Fulfulde, Maasina - 2005 Edition (NT) Non-Drama

<div class="version vid1175 iso6393ffm" data-vid="1175" data-iso6393="ffm">
 <div class="book bkMAT">
 <div class="chapter ch6" data-usfm="MAT.6">
 <div class="label">6</div><div class="s">Haala sadaka</div><div class="p"> 1&#8212;Ndeentee e gollirde golleeji mon lobbi faa yiyee. So on nga&#599;ii &#599;um, on ke&#595;ataa mbarjaari to Baabiraa&#599;o moo&#599;on gon&#599;o dow kammu oo.</div><div class="p"> 2Ndennoo, so a&#599;a itta sadaka, pati wa&#599;u dillere faa yim&#595;e njiye, hono no naafigi'en &#595;ee nga&#599;ata ley cuu&#599;i baajor&#599;i, ka&#626;um e laawi nii. E&#595;e nga&#599;a non yalla yim&#595;e ana mana &#595;e. Mi&#599;o haalana on goonga, &#595;een ke&#595;ii mbarjaari mum'en faa timmi. 3Kaa aan, so a&#599;a itta sadaka, pati nano maa annda ko &#626;aamo maa wa&#599;ata, 4yalla sadaka maa oo ana heddoo ley cuucuukka. Nden Baabiraa&#599;o maa jiyoowo ko woni e cuucuukka oo, yo&#595;ete.</div><div class="s">Haala duwaawu</div><div class="p"> 5&#8212;So o&#599;on nduwoo, pati nga&#599;ee no naafigi'en nii: &#595;een ana nji&#599;i duworaade darnde ley cuu&#599;i baajor&#599;i, ka&#626;um e hakkunde &#599;ati celi, yalla yim&#595;e fuu ana njiya &#599;um'en. Mi&#599;o haalana on goonga, &#595;een ke&#595;ii mbarjaari mum'en faa timmi. 6Kaa aan, nde nduwoto-&#599;aa fuu, naatu ley suudu maa, uddaa damal, &#626;aago-&#599;aa Baabiraa&#599;o maa e cuucuukka. Nden, Baabiraa&#599;o maa jiyoowo ko suu&#599;ii oo, yo&#595;ete.</div><div class="p"> 7So o&#599;on nduwoo, pati kebbinee haalaaji &#595;oli &#599;i ngalaa nafaa hono no heefer&#595;e &#595;ee nii: e&#595;e miili Laam&#599;o jaabanto &#595;e so &#595;e kebbinii haala. 8Pati &#626;emmbee &#595;e, sabi Baabiraa&#599;o moo&#599;on ana anndi ko kaaje-&#599;on gila on &#626;aagaaki mo. 9Nii kaan-&#599;on duworaade:</div><div class="q">Baabiraa&#599;o amen gon&#599;o dow kammu,</div><div class="q2">yo innde maa teddine.</div><div class="q"> 10Yo Laamu maa war.</div><div class="q">Yo muuy&#599;e maa nga&#599;e dow leydi no nga&#599;iraa dow kammu nii.</div><div class="q"> 11Hokku min hannde &#626;aamdu he&#436;ooru min.</div><div class="q"> 12Yaafa min luutti amen,</div><div class="q2">hono no min njaaforii too&#626;u&#595;e min nii.</div><div class="q"> 13Pati accu min ceytee,</div><div class="q2">hisin min e Bon&#599;o oo.</div><div class="q">[Sabi laamu e baaw&#599;e e teddeengal ana ngoodan maa faa abada. Aamiina.]#6.13 Cakite aaya 13 tawaaka e &#599;ereeji &#595;ur&#599;i fuu &#595;ooyde &#599;ii.</div><div class="m"> 14Ndennoo, so on njaafiima too&#626;u&#595;e on, Baabiraa&#599;o moo&#599;on gon&#599;o dow kammu oo duu yaafoto on. 15Kaa so on njaafataako too&#626;u&#595;e on, Baabiraa&#599;o moo&#599;on oo duu yaafataako luutti moo&#599;on.</div><div class="s">Haala koorka</div><div class="p"> 16&#8212;So on koorii, pati njurminkinee no naafigi'en &#595;ee nii: &#595;een &#331;ornoto, yalla yim&#595;e fuu ana anndita &#595;e hoor&#595;e. Mi&#599;o haalana on goonga: &#595;een ke&#595;ii mbarjaari mum'en faa timmi. 17Kaa aan, so a hoorii, culmaa yeeso maa, ngujaa hoore maa 18pati yim&#595;e annda a koor&#599;o. Baabiraa&#599;o maa mo yiyataake oo tan anndata. Kasen duu Baabiraa&#599;o maa jiyoowo ko nga&#599;-&#599;aa e cuucuukka, ka&#626;um yo&#595;ete.</div><div class="s">Haala jawdi dow kammu</div><div class="p"> 19&#8212;Pati paggee jawdi aduna, &#599;o moo&#436;u e ngu&#599;u mbonnata, &#599;o wuy&#595;e kelata baafe so ngujja. 20Paggee jawdi dow kammu, &#599;o fay huunde bonnataa, wanaa moo&#436;u wanaa ngu&#599;u, &#599;o wuy&#595;e kelataa baafe sako ngujja. 21Sabi &#599;o jawdi maa woni fuu, &#599;on yonki maa duu woni.</div><div class="s">Haala fooyre e nimre</div><div class="p"> 22&#8212;Gite ngoni lampa cal&#599;i. So gite maa ana mo&#436;&#436;i, cal&#599;i maa fuu pooynan. 23Kaa so &#599;e mo&#436;&#436;aa, cal&#599;i maa fuu ni&#595;&#595;an. Ndennoo, so fooyre wonnde e maa ndee yo nimre, nimre hoontii nimre!</div><div class="s">Haala ndaartugol Laamu Laam&#599;o</div><div class="p"> 24&#8212;Fay gooto waawaa gollande halfaa&#595;e &#599;i&#599;on, sabi naa joomum wa&#626;ii gooto, yi&#599;ii keddii&#599;o oo, naa nanngondirii e gooto oo, yoppii keddii&#599;o oo. On mbaawaa gollidande Laam&#599;o e jawdi.</div><div class="p"> 25&#394;um nee, mi&#599;o wiya on: pati cu&#331;lee e nguurndam mon ko &#626;aamaton e ko njaraton e ko koltoton. Pati cu&#331;lanee ko &#595;oornoto-&#599;on. Tama nguurndam &#595;uraa nguure? Tama cal&#599;i &#595;uraa koltal? 26&#435;eewee pooli diwooji &#599;ii: &#599;i aawataa, &#599;i kettataa, &#599;i mbeembataa, kaa Baabiraa&#599;o moo&#599;on gon&#599;o dow kammu oo ana &#626;ammina &#599;i. Onon nee, on &#595;uraa pooli teentilaade naa? 27Homo e mon waawi &#595;eydude e bal&#599;e mum fay &#626;alooma gooto kammari sugulla mum? 28Ko wa&#599;i so o&#599;on cu&#331;lana kaddule? &#435;eewee piindiiji ley ngesa no peertirta: &#599;i tampataa, &#599;i mottataa. 29Haya mi&#599;o wiya on: Suleymaana e ngalu mum fuu paroraaki no gootel e majji nii. 30So Laam&#599;o ana holtinira nii leggiri taweteendi ley ngesa hannde, tippeteendi e yiite janngo, ko ha&#599;ata mo holtinde on faa &#595;ura nii, onon fam&#599;u&#595;e hoolaare! 31Ndennoo, pati cu&#331;lee faa mbiyon: &#171;Ko&#599;um &#626;aamaten? Ko&#599;um njaraten? Ko&#599;um &#595;oornoto-&#599;en?&#187; 32Sabi &#599;ee kulle fuu heefer&#595;e tan ndaarata &#599;um. Kaa Baabiraa&#599;o mon gon&#599;o dow kammu oo ana anndi o&#599;on kasindini e majjum &#599;um fuu. 33Ndaartee tafon Laamu Laam&#599;o oo, ka&#626;um e fooccitaare makko ndee. Ko heddii koo fuu, on &#595;eydante &#599;um.</div><div class="p"> 34Ndennoo, pati cu&#331;lanee janngo, sabi janngo su&#331;lanan hoore mum. &#413;alooma fuu, donngal mum ana he&#436;a &#599;um.</div>
 </div>
 </div>
</div>

—Ndeentee e gollirde golleeji mon lobbi faa yiyee. So on ngaɗii ɗum, on keɓataa mbarjaari to Baabiraaɗo mooɗon gonɗo dow kammu oo.
Ndennoo, so aɗa itta sadaka, pati waɗu dillere faa yimɓe njiye, hono no naafigi'en ɓee ngaɗata ley cuuɗi baajorɗi, kaɲum e laawi nii. Eɓe ngaɗa non yalla yimɓe ana mana ɓe. Miɗo haalana on goonga, ɓeen keɓii mbarjaari mum'en faa timmi. Kaa aan, so aɗa itta sadaka, pati nano maa annda ko ɲaamo maa waɗata, yalla sadaka maa oo ana heddoo ley cuucuukka. Nden Baabiraaɗo maa jiyoowo ko woni e cuucuukka oo, yoɓete.

—So oɗon nduwoo, pati ngaɗee no naafigi'en nii: ɓeen ana njiɗi duworaade darnde ley cuuɗi baajorɗi, kaɲum e hakkunde ɗati celi, yalla yimɓe fuu ana njiya ɗum'en. Miɗo haalana on goonga, ɓeen keɓii mbarjaari mum'en faa timmi. Kaa aan, nde nduwoto-ɗaa fuu, naatu ley suudu maa, uddaa damal, ɲaago-ɗaa Baabiraaɗo maa e cuucuukka. Nden, Baabiraaɗo maa jiyoowo ko suuɗii oo, yoɓete.
So oɗon nduwoo, pati kebbinee haalaaji ɓoli ɗi ngalaa nafaa hono no heeferɓe ɓee nii: eɓe miili Laamɗo jaabanto ɓe so ɓe kebbinii haala. Pati ɲemmbee ɓe, sabi Baabiraaɗo mooɗon ana anndi ko kaaje-ɗon gila on ɲaagaaki mo. Nii kaan-ɗon duworaade:
Baabiraaɗo amen gonɗo dow kammu,
yo innde maa teddine.
Yo Laamu maa war.
Yo muuyɗe maa ngaɗe dow leydi no ngaɗiraa dow kammu nii.
Hokku min hannde ɲaamdu heƴooru min.
Yaafa min luutti amen,
hono no min njaaforii tooɲuɓe min nii.
Pati accu min ceytee,
hisin min e Bonɗo oo.
[Sabi laamu e baawɗe e teddeengal ana ngoodan maa faa abada. Aamiina.]
Ndennoo, so on njaafiima tooɲuɓe on, Baabiraaɗo mooɗon gonɗo dow kammu oo duu yaafoto on. Kaa so on njaafataako tooɲuɓe on, Baabiraaɗo mooɗon oo duu yaafataako luutti mooɗon.

—So on koorii, pati njurminkinee no naafigi'en ɓee nii: ɓeen ŋornoto, yalla yimɓe fuu ana anndita ɓe hoorɓe. Miɗo haalana on goonga: ɓeen keɓii mbarjaari mum'en faa timmi. Kaa aan, so a hoorii, culmaa yeeso maa, ngujaa hoore maa pati yimɓe annda a koorɗo. Baabiraaɗo maa mo yiyataake oo tan anndata. Kasen duu Baabiraaɗo maa jiyoowo ko ngaɗ-ɗaa e cuucuukka, kaɲum yoɓete.

—Pati paggee jawdi aduna, ɗo mooƴu e nguɗu mbonnata, ɗo wuyɓe kelata baafe so ngujja. Paggee jawdi dow kammu, ɗo fay huunde bonnataa, wanaa mooƴu wanaa nguɗu, ɗo wuyɓe kelataa baafe sako ngujja. Sabi ɗo jawdi maa woni fuu, ɗon yonki maa duu woni.

—Gite ngoni lampa calɗi. So gite maa ana moƴƴi, calɗi maa fuu pooynan. Kaa so ɗe moƴƴaa, calɗi maa fuu niɓɓan. Ndennoo, so fooyre wonnde e maa ndee yo nimre, nimre hoontii nimre!

—Fay gooto waawaa gollande halfaaɓe ɗiɗon, sabi naa joomum waɲii gooto, yiɗii keddiiɗo oo, naa nanngondirii e gooto oo, yoppii keddiiɗo oo. On mbaawaa gollidande Laamɗo e jawdi.
Ɗum nee, miɗo wiya on: pati cuŋlee e nguurndam mon ko ɲaamaton e ko njaraton e ko koltoton. Pati cuŋlanee ko ɓoornoto-ɗon. Tama nguurndam ɓuraa nguure? Tama calɗi ɓuraa koltal? Ƴeewee pooli diwooji ɗii: ɗi aawataa, ɗi kettataa, ɗi mbeembataa, kaa Baabiraaɗo mooɗon gonɗo dow kammu oo ana ɲammina ɗi. Onon nee, on ɓuraa pooli teentilaade naa? Homo e mon waawi ɓeydude e balɗe mum fay ɲalooma gooto kammari sugulla mum? Ko waɗi so oɗon cuŋlana kaddule? Ƴeewee piindiiji ley ngesa no peertirta: ɗi tampataa, ɗi mottataa. Haya miɗo wiya on: Suleymaana e ngalu mum fuu paroraaki no gootel e majji nii. So Laamɗo ana holtinira nii leggiri taweteendi ley ngesa hannde, tippeteendi e yiite janngo, ko haɗata mo holtinde on faa ɓura nii, onon famɗuɓe hoolaare! Ndennoo, pati cuŋlee faa mbiyon: «Koɗum ɲaamaten? Koɗum njaraten? Koɗum ɓoornoto-ɗen?» Sabi ɗee kulle fuu heeferɓe tan ndaarata ɗum. Kaa Baabiraaɗo mon gonɗo dow kammu oo ana anndi oɗon kasindini e majjum ɗum fuu. Ndaartee tafon Laamu Laamɗo oo, kaɲum e fooccitaare makko ndee. Ko heddii koo fuu, on ɓeydante ɗum.
Ndennoo, pati cuŋlanee janngo, sabi janngo suŋlanan hoore mum. Ɲalooma fuu, donngal mum ana heƴa ɗum.

Dëgjoj Matta 6