Sahou ta Kindrei

<div class="version vid1106 iso6393lid" data-vid="1106" data-iso6393="lid">
 <div class="book bkJHN">
 <div class="chapter ch4" data-usfm="JHN.4">
 <div class="label">4</div><div class="s">Jises sebenei badih ari badu Samariya</div><div class="p"> 1Jises ndratanan buku iri Parasi badeh, ndranuhun Jises inyu iri lau solo-an labai, ma iri lau tan a solo-an labai ja ta Jon. 2Handru ta aliy badeh, Jises banyu iri lau bwe, oro lau tan le badeh, anyu iri lau. 3Jises anuhun iri asehek iy, eme iy udu Judiya edek iu ili hamon ili loboho Galili.</div><div class="p"> 4Jises anya kili Galili, arile budon tan boto-on badeh, anya kili kon Samariya bwena op. 5Iy eme ili kon ari udu bolo Samariya iri aloh Sikar, idoh udu mirihik ta nadu munyak sese mene Jekop atehei ili ta nadun Josep. 6Gwa ta Jekop a-eh udu loboho doh ale. San lawe-en labai eme ma bwidi Jises awoyah ta edek. Iy eme manyah udu mirihik ta gwa nane doh. Mada an badeh, udu le alih.</div><div class="p"> 7Udu, badih ari badu Samariya eme anya ka-us gwa tan. Jises eme asehek sahou i tan i buku doh, &#8220;Wa-ik se gwa.&#8221; 8Iy le ari udu. Oro lau tan badeh, ndra-au ndrala bolo kon tinan ndrasih noro nyamon.</div><div class="p"> 9Eme iy badih badu Samariya asehek sahou i tan i buku doh: &#8220;Ou badu Juwis, jo badih badu Samariya. Buku sah handru ou ndremenya jo ta gwa?&#8221; (Iri Juwis badeh winiyan bala hawe iri Samariya bwe.)</div><div class="p"> 10Jises eme asumon sahou tan ja i buku doh, &#8220;Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.&#8221;</div><div class="p"> 11Butuhu Samariya dah anya, &#8220;Ndramak tinan, ou akohok wa-im gwa kohan udu aliy badeh, badu heh handru? Gwa kede-eh munun lawe-en labai, ma ou tam ari kawau ta a-us wa-im gwa kede-eh bo-oh. 12Sebwe ou kabin are loken labai ja ta tama ahi Jekop nadeh? Iy atehei gwa kede-eh eme tahi. Iy amwenen a-un gwa badu aliy; nadun oro ma iri bulumakau tan hawe iri sipsip tan a-un gwa dah ale.&#8221;</div><div class="p"> 13Jises tiye i tan ja i buku doh, &#8220;Lau marakon a-un gwa dah, bale iri kameh amar ja. 14Buku are lau a-un gwa, jo edeu i wa-in, balen kameh winiyan bamar ja bwe. Gwa nane jo edeu i wa-in doh kameh asahan i buku gwa mulin udu bolo odan eme loken ma edeu kohan handru ta winiyan bano bwe, kameh ta udu le buku doh.&#8221;</div><div class="p"> 15Butuhu Samariya tiye i ta Jises ja i buku doh, &#8220;Ndramak tinan, wa-ik se gwa badeh. Ma balek kameh winiyan bamar ja bwe. Ma jo kameh winiyan bame hamon ba-us gwa dah ja bwai.&#8221;</div><div class="p"> 16Jises tiye i ta butuhu Samariya ja i buku doh, &#8220;Ou ala aloh udum, ano ah ma la-uh kame dah.&#8221;</div><div class="p"> 17Eme iy badih nane dah anya, &#8220;Jo ari uduk bo-oh!&#8221; Jises tiye i tan ja i buku doh, &#8220;Ou asehek handru, ou ari udum bwe. 18Handru, ou atasou a toro mwan ma limeh. Arile, iy mwan ou an hawen kede-eh badeh, udum handru bwe, ou asehek sahou handru.&#8221;</div><div class="p"> 19Iy badih asehek, &#8220;Ndramak tinan, jo ndranyolom ai, ou badeh, propet. 20Tama ahi iri badeh, atudun nyara Kindrei udu bwele-e mandrei kodo-on. Arile aha Juwis asehek Jerusalem badeh, kon ta atudun nyara Kindrei.&#8221;</div><div class="p"> 21Jises asehek i tan anya, &#8220;Ou badih kede-en, ou atehei budon tam marakon keme le tek. Len hamon eme kameh aha winiyan batudun tama taha Kindrei winiyan bado bwele-e mandrei dah bwe, ma iri Juwis ale winiyan batudun iy bado bolo Jerusalem</div><div class="m">bwe le. 22Aha Samariya atudun lakou, aha bala tana aha iy bwe. Ahi atudun saba lakou ahi tanan. Tasah lahou ta Kindrei ta akohok taha ame len ta kandriyen ndra-in badeh, asahan tahi Juwis. 23Len eme, ma ndrasahan ai. Idah kameh iri lau ta atudun iy handru, iri kameh atudun tama i san ta Malawin Ndrabun, ma ta kandriyen handru. Tama badeh, aso-ok iri lau marakon katudun iy le ari. 24Kindrei badeh, iy Malawin Ndrabun. Are lau atudun iy badeh, ki-in hamon ta san ta Malawin Ndrabun, ma ki-in hamon ta sahou handru.&#8221;</div><div class="p"> 25Badih badu Samariya asehek i ta Jises ja i buku doh, &#8220;Jo tanan, idah kameh Mesaya eme, iri aloh iy Krais. Buku iy eme kameh iy barasehek lakou marakon barame tataha.&#8221;</div><div class="p"> 26Jises tiye i tan, &#8220;Jo le asah idah, iy ndramak nane ta udu le buku doh. Jo le adeh asehek sahou ewek tam dah.&#8221;</div><div class="s">Oro lau tan are kon tinan ame hamon</div><div class="p"> 27Iy udu, ano le badeh, oro lau tan are kon tinan ame hamon ame hawen. Eme ma mani oro atur ta atou iy asehek sahou hawe badih ari. Ma oro ame abudon solo-an.#(4:27) Kandriyen tiri Juwis, ndramak ta leheya badeh, winiyan basehek sahou hawe ari badih bare mada lau solo-an bwe. Oro lau tan abudon ja ta ndrokowa iri Samariya hawe iri Juwis. Arile, oro bandremenya Jises bala buku doh bwe, &#8220;Ou aso-ok saba lakou handru?&#8221; o, &#8220;Tasah handru ou asehek sahou hawe iy badih kede-eh?&#8221;</div><div class="p"> 28Butuhu Samariya eme ruwani bwisi gwa tan irek na gwa udu andri udu. Iy eme iu ili hamon ili kon, ma iy ili asehek nyala iri lau, 29&#8220;Ei, aha kame katou iy ndramak ari kodo-oh. Iy eme asehek iri kandriyen tek mene jo amekes ndra bwena ndra-au on! Iy sala Krais?&#8221; 30Ano iri ado bolo kon tinan adek ame len ame atou Jises.</div><div class="p"> 31Iri lau adek kahis le, oro lau tan asehek sahou boto-on ili tan, &#8220;Ndramak ta leheya, ou aimon se nyamon.&#8221;</div><div class="p"> 32Iy eme asehek i toro i buku doh, &#8220;Nyamon tek in aliy. Ado tanan nyamon doh bwe.&#8221;</div><div class="p"> 33Eme oro lau tan suburuk i toro ari ari anya, &#8220;Kora-on ari ndramak ndrame ndratiye nan nyamon, nadeh.&#8221;</div><div class="p"> 34Jises asehek sahou ili toro lau tan i buku doh, &#8220;Nyamon tek badeh, ta jo ki-in hamon ta budon ta Kindrei. Iy nane suni jo eme ta amekes gok tan, ma iy aso-ok jo kabwidi marakon kano. 35Ado asehek i buku doh: &#8216;winiya bun hahuw ja, nyamon badu bilin buruni.&#8217; Jo katiye tado, mada ado kasak, ado kanyolom kili bolo bilin. Nyamon marakon ndruni. 36Iri lau abo gok ta a-eh nyamon badu bilin, iri badeh, akohok sihine iri. Ma iri atukum nyamon ta koha taha handru kameh udu le buku doh, winiyan bano bwe. Buku iri lau ta atah nyamon badeh, kala le hawe iri lau nane ta asoh nyamon, iri marakon kasekesek. 37Sahou tataha asehek badeh, handru, &#8216;Ndramak ari ta atah bilin, iy ari ja ta asoh sali nyamon.&#8217; 38Jo suni ado ala ta asoh nyamon badu bilin, ado mene babo gok ta aliy bwe. Arile, ado ala bolo bilin ja asoh nyamon nane iri lau rayah ja awoyah ta aliy.&#8221;</div><div class="s">Iri Samariya solo-an badeh atehei budon tiri ili le tan</div><div class="p"> 39Iri lau solo-an badu bolo kon tinan Samariya badeh, ndratehei budon tiri ndra tan. Tasah, iy badih badu Samariya nane ndrasihidiy ndrala tiri i buku doh, &#8220;Iy badeh, asehek iri kandriyen tek marakon bwena jo amekes ndra-au on!&#8221; 40Eme iri lau badu Samariya ame hawen. Iri asehek sahou boto-on i tan ta iy kudu hawe iri sese op. Eme iy in hawe iri winiya len la-uh. 41Ta sahou tan le badeh, bwidi iri lau solo-an labai atehei budon tiri ili le tan.</div><div class="p"> 42Iri ame tiye sahou i ta butuhu Samariya i buku doh, &#8220;Ma bwena badeh, ahi atehei budon tahi ili le ta Jises, tasah ou ame asehek tahi. Arile, na dah ja badeh, ahi ndratehei budon tahi ndrala tan, tasah ahi ndranuhun udu ndranye ahi amwenen. Ahi ndratanan, iy ndramak kede-eh, iy kameh akohok taha lau marakon badu kon munyak ame hamon.&#8221;</div><div class="s">Jises anyumor nadu ndramak ari amwenen ja</div><div class="p"> 43Jises udu hawe iri Samariya len ma la-uh, ano iy eme edek iu ili Galili. ( 44Jises amwenen mene ndratiye toro, &#8220;Iri lau badu bolo kon tiri propet amwenen badeh, winiyan banoh iy bwe.&#8221;) 45Jises edek ili isos Galili. Iri lau ame sekesek ta atou iy, tasah iri ndratou iy amekes lakou marakon udu kala len ndrabun iri aloh Pasoba, ma nyamon tinan udu Jerusalem, iri badeh, ado aliy ale.</div><div class="p"> 46Jises edek eme hamon eme Kana loboho Galili. Loboho doh mene iy tubuni gwa asahan ili waen ja udu aliy. Iy udu kon tinan Kapena-um badeh, ndramak ari ta atondrok, nadun ibo sik in andri. 47Iy ndramak ta atondrok nane dah anuhun Jises udu Judiya ndrame Galili. Iy eme ili hawe Jises ta tiye iy kili kanyumor nadun, iy anya kimek.</div><div class="p"> 48Jises eme tiye i tan i buku doh, &#8220;Buku aha banyolom lahou tinan hawe iri kalem bwe, aha kameh winiyan batehei budon taha bame tek bwe.&#8221;</div><div class="p"> 49Iy ndramak ta kabin nane tikisiy labai. Iy eme asehek i ta Jises i buku doh, &#8220;Ndramak tinan, ou ame talu kala, bwe kameh naduk imek ai.&#8221;</div><div class="p"> 50Arile, Jises tiye i tan i buku doh, &#8220;Ou ala hamon nadum winiyan bamak bwe.&#8221;</div><div class="p">Iy eme atehei budon tan in ta sahou ta Jises, ma iy edek iu ili hamon ja. 51Iy edek san kahis le badeh, oro lau tan ame aturuk iy udu ndra ndrukulu san ranah. Oro ame asehek i tan i buku doh, &#8220;Nadum bamak bwe!&#8221; 52Iy eme ndremenya oro ja, &#8220;Mada an udu buku sah handru, eme badan anyala ja?&#8221; Oro anya, &#8220;Na mene mada an udu le alih, sik tan ano.&#8221;</div><div class="p"> 53Taman ndratanan, mada an udu le alih na mene badeh, amwenen ta Jises asehek sahou i tan, &#8220;Nadum winiyan bamak bwe.&#8221; Iy eme atehei budon tan ili ta Jises. Eme ma lau marakon nane ado hawen badeh, atehei budon tiri i ta Jises ale.</div><div class="p"> 54Idoh ili badeh, ili san lusan ai ta Jises amekes lahou tinan ma hawe kalem udu hamon ta iy udu Judiya ta ili Galili.</div>
 </div>
 </div>
</div>

Jises ndratanan buku iri Parasi badeh, ndranuhun Jises inyu iri lau solo-an labai, ma iri lau tan a solo-an labai ja ta Jon. Handru ta aliy badeh, Jises banyu iri lau bwe, oro lau tan le badeh, anyu iri lau. Jises anuhun iri asehek iy, eme iy udu Judiya edek iu ili hamon ili loboho Galili.
Jises anya kili Galili, arile budon tan boto-on badeh, anya kili kon Samariya bwena op. Iy eme ili kon ari udu bolo Samariya iri aloh Sikar, idoh udu mirihik ta nadu munyak sese mene Jekop atehei ili ta nadun Josep. Gwa ta Jekop a-eh udu loboho doh ale. San lawe-en labai eme ma bwidi Jises awoyah ta edek. Iy eme manyah udu mirihik ta gwa nane doh. Mada an badeh, udu le alih.
Udu, badih ari badu Samariya eme anya ka-us gwa tan. Jises eme asehek sahou i tan i buku doh, “Wa-ik se gwa.” Iy le ari udu. Oro lau tan badeh, ndra-au ndrala bolo kon tinan ndrasih noro nyamon.
Eme iy badih badu Samariya asehek sahou i tan i buku doh: “Ou badu Juwis, jo badih badu Samariya. Buku sah handru ou ndremenya jo ta gwa?” (Iri Juwis badeh winiyan bala hawe iri Samariya bwe.)
Jises eme asumon sahou tan ja i buku doh, “Buku ou tanam boto-on ta Kindrei, ma are lau nane ndremenya ou ta gwa, ou winiyan ndremenya iy, iy winiyan edeu wa-im gwa kohan handru udu aliy.”
Butuhu Samariya dah anya, “Ndramak tinan, ou akohok wa-im gwa kohan udu aliy badeh, badu heh handru? Gwa kede-eh munun lawe-en labai, ma ou tam ari kawau ta a-us wa-im gwa kede-eh bo-oh. Sebwe ou kabin are loken labai ja ta tama ahi Jekop nadeh? Iy atehei gwa kede-eh eme tahi. Iy amwenen a-un gwa badu aliy; nadun oro ma iri bulumakau tan hawe iri sipsip tan a-un gwa dah ale.”
Jises tiye i tan ja i buku doh, “Lau marakon a-un gwa dah, bale iri kameh amar ja. Buku are lau a-un gwa, jo edeu i wa-in, balen kameh winiyan bamar ja bwe. Gwa nane jo edeu i wa-in doh kameh asahan i buku gwa mulin udu bolo odan eme loken ma edeu kohan handru ta winiyan bano bwe, kameh ta udu le buku doh.”
Butuhu Samariya tiye i ta Jises ja i buku doh, “Ndramak tinan, wa-ik se gwa badeh. Ma balek kameh winiyan bamar ja bwe. Ma jo kameh winiyan bame hamon ba-us gwa dah ja bwai.”
Jises tiye i ta butuhu Samariya ja i buku doh, “Ou ala aloh udum, ano ah ma la-uh kame dah.”
Eme iy badih nane dah anya, “Jo ari uduk bo-oh!” Jises tiye i tan ja i buku doh, “Ou asehek handru, ou ari udum bwe. Handru, ou atasou a toro mwan ma limeh. Arile, iy mwan ou an hawen kede-eh badeh, udum handru bwe, ou asehek sahou handru.”
Iy badih asehek, “Ndramak tinan, jo ndranyolom ai, ou badeh, propet. Tama ahi iri badeh, atudun nyara Kindrei udu bwele-e mandrei kodo-on. Arile aha Juwis asehek Jerusalem badeh, kon ta atudun nyara Kindrei.”
Jises asehek i tan anya, “Ou badih kede-en, ou atehei budon tam marakon keme le tek. Len hamon eme kameh aha winiyan batudun tama taha Kindrei winiyan bado bwele-e mandrei dah bwe, ma iri Juwis ale winiyan batudun iy bado bolo Jerusalem
bwe le. Aha Samariya atudun lakou, aha bala tana aha iy bwe. Ahi atudun saba lakou ahi tanan. Tasah lahou ta Kindrei ta akohok taha ame len ta kandriyen ndra-in badeh, asahan tahi Juwis. Len eme, ma ndrasahan ai. Idah kameh iri lau ta atudun iy handru, iri kameh atudun tama i san ta Malawin Ndrabun, ma ta kandriyen handru. Tama badeh, aso-ok iri lau marakon katudun iy le ari. Kindrei badeh, iy Malawin Ndrabun. Are lau atudun iy badeh, ki-in hamon ta san ta Malawin Ndrabun, ma ki-in hamon ta sahou handru.”
Badih badu Samariya asehek i ta Jises ja i buku doh, “Jo tanan, idah kameh Mesaya eme, iri aloh iy Krais. Buku iy eme kameh iy barasehek lakou marakon barame tataha.”
Jises tiye i tan, “Jo le asah idah, iy ndramak nane ta udu le buku doh. Jo le adeh asehek sahou ewek tam dah.”

Iy udu, ano le badeh, oro lau tan are kon tinan ame hamon ame hawen. Eme ma mani oro atur ta atou iy asehek sahou hawe badih ari. Ma oro ame abudon solo-an. Arile, oro bandremenya Jises bala buku doh bwe, “Ou aso-ok saba lakou handru?” o, “Tasah handru ou asehek sahou hawe iy badih kede-eh?”
Butuhu Samariya eme ruwani bwisi gwa tan irek na gwa udu andri udu. Iy eme iu ili hamon ili kon, ma iy ili asehek nyala iri lau, “Ei, aha kame katou iy ndramak ari kodo-oh. Iy eme asehek iri kandriyen tek mene jo amekes ndra bwena ndra-au on! Iy sala Krais?” Ano iri ado bolo kon tinan adek ame len ame atou Jises.
Iri lau adek kahis le, oro lau tan asehek sahou boto-on ili tan, “Ndramak ta leheya, ou aimon se nyamon.”
Iy eme asehek i toro i buku doh, “Nyamon tek in aliy. Ado tanan nyamon doh bwe.”
Eme oro lau tan suburuk i toro ari ari anya, “Kora-on ari ndramak ndrame ndratiye nan nyamon, nadeh.”
Jises asehek sahou ili toro lau tan i buku doh, “Nyamon tek badeh, ta jo ki-in hamon ta budon ta Kindrei. Iy nane suni jo eme ta amekes gok tan, ma iy aso-ok jo kabwidi marakon kano. Ado asehek i buku doh: ‘winiya bun hahuw ja, nyamon badu bilin buruni.’ Jo katiye tado, mada ado kasak, ado kanyolom kili bolo bilin. Nyamon marakon ndruni. Iri lau abo gok ta a-eh nyamon badu bilin, iri badeh, akohok sihine iri. Ma iri atukum nyamon ta koha taha handru kameh udu le buku doh, winiyan bano bwe. Buku iri lau ta atah nyamon badeh, kala le hawe iri lau nane ta asoh nyamon, iri marakon kasekesek. Sahou tataha asehek badeh, handru, ‘Ndramak ari ta atah bilin, iy ari ja ta asoh sali nyamon.’ Jo suni ado ala ta asoh nyamon badu bilin, ado mene babo gok ta aliy bwe. Arile, ado ala bolo bilin ja asoh nyamon nane iri lau rayah ja awoyah ta aliy.”

Iri lau solo-an badu bolo kon tinan Samariya badeh, ndratehei budon tiri ndra tan. Tasah, iy badih badu Samariya nane ndrasihidiy ndrala tiri i buku doh, “Iy badeh, asehek iri kandriyen tek marakon bwena jo amekes ndra-au on!” Eme iri lau badu Samariya ame hawen. Iri asehek sahou boto-on i tan ta iy kudu hawe iri sese op. Eme iy in hawe iri winiya len la-uh. Ta sahou tan le badeh, bwidi iri lau solo-an labai atehei budon tiri ili le tan.
Iri ame tiye sahou i ta butuhu Samariya i buku doh, “Ma bwena badeh, ahi atehei budon tahi ili le ta Jises, tasah ou ame asehek tahi. Arile, na dah ja badeh, ahi ndratehei budon tahi ndrala tan, tasah ahi ndranuhun udu ndranye ahi amwenen. Ahi ndratanan, iy ndramak kede-eh, iy kameh akohok taha lau marakon badu kon munyak ame hamon.”

Jises udu hawe iri Samariya len ma la-uh, ano iy eme edek iu ili Galili. ( Jises amwenen mene ndratiye toro, “Iri lau badu bolo kon tiri propet amwenen badeh, winiyan banoh iy bwe.”) Jises edek ili isos Galili. Iri lau ame sekesek ta atou iy, tasah iri ndratou iy amekes lakou marakon udu kala len ndrabun iri aloh Pasoba, ma nyamon tinan udu Jerusalem, iri badeh, ado aliy ale.
Jises edek eme hamon eme Kana loboho Galili. Loboho doh mene iy tubuni gwa asahan ili waen ja udu aliy. Iy udu kon tinan Kapena-um badeh, ndramak ari ta atondrok, nadun ibo sik in andri. Iy ndramak ta atondrok nane dah anuhun Jises udu Judiya ndrame Galili. Iy eme ili hawe Jises ta tiye iy kili kanyumor nadun, iy anya kimek.
Jises eme tiye i tan i buku doh, “Buku aha banyolom lahou tinan hawe iri kalem bwe, aha kameh winiyan batehei budon taha bame tek bwe.”
Iy ndramak ta kabin nane tikisiy labai. Iy eme asehek i ta Jises i buku doh, “Ndramak tinan, ou ame talu kala, bwe kameh naduk imek ai.”
Arile, Jises tiye i tan i buku doh, “Ou ala hamon nadum winiyan bamak bwe.”
Iy eme atehei budon tan in ta sahou ta Jises, ma iy edek iu ili hamon ja. Iy edek san kahis le badeh, oro lau tan ame aturuk iy udu ndra ndrukulu san ranah. Oro ame asehek i tan i buku doh, “Nadum bamak bwe!” Iy eme ndremenya oro ja, “Mada an udu buku sah handru, eme badan anyala ja?” Oro anya, “Na mene mada an udu le alih, sik tan ano.”
Taman ndratanan, mada an udu le alih na mene badeh, amwenen ta Jises asehek sahou i tan, “Nadum winiyan bamak bwe.” Iy eme atehei budon tan ili ta Jises. Eme ma lau marakon nane ado hawen badeh, atehei budon tiri i ta Jises ale.
Idoh ili badeh, ili san lusan ai ta Jises amekes lahou tinan ma hawe kalem udu hamon ta iy udu Judiya ta ili Galili.

Dëgjoj Jon 4