VaRoma 14:10-13

Naizvozvo, iwe, unopireiko hama yako mhosva? Kana newewo unozvidzireiko hama yako? Nokuti tose tichamira pamberi pechigaro chokutonga chaMwari. “Nokuti kwakanyorwa kuchinzi:
“ ‘Zvirokwazo noupenyu hwangu,’ ndizvo zvinotaura Ishe,
‘ibvi rimwe nerimwe richapfugama pamberi pangu;
rurimi rumwe norumwe ruchareurura kuna Mwari.’ ”
Saka, naizvozvo mumwe nomumwe wedu achazvidavirira kuna Mwari.
Naizvozvo ngatiregei kuramba tichipana mhosva. Asi munhu ngaarege kuisa chigumbuso kana chipinganidzo munzira yehama yake.