Mateo 2:12-13

Tul q'aav ve't chajnaj, as ul alpo te chajnaj tivatzik' uva' ye' la q'aav ve't chajnaj vatz u Herodese'. Esti'e' va'len b'ey teq'o ve't chajnaj ti' iq'aav tu vitename'. Tul kuxh el ch'u'l unq'a naje' uva' chuselik tib' ti' unq'a tx'umile', as ul ve't uma'l u ángel tivatzik' u Xhu'le' unpajte. As ech ul tal ile': «Xhu'l, txakpen. As kuxh tu u Egipto tuk' u ne'e' as tuk' vitxutxe'. As la atin ex tzitzi'. As in lanal alon see uva' jatu la el ch'u'l ex tzitzi', tan tuk ichuk u Herodes u ne'e' ti' iyatz'ata',» ti'k u ángele' tal te u Xhu'le'.