Rwiyo Rukuru rwaSoromoni 8:5-7

Ndianiko uyo ari kuuya achibva kurenje
akazendamira pamudiwa wake?

Pasi pomuti womuapuro ndakakumutsa;
ipapo mai vako vakakubereka,
ipapo ivo vairwadziwa vakakubereka.
Ndiise pamwoyo pako sechisimbiso,
sechisimbiso paruoko rwako;
nokuti rudo rwakasimba sorufu,
godo rarwo seguva harishanduki.
Runopisa serimi romoto,
somurazvo mukuru kwazvo.
Mvura zhinji haigoni kudzima rudo;
nzizi hadzigoni kurukukura.
Kunyange munhu akapa
pfuma yose yemba yake kuti awane rudo,
zvingazvidzwa chose.