Mapisarema 40:1-5

Ndakamirira Jehovha nomwoyo murefu;
iye akatendeukira kwandiri akanzwa kuchema kwangu.
Akandibudisa mugomba rakadzika,
kunze kwamatope netsvina;
akamisa tsoka dzangu padombo
akandipa nzvimbo yakasimba kuti ndimirepo.
Akaisa rwiyo rutsva mumuromo mangu,
rwiyo rwokurumbidza Mwari wedu.
Vazhinji vachaona, uye vachatya
uye vachaisa ruvimbo rwavo muna Jehovha.

Akaropafadzwa munhu
akaita Jehovha ruvimbo rwake,
asingatariri kuna vanozvikudza,
kuna avo vanotsaukira kuna vamwari venhema.
Haiwa Jehovha, Mwari wangu,
zvizhinji zvishamiso zvamakaita.
Zvinhu zvamakatitongera hakuna
angazvirondedzera kwamuri;
dai ndingataura nokureva pamusoro pazvo,
zvaizowandisa kuzvizivisa.