Zvirevo 27:17-22

Simbi inorodza simbi,
saizvozvowo mumwe munhu anorodza mumwe.

Uyo anochengeta muonde achadya zvibereko zvawo,
uye uyo anochengeta tenzi wake achakudzwa.

Sezvo mvura ichiratidza chiso,
saizvozvowo mwoyo womunhu unoratidza munhu.

Rufu nokuparadza hazvimboguti,
kunyangewo maziso omunhu haaguti.

Hari ndeyokunyautsira sirivha uye choto ndechokunatsa goridhe,
asi munhu anoedzwa nerumbidzo yaanowana.

Kunyange ukatswa benzi muduri,
kumutswa sezviyo nomutswi,
haungabvisi upenzi hwake maari.