2 Madzimambo 7:3-9
2 Madzimambo 7:3-9 Bhaibheri Dzvene MuChiShona Chanhasi (BDSC)
Zvino kwakanga kuna varume vana vaiva namaperembudzi pamukova wesuo reguta. Vakawirirana vakati, “Tichagarireiko pano kusvikira tafa? Kana tikati, ‘Tichaenda muguta,’ nzara irimo uye tichafa. Uye kana tikagara pano, tichafa. Naizvozvo ngatiendei kumusasa wavaAramu tinozvipira hedu. Kana vakatirega tiri vapenyu, tararama, kana vakatiuraya, tafa hedu.” Naizvozvo vakasimuka mambakwedza vakaenda kumusasa wavaAramu. Vakati vasvika pamucheto womusasa, wanei hakuna kana munhu, nokuti Jehovha akanga aita kuti vaAramu vanzwe kutinhira kwengoro namabhiza uye nokwehondo huru, naizvozvo, vakataurirana vachiti, “Tarirai mambo weIsraeri akakoka vaHiti namadzimambo avaIjipita kuti vazotirwisa!” Naizvozvo vakasimuka mambakwedza vakatiza, vakasiya matende avo namabhiza avo nembongoro. Vakasiya musasa wakangodaro vakatiza kuti vaponese upenyu hwavo. Varume vaiva namaperembudzi vakapinda kumucheto kwomusasa ndokupinda mune rimwe tende. Vakadya uye vakanwa, uye vakatakura sirivha, negoridhe nenguo vakabvapo vakandozviviga. Vakadzokazve vakapinda mune rimwe tende vakatora zvimwe zvinhu mariri vakandozvivigazve. Ipapo vakataurirana vakati, “Hatisi kuita chinhu chakanaka. Rino izuva ramashoko akanaka asi isu takangonyarara hedu. Kana tikamira kusvika kwaedza, ticharangwa. Handei izvozvi tinozivisa zvinhu izvi kumuzinda wamambo.”
2 Madzimambo 7:3-9 Bhaibheri Dzvene MuChiShona Chanhasi (BDSC)
Zvino kwakanga kuna varume vana vaiva namaperembudzi pamukova wesuo reguta. Vakawirirana vakati, “Tichagarireiko pano kusvikira tafa? Kana tikati, ‘Tichaenda muguta,’ nzara irimo uye tichafa. Uye kana tikagara pano, tichafa. Naizvozvo ngatiendei kumusasa wavaAramu tinozvipira hedu. Kana vakatirega tiri vapenyu, tararama, kana vakatiuraya, tafa hedu.” Naizvozvo vakasimuka mambakwedza vakaenda kumusasa wavaAramu. Vakati vasvika pamucheto womusasa, wanei hakuna kana munhu, nokuti Jehovha akanga aita kuti vaAramu vanzwe kutinhira kwengoro namabhiza uye nokwehondo huru, naizvozvo, vakataurirana vachiti, “Tarirai mambo weIsraeri akakoka vaHiti namadzimambo avaIjipita kuti vazotirwisa!” Naizvozvo vakasimuka mambakwedza vakatiza, vakasiya matende avo namabhiza avo nembongoro. Vakasiya musasa wakangodaro vakatiza kuti vaponese upenyu hwavo. Varume vaiva namaperembudzi vakapinda kumucheto kwomusasa ndokupinda mune rimwe tende. Vakadya uye vakanwa, uye vakatakura sirivha, negoridhe nenguo vakabvapo vakandozviviga. Vakadzokazve vakapinda mune rimwe tende vakatora zvimwe zvinhu mariri vakandozvivigazve. Ipapo vakataurirana vakati, “Hatisi kuita chinhu chakanaka. Rino izuva ramashoko akanaka asi isu takangonyarara hedu. Kana tikamira kusvika kwaedza, ticharangwa. Handei izvozvi tinozivisa zvinhu izvi kumuzinda wamambo.”
2 Madzimambo 7:3-9 Shona Bible 1949, revised 2002 (SNA2002)
Zvino kwakanga kuna varume vana vaiva namaperembudzi kunze kwesuo; ivo vakataurirana, vakati, “Tinogarireiko pano kusvikira tafa? Kana tikati, ‘Tichapinda muguta, nzara huru iri muguta, tichandofiramo; kana tikagara pano, tichafawo. Naizvozvo zvino hendei tiende hedu kuhondo dzavaSiria; kana vakatirega tiri vapenyu, tararama hedu; kana vakatiuraya, tafa hedu.’ ” Ipapo vakasimuka mambakwedza, vakaenda kumisasa yavaSiria; vakati vasvika kumisasa yokumudzivo yavaSamaria, vakawana kusino munhu. Nokuti Jehovha wakanga anzwisa hondo yavaSiria kutinhira kwengoro, nokutinhira kwamabhiza, kuri kutinhira kwehondo huru; vakataurirana, vakati, “Tarirai, mambo weIsiraeri wakakoka madzimambo avaHiti namadzimambo avaIjipiti kuzorwa nesu.” Naizvozvo vakamuka mambakwedza, vakasiya matende avo, namabhiza avo, namahesera avo, musasa wose wakangodaro, vakatiza kuti vararame. Zvino vaya vaiva namaperembudzi vakati vachisvika kumisasa yokumidzivo, vakapinda patende rimwe, vakadya nokunwa, vakatoramo sirivha nendarama nenguo, vakandozviviga; vakadzokazve, vakapinda mune rimwe tende, vakatora zvakanga zvirimowo, vakandozviviga. Ipapo vakataurirana, vakati, “Hatiiti zvakanaka; nhasi izuva reshoko rakanaka, asi isu tinongonyarara hedu; kana tikanonoka kusvikira kwaedza, tichavingwa nokurohwa; naizvozvo hendei zvino, tindoudza imba yamambo.”
2 Madzimambo 7:3-9 Bhaibhiri Idzva rechiShona rine Dhuterokanonika (SCLBD)
Izvozvo kwaiva navamwe varume vana vakanga vaina maperembudzi vaigara kwokunge toda kupinda pasuo guru riya. Vakataurirana vachiti, “Tadirei kuti tisvike pakufa takangoti pwasha kugara pano apa. Kana tikati tipinde zvedu muguta, nzara iri kubaya muguta umu, tingafire imomo. Kana tikati zunye kugara pano tinopafazve. Saka iye zvino uyai tiyambukire kumatendhe evaSiria uku. Kana vakatirega tiri vapenyu tatorarama, asi kana vakatiuraya tafawoka zvedu.” Vakabva vasimuka rubvunzavaeni voenda kumatendhe avaSiria. Kuzoti vasvika kwaitangira matendhe evaSiria aya wanei pakati n'ono pasina nomunhu wose. Chakadariso ndechokuti Tenzi akanga aita kuti hondo inzwe maungira engoro dzehondo neemabhiza namaungira ehondo huru kwazvo zvokuti vakataurirana vachiti, “Zvamunoonaka mambo wokwaIsiraeri akandotenga madzimambo evaHiti nemadzimambo evaIjipiti kuti vatirwise.” Ipapo rubvunzavaeni irworwo vakati ware kutiza vachisiya matendhe avo namabhiza avo namadhongi avo vakasiya pamatendhe pavo pakangodaro vakatiza kuponesa upenyu hwavo. Pakasvika vana maperembudzi ava kwaitangira matendhe aya vakapinda mutendhe rimwe vakadya vakanwa vakabva vatora sirivha nendarama nehanzu vakandozviviga. Vakadzoka vakapinda mune rimwe tendhe ndokutakuramo zvimwe zvinhu vakandozviviga. Vakazotaurirana vachiti, “Zvatiri kuita izvi hazvina kunaka. Nhasi izuva redama rakanaka. Kana tikaramba takanyarara kusvikira mangwanani kwaedza tingazorangwa. Saka naizvozvo ngatichibvai taenda kundotaurira vokumuzinda kwamambo.”
2 Madzimambo 7:3-9 Baiberi Magwaro Matȿene aMŋari 1949 (Doke) (SUB1949)
Ɀino kwakaŋga kunaʋarume ʋanna ʋaiʋa namaperembudzi kunze kwesuʋo; iʋo ʋakataurirana, ʋakati: Tinogarireiko pano kuȿikira tafa? Kana tikati: Ticapinda muguta, nzara huru iri muguta, ticandofira’mo; kana tikagara pano, ticafa ʋo. Naiɀoɀo ɀino hendei tiende heɗu kuhondo dzaʋaSiria; kana ʋakatirega tiri ʋapenyu, tararama heɗu; kana ʋakatiʋuraya, tafa heɗu. Ipapo ʋakasimuka mambakwedza, ʋakaenda kumisasa yaʋaSiria; ʋakati ʋaȿika kumisasa yokumudziʋo yaʋaSiria, ʋakawana kusinomunhu. Nokuti Jehova wakaŋga anzwisa hondo yaʋaSiria kutinhira kweŋgoro, nokutinhira kwamabiza, kuri kutinhira kwehondo huru; ʋakataurirana, ʋakati: Tarirai, mambo waIsraeri wakakoka madzimambo aʋaHiti namadzimambo aʋaEgipita kuzorwa nesu. Naiɀoɀo ʋakamuka mambakwedza, ʋakasiya matente aʋo, namabiza aʋo, namahesera aʋo, musasa wose wakaŋgoɗaro, ʋakatiza kuti ʋararame. Ɀino ʋaya ʋaiʋa namaperembudzi ʋakati ʋaciȿika kumisasa yokumidziʋo, ʋakapinda patente rimŋe, ʋakadya nokunwa, ʋakatora’mo sirveri nendarama neŋguʋo, ʋakandoɀiʋiga; ʋakadzoka ɀe, ʋakapinda munerimŋe tente, ʋakatora ɀakaŋga ɀiri’mo ʋo, ʋakandoɀiʋiga. Ipapo ʋakataurirana, ʋakati: Hatiiti ɀakanaka; nhasi izuʋa reshoko rakanaka, asi isu tinoŋgonyarara heɗu; kana tikanonoka kuȿikira kwaedza, ticaʋiŋgwa nokurobga; naiɀoɀo hendei ɀino, tindoʋudza imba yamambo.
2 Madzimambo 7:3-9 Bhaibhiri Idzva rechiShona (SCLB)
Izvozvo kwaiva navamwe varume vana vakanga vaina maperembudzi vaigara kwokunge toda kupinda pasuo guru riya. Vakataurirana vachiti, “Tadirei kuti tisvike pakufa takangoti pwasha kugara pano apa. Kana tikati tipinde zvedu muguta, nzara iri kubaya muguta umu, tingafire imomo. Kana tikati zunye kugara pano tinopafazve. Saka iye zvino uyai tiyambukire kumatendhe evaSiria uku. Kana vakatirega tiri vapenyu tatorarama, asi kana vakatiuraya tafawoka zvedu.” Vakabva vasimuka rubvunzavaeni voenda kumatendhe avaSiria. Kuzoti vasvika kwaitangira matendhe evaSiria aya wanei pakati n'ono pasina nomunhu wose. Chakadariso ndechokuti Tenzi akanga aita kuti hondo inzwe maungira engoro dzehondo neemabhiza namaungira ehondo huru kwazvo zvokuti vakataurirana vachiti, “Zvamunoonaka mambo wokwaIsiraeri akandotenga madzimambo evaHiti nemadzimambo evaIjipiti kuti vatirwise.” Ipapo rubvunzavaeni irworwo vakati ware kutiza vachisiya matendhe avo namabhiza avo namadhongi avo vakasiya pamatendhe pavo pakangodaro vakatiza kuponesa upenyu hwavo. Pakasvika vana maperembudzi ava kwaitangira matendhe aya vakapinda mutendhe rimwe vakadya vakanwa vakabva vatora sirivha nendarama nehanzu vakandozviviga. Vakadzoka vakapinda mune rimwe tendhe ndokutakuramo zvimwe zvinhu vakandozviviga. Vakazotaurirana vachiti, “Zvatiri kuita izvi hazvina kunaka. Nhasi izuva redama rakanaka. Kana tikaramba takanyarara kusvikira mangwanani kwaedza tingazorangwa. Saka naizvozvo ngatichibvai taenda kundotaurira vokumuzinda kwamambo.”