Mapisarema 5:3-8
Mapisarema 5:3-8 Bhaibheri Dzvene MuChiShona Chanhasi (BDSC)
Mangwanani, munonzwa inzwi rangu, imi Jehovha; mangwanani ndinoisa zvikumbiro zvangu pamberi penyu uye ndichimirira netariro. Imi hamusi Mwari anofarira zvakaipa; munhu akaipa haangagari nemi. Munhu anozvikudza haangamiri pamberi penyu; munovenga vose vanoita zvakaipa. Munoparadza vose vanoreva nhema; vanoteura ropa navanhu vanonyengera, Jehovha anovasema. Asi ini, nenyasha dzenyu huru, ndichapinda mumba menyu; norukudzo, ndichakotamira pasi pamberi penyu, ndakatarira kutemberi yenyu tsvene. Nditungamirirei, imi Jehovha, mukururama kwenyu nokuda kwavavengi vangu, ruramisai nzira yenyu pamberi pangu.
Mapisarema 5:3-8 Shona Bible 1949, revised 2002 (SNA2002)
Jehovha, muchanzwa izwi rangu mangwanani; Mangwanani ndichakurongedzerai munyengetero wangu, ndichirindira. Nokuti hamuzi Mwari anofarira zvakaipa, Munhu, akashata, haangagari nemi. Munhu, anozvikudza, haangamiriri pamberi penyu; Munovenga vose vanoita zvakaipa. Muchaparadza vanoreva nhema; Jehovha anosema munhu anoteura ropa neanonyengera. Asi kana ndirini, ndichapinda mumba menyu nokuwanda kwounyoro hwenyu, Ndichanamata ndakaringira kutemberi yenyu tsvene ndichikutyai. Ndifambisei, Jehovha, mukururama kwenyu nokuda kwavavengi vangu; Gadzirai nzira yenyu pamberi pangu.
Mapisarema 5:3-8 Bhaibhiri Idzva rechiShona rine Dhuterokanonika (SCLBD)
TENZI, mangwanani, munonzwa izwi rangu. Kumangwanani, ndinokugadzirirai chibayiro ndomirira. Nokuti hamusi Mwari anofarira uipi, uipi haugone kuita musha pamwechete nemi. Vanozvikudza havangagoni kumira pamberi penyu, munovenga vaiti vose vezvakaipa. Munoparadza vanotaura nhema TENZI anovenga vanhu vanoda kudeura ropa navanhu vanonyengedza. Asi pamusana pemwoyochena wenyu wakawanda; ndichapinda mumba menyu. Ndichanamata ndichikuremekedzai ndakaringira kuTemberi yenyu inoera. Nditungamirireiwo TENZI, nokururama kwenyu, nokuti ndine mhandu. Ndijekesereiwo nzira yamunoda kuti ndifambe nayo.
Mapisarema 5:3-8 Baiberi Magwaro Matȿene aMŋari 1949 (Doke) (SUB1949)
Jehova, mucanzwa inzwi raŋgu maŋgwanani; Maŋgwanani ndicakuroŋgedzerai munyeŋgetero waŋgu, ndicirindira. Nokuti hamuzi Mŋari unofarira ɀakaipa; Munhu, wakashata, haaŋgagari nemi. Munhu, unoɀikudza, haaŋgamiri pamberi penyu; Munoʋeŋga ʋose ʋanoita ɀakaipa. Mucaparadza ʋanoreʋa nhema; Jehova unosema munhu unoteʋura ropa nounonyeŋgera. Asi kana ndirini, ndicapinda mumba menyu nokuwanda kwoʋunyoro bgenyu, Ndicanamata ndakariŋgira kutembere yenyu tȿene ndicikutyai. Ndifambisei, Jehova, mukururama kwenyu nokuɗa kwaʋaʋeŋgi ʋaŋgu; Gadzirai nzira yenyu pamberi paŋgu.
Mapisarema 5:3-8 Bhaibhiri Idzva rechiShona (SCLB)
TENZI, mangwanani, munonzwa izwi rangu. Kumangwanani, ndinokugadzirirai chibayiro ndomirira. Nokuti hamusi Mwari anofarira uipi, uipi haugone kuita musha pamwechete nemi. Vanozvikudza havangagoni kumira pamberi penyu, munovenga vaiti vose vezvakaipa. Munoparadza vanotaura nhema TENZI anovenga vanhu vanoda kudeura ropa navanhu vanonyengedza. Asi pamusana pemwoyochena wenyu wakawanda; ndichapinda mumba menyu. Ndichanamata ndichikuremekedzai ndakaringira kuTemberi yenyu inoera. Nditungamirireiwo TENZI, nokururama kwenyu, nokuti ndine mhandu. Ndijekesereiwo nzira yamunoda kuti ndifambe nayo.