ngakipi namatan?&#8221; (Alimunit kongina kainyo peachamam Ngiyaudi ka Ngisamariae peamatasi tani ngakipi.)</div><div class="p"> 10Tatachak Yesu ngesi tama, &#8220;Arai toyeni iyong ainakinet a Akuj ka lo kilipit iyong ngakipi namatan, kilipit iyong sodi kiinak iyong ngakipi na a akiyar.&#8221;</div><div class="p"> 11Tolimok aberu ngina ngesi tama, &#8220;Lokaapaan lo, abe emam iyong bo atubwa naokiet, tarai nabo ewoi akar. Aliwae ianyunea iyong ngakipi na a akiyar nguna? 12Itamit iyong atamar ipolot idwangit apaakosi Yakobo a? Apaakosi Yakobo ngesi kolong kiinakini sua akar naga, nikolong tani amaseene ngesi elope nege ka ngide keng ta ngibaren.&#8221;</div><div class="p"> 13Tatachak Yesu ngesi tama, &#8220;Itwaan cha daang ni emasi ngakipi nugu, enyami akure nabo, 14nakaneni itwaan cha daang ni emasi ngakipi na iinakini ayong ngesi, nyenyami akure jik, kainyo ngakipi na iinakini ayong ngesi eliworosi eitanit alotooma keng toit jik, nakis ngesi akiyar na nyedaun.&#8221;</div><div class="p"> 15Tolimok aberu ngina ngesi tama, &#8220;Ekaapaan, nakinae ngakipi nguna sodi nyakanyam akure nabo, kori nyaabongu nege akuok.&#8221;</div><div class="p"> 16Tolimok Yesu ngesi tama, &#8220;Kape, tanyarau lokile kon kirukut nege.&#8221;</div><div class="p"> 17Tatachak aberu ngesi tama, &#8220;Emam ayong ekile eyei.&#8221;</div><div class="p">Tatachak Yesu tama, &#8220;Ilim iyook atamar emam ekile, 18kainyo ayakasi iyong ngikiliok ngikan, lo tokona tani irukitotor iyong meere lokile kon. Ilim iyong nguna iyook.&#8221;</div><div class="p"> 19Tolim aberu ngina tama, &#8220;Ekaapaan, ayen atamar irai iyong ekadwaran a Akuj. 20Elipeenete ta apaakosi Ngisamariae Akuj alomoru kalo, nakaneni ibaasi esi Ngiyaudi ejoikinit ngitunga ilipete Akuj alo Yerusalem.&#8221;</div><div class="p"> 21Tolimok Yesu ngesi tama, &#8220;Naberu na, tonup ngakiro kang, enangi esaa lo nyilipeta ngitunga Akuj Apa alomoru kalo kori alo Yerusalem. 22Nyiyenete esi Ngisamariae ngolo ilipito. Kiyeni sua Ngiyaudi ngolo kilipit, kainyo ebunit ayuuno Aloyaudi. 23Nakaneni enangi esaa, tani tokona anang esaa lo ilipeta ngitunga lu ilipito Apa na iteni dir, ilipete a Etau alo iteni dir. Ilipete eger lo esaki Apa kesi ilipitotor na iteni. 24Akuj ngesi Etau, erai agogongu a Etau bon ngesi epedoreta ngitunga akilip ngesi na iteni.&#8221;</div><div class="p"> 25Tolimok aberu ngesi tama, &#8220;Ayeni ayong atamar ebuni Kiristo. Na ebunio ngesi, kilimokini ngoni ngakiro daang.&#8221;</div><div class="p"> 26Tatachak Yesu tama, &#8220;Ayong ngesi lokiruoro ka iyong logo.&#8221;</div><div class="p"> 27Esaa lopei ngolo tobongut ngirukitos keng, tatalasi kesi ngakiro na eruorotor ngesi ka aberu, nakaneni emam tani erukitos epei lo engit aberu ngina tama, &#8220;Nyo isaki iyong?&#8221; Kori lo engit Yesu tama, &#8220;Nyo iruorotor iyong ka aberu?&#8221;</div><div class="p"> 28Sodi toisik aberu ngina alupe keng na a ngakipi, tolot lore tolimok ngitunga kaina tama, 29&#8220;Potu mono esi taanyutu itwaan nikalimokini ayong ngakiro daang nakolong asubi ayong. Ekoe, meere ngesi erai Kiristo a?&#8221; 30Sodi torotokis kesi alore toloto nia Yesu.</div><div class="p"> 31Kimaimaa Yesu ngirukitos keng tamasi, &#8220;Eketataman, kimuj kare!&#8221;</div><div class="p"> 32Nakaneni tatachak tama, &#8220;Eyei ayong akimuj nanyamat na nyiyenete esi.&#8221;</div><div class="p"> 33Sodi kingitanaros ngirukitos keng make tamasi, &#8220;Ekoe! Eyei itwaan kebu inu ngesi akimuj adio a?&#8221; 34Tolimok Yesu kesi tama, &#8220;Akimuj kang ngesi akiwap naechamit lokolong kameuni ayong, nabo erikak etich keng. 35Ikwa nyitamanarete esi, &#8216;Idongit ngilapio nguomwon sodi tolemikinae ngamanat a?&#8217; Abala ayong esi a! Kingolikisi mono esi ngamanat, akoko kesi etemokin akilem! 36Loger lo eriamunea ekaleman ngaropiyae na etachio ngesi nabo tochunak ngimomwa keng, ikote ngikanupak elomarete nakiyar na nyedaun neni, sodi talakaros eketan ka ekaleman aapei. 37Kainyo eka iteni ekiruor lo ebeyo, &#8216;Itae itwaan ipei sodi tolem niche.&#8217; 38Kamea ayong esi toloto tolema ngamanat na nyitakina esi, asubete ngiche etich nakaneni iyara esi kotere etich lo esubete kesi.&#8221;</div><div class="p"> 39Tonupa Ngisamariae lukaalak luayakasi lore ngolo ngakiro a Yesu kotere ngakiro na alimuni aberu ngina tama, &#8220;Kalimoki ayong Yesu ngakiro daang nakolong asubi.&#8221; 40Pot Ngisamariae kimaimaa Yesu atamar kiboikinos ka kesi, kiboikin Yesu neni ngirwa ngiarei.</div><div class="p"> 41Tonupa ngitunga ngiche lukaalak kotere akitatamet keng, 42sodi tolimokis aberu tamasi, &#8220;Meere tokona ngakiro kon make kinupitor sua, kiira tani sua dang, nakaneni kiyen dir atamar ngesi dir erai Ekayuunan a ngitunga a akwap.&#8221;</div><div class="s">Etangalekini Yesu lokookeng a ekapolon</div><div class="p"> 43Adaunet a ngirwa aluarei kangulu, torotok Yesu kaneni tolot Galilaya. 44Kainyo alimuni sek Yesu elope tama, &#8220;Nyipuruunitoe ekadwaran a Akuj anakwap ana erai akeng a elope.&#8221; 45#Mat 13:57; Mar 6:4; Luk 4:24 Na anangunea Yesu Galilaya, kitepeyono ngitunga a akwap kangina niajokon kainyo alosito sek kesi Losukukuu a Adeparet, lo ayei Yerusalem. Eteete sek kesi alo Yerusalem ibore daang niasubi Yesu alosukukuu. #Yoa 2:23 #Yoa 2:1-11 </div><div class="p"> 46Sodi tobongo nabo Yesu Kana, na a akwap a Galilaya, ni ebeleo ngesi ngakipi taraut emuna lo epuritoe. Ayei ekapolon a arieng neni lo adeaka lokookeng alo Kaperinaum. 47Ani iirari ngesi atamar abu Yesu anakwap a Yudea anangu Galilaya, tolot kimaima atamar tolot Kaperinaum kitangalek lokookeng lo adikino etoani. 48Tolimok Yesu ngesi tama, &#8220;Ani pekingolikis ngakitoodikinet nakailiilok ka nakatalarak, nyinupete jik.&#8221;</div><div class="p"> 49Tatachak ekapolon ngolo ngesi tama, &#8220;Ekapolon, bua kare apana eringa lokookang nyetoana.&#8221;</div><div class="p"> 50Tolimok Yesu ngesi tama, &#8220;Kape, eyari lokookon!&#8221;</div><div class="p">Sodi tonup ekapolon ngolo ngakiro na alimokini Yesu ngesi, dio tolot. 51Ani eringa elosi nawi, kisiriama ngikasubak etich keng ngesi tolimokis tamasi, &#8220;Ajoker tokona lokookon!&#8221;</div><div class="p"> 52Kingit ngesi kesi esaa lo esiakinea ajoker. Sodi tolimokis tamasi, &#8220;Been ngisaa a apaaran ngikan-kaarei adaunor elekes keng.&#8221; 53Sodi kitam apakeng a edia kangolo atamar esaa ngolo alimokinea Yesu ngesi tama, &#8220;Eyari Lokookon.&#8221; Sodi tonupa ngesi ka ngiyenet keng daang ngakiro a Akuj.</div><div class="p"> 54Arai nguna ngakitoodikinet nakailiilok na a ngaarei na asubi Yesu na abunio anakwap a Yudea elosi Galilaya.</div>
 </div>
 </div>
</div>

Kiirasi Ngiparisayo atamar ibatisae Yesu ngitunga, nakaneni eyakasi ngesi ngirukitos lukaalak lu idwangito lua Yoana. ( Nakaneni peebatisae Yesu elope, arai ngirukitos keng ebatisaate.) Ani iirari Yesu ngakiro nguna, torotok anakwap a Yudea tobongo Galilaya, asaki ngesi akitor nakwap a Samaria.
Sodi tanang ngesi lore a Samaria lo enyaritae Sikar, diyete amana ngina kolong ainakinit Yakobo lokookeng Yosep. Ayei akar a Yakobo neni. Kiboikin Yesu diyete akar ani aburunitor noi anisek alosio. Arai ngisaa ngikan-kapei a apaaran.
Bu aberu Nasamariat akuok ngakipi. Tolimok Yesu tama, “Nakinae ngakipi atamat.” ( Alosito ngirukitos a Yesu lore akigiel akimuj.)
Tatachak aberu ngina tama, “Abe irai bo iyong Eyaudit, atarai ayong Asamariat, nyo kilipitor iyong ayong ngakipi namatan?” (Alimunit kongina kainyo peachamam Ngiyaudi ka Ngisamariae peamatasi tani ngakipi.)
Tatachak Yesu ngesi tama, “Arai toyeni iyong ainakinet a Akuj ka lo kilipit iyong ngakipi namatan, kilipit iyong sodi kiinak iyong ngakipi na a akiyar.”
Tolimok aberu ngina ngesi tama, “Lokaapaan lo, abe emam iyong bo atubwa naokiet, tarai nabo ewoi akar. Aliwae ianyunea iyong ngakipi na a akiyar nguna? Itamit iyong atamar ipolot idwangit apaakosi Yakobo a? Apaakosi Yakobo ngesi kolong kiinakini sua akar naga, nikolong tani amaseene ngesi elope nege ka ngide keng ta ngibaren.”
Tatachak Yesu ngesi tama, “Itwaan cha daang ni emasi ngakipi nugu, enyami akure nabo, nakaneni itwaan cha daang ni emasi ngakipi na iinakini ayong ngesi, nyenyami akure jik, kainyo ngakipi na iinakini ayong ngesi eliworosi eitanit alotooma keng toit jik, nakis ngesi akiyar na nyedaun.”
Tolimok aberu ngina ngesi tama, “Ekaapaan, nakinae ngakipi nguna sodi nyakanyam akure nabo, kori nyaabongu nege akuok.”
Tolimok Yesu ngesi tama, “Kape, tanyarau lokile kon kirukut nege.”
Tatachak aberu ngesi tama, “Emam ayong ekile eyei.”
Tatachak Yesu tama, “Ilim iyook atamar emam ekile, kainyo ayakasi iyong ngikiliok ngikan, lo tokona tani irukitotor iyong meere lokile kon. Ilim iyong nguna iyook.”
Tolim aberu ngina tama, “Ekaapaan, ayen atamar irai iyong ekadwaran a Akuj. Elipeenete ta apaakosi Ngisamariae Akuj alomoru kalo, nakaneni ibaasi esi Ngiyaudi ejoikinit ngitunga ilipete Akuj alo Yerusalem.”
Tolimok Yesu ngesi tama, “Naberu na, tonup ngakiro kang, enangi esaa lo nyilipeta ngitunga Akuj Apa alomoru kalo kori alo Yerusalem. Nyiyenete esi Ngisamariae ngolo ilipito. Kiyeni sua Ngiyaudi ngolo kilipit, kainyo ebunit ayuuno Aloyaudi. Nakaneni enangi esaa, tani tokona anang esaa lo ilipeta ngitunga lu ilipito Apa na iteni dir, ilipete a Etau alo iteni dir. Ilipete eger lo esaki Apa kesi ilipitotor na iteni. Akuj ngesi Etau, erai agogongu a Etau bon ngesi epedoreta ngitunga akilip ngesi na iteni.”
Tolimok aberu ngesi tama, “Ayeni ayong atamar ebuni Kiristo. Na ebunio ngesi, kilimokini ngoni ngakiro daang.”
Tatachak Yesu tama, “Ayong ngesi lokiruoro ka iyong logo.”
Esaa lopei ngolo tobongut ngirukitos keng, tatalasi kesi ngakiro na eruorotor ngesi ka aberu, nakaneni emam tani erukitos epei lo engit aberu ngina tama, “Nyo isaki iyong?” Kori lo engit Yesu tama, “Nyo iruorotor iyong ka aberu?”
Sodi toisik aberu ngina alupe keng na a ngakipi, tolot lore tolimok ngitunga kaina tama, “Potu mono esi taanyutu itwaan nikalimokini ayong ngakiro daang nakolong asubi ayong. Ekoe, meere ngesi erai Kiristo a?” Sodi torotokis kesi alore toloto nia Yesu.
Kimaimaa Yesu ngirukitos keng tamasi, “Eketataman, kimuj kare!”
Nakaneni tatachak tama, “Eyei ayong akimuj nanyamat na nyiyenete esi.”
Sodi kingitanaros ngirukitos keng make tamasi, “Ekoe! Eyei itwaan kebu inu ngesi akimuj adio a?” Tolimok Yesu kesi tama, “Akimuj kang ngesi akiwap naechamit lokolong kameuni ayong, nabo erikak etich keng. Ikwa nyitamanarete esi, ‘Idongit ngilapio nguomwon sodi tolemikinae ngamanat a?’ Abala ayong esi a! Kingolikisi mono esi ngamanat, akoko kesi etemokin akilem! Loger lo eriamunea ekaleman ngaropiyae na etachio ngesi nabo tochunak ngimomwa keng, ikote ngikanupak elomarete nakiyar na nyedaun neni, sodi talakaros eketan ka ekaleman aapei. Kainyo eka iteni ekiruor lo ebeyo, ‘Itae itwaan ipei sodi tolem niche.’ Kamea ayong esi toloto tolema ngamanat na nyitakina esi, asubete ngiche etich nakaneni iyara esi kotere etich lo esubete kesi.”
Tonupa Ngisamariae lukaalak luayakasi lore ngolo ngakiro a Yesu kotere ngakiro na alimuni aberu ngina tama, “Kalimoki ayong Yesu ngakiro daang nakolong asubi.” Pot Ngisamariae kimaimaa Yesu atamar kiboikinos ka kesi, kiboikin Yesu neni ngirwa ngiarei.
Tonupa ngitunga ngiche lukaalak kotere akitatamet keng, sodi tolimokis aberu tamasi, “Meere tokona ngakiro kon make kinupitor sua, kiira tani sua dang, nakaneni kiyen dir atamar ngesi dir erai Ekayuunan a ngitunga a akwap.”

Adaunet a ngirwa aluarei kangulu, torotok Yesu kaneni tolot Galilaya. Kainyo alimuni sek Yesu elope tama, “Nyipuruunitoe ekadwaran a Akuj anakwap ana erai akeng a elope.” Na anangunea Yesu Galilaya, kitepeyono ngitunga a akwap kangina niajokon kainyo alosito sek kesi Losukukuu a Adeparet, lo ayei Yerusalem. Eteete sek kesi alo Yerusalem ibore daang niasubi Yesu alosukukuu.
Sodi tobongo nabo Yesu Kana, na a akwap a Galilaya, ni ebeleo ngesi ngakipi taraut emuna lo epuritoe. Ayei ekapolon a arieng neni lo adeaka lokookeng alo Kaperinaum. Ani iirari ngesi atamar abu Yesu anakwap a Yudea anangu Galilaya, tolot kimaima atamar tolot Kaperinaum kitangalek lokookeng lo adikino etoani. Tolimok Yesu ngesi tama, “Ani pekingolikis ngakitoodikinet nakailiilok ka nakatalarak, nyinupete jik.”
Tatachak ekapolon ngolo ngesi tama, “Ekapolon, bua kare apana eringa lokookang nyetoana.”
Tolimok Yesu ngesi tama, “Kape, eyari lokookon!”
Sodi tonup ekapolon ngolo ngakiro na alimokini Yesu ngesi, dio tolot. Ani eringa elosi nawi, kisiriama ngikasubak etich keng ngesi tolimokis tamasi, “Ajoker tokona lokookon!”
Kingit ngesi kesi esaa lo esiakinea ajoker. Sodi tolimokis tamasi, “Been ngisaa a apaaran ngikan-kaarei adaunor elekes keng.” Sodi kitam apakeng a edia kangolo atamar esaa ngolo alimokinea Yesu ngesi tama, “Eyari Lokookon.” Sodi tonupa ngesi ka ngiyenet keng daang ngakiro a Akuj.
Arai nguna ngakitoodikinet nakailiilok na a ngaarei na asubi Yesu na abunio anakwap a Yudea elosi Galilaya.

Dëgjoj Yoana 4