Maatoosa 15
15
Adunts wogabaz
(Mar. 7:1-13)
1Yinnippa suuba, fettii fettii Farisaawuntsin higge asttamaaruntsi Yerusalaameppa Yesuusago yi7i, 2«Ne tamaaruntsi akkos nu adunts wogito mentse? Un katstsa ma7adeppa tiino fa kushito meecinttoos» yaga7i oocida.
3Yesuusa mahi, «Yin, yin woga gisho Xoozze kiita folizanno akkos ixxe? 4Akkos gayko, Xoozii, ‹Ne adayan ne intto bonchcho. E fa adaya woy fa intto cazhize hyayqo gayka?› yagayda. 5Yezin yin, fettii asi fa adaya woy fa intto maaddodebaz yezin, ‹Yin taappa denggize maadito Xoozzes zharshida gayko,#Keze 20:12; Mahe 5:16; Keze 21:17; Leewe 20:9 6Fa adaya woy intto bonchchodes beezoos› yagaane. Yezin yin, yin woga folodes Xoozze qaala mentsane. 7Yin, cubbuntso, Isayaasa yin baz likke ohida,
8«‹Hyantsi asuntsi tana fa doontte bonchchane,
Yezin un wozuntta taappa hyaako yene.
9Asuntsi tana cer goynane;
un asi medhdhide woga
Xoozze higge aazizi tamaarssane› gayda» yagayda.
Asi tunize baz
(Mar. 7:14-23)
10Yesuusa gaama asuntsana faago xeegii, «Si7ote! Qoppote! 11Asi tunize baz doonara gelizebaz baayzin doonappa kezze baz» yagayda.
12Yinnippa suuba, Yesuusa tamaaruntsi eego yi7i, «Farisaawuntsi ne gaydanno si7i dhubunttidanno erane?» yagayda.
13Yezin Yesuusa unttis mahi, «Salo yeze ta aday tukkikaayze minxa ubba shodinttoda. 14Unbaz ashshii ashshote; un qooqe kaalisize qooquntsana. Qooqe qooqe kaalitsiko, lam77untsin gaga qitane» yagayda.
15Phexiroosa mahi, «Yinna aazize bilitsito nuus ohoya» yagayda.#Luqa. 6:39
16Yesuusa unttago, «Yinttisin hyanno yellodes gelikaane? 17Doonara gelidebaz ubba saza gelii bale kezizanno erosite? 18Yezin doonara kezze baz wozinappa kezane. Asi tunize baz yentsesana. 19Unttin as wozina giddappa kezize iita qofa, wodhe, olale, gome woy7e, kayzo, worddo markkidhe, cashshi.#Maato. 12:34 20Yentsesana aazize bazita asi tunizanep attin meeccinttikaayze kushera muuzanna tunizoos» gayda.
Fettii maachiti ammano
(Mar. 7:24-30)
21Yinnippa suuba, Yesuusa yeygappa kezii Xiroosan Sidoona katama qitida. 22Fettii Kanaane sa7a maachita Yesuusago yi7i, fa qaaltto dhoqi yiizii, «Laatstso, Dawute na7ayo, taas yiqsinttoya; ta naato tuna ayyaana aykkii iita waytsane» yagayda.
23Yezin Yesuusa fettii qaala mahikaaya si7i gayda. Yesuusa tamaaruntsi eego yi7i, «Hyanna maachita nu suubito kaallii wuyssane. Yinnii gisho, ne izo moyzoya» yaga7i woossida.
24Yesuusa mahi, «Taanii wudeppa dhabide duruntsana Isra7eele keetstsappa dhabide asunts xalaalas kiitinttida» yagayda.
25Yezin iza, E tiintte bunqqunttii, «Laatstso, tana maaddoya?» yagayda.
26E mahi, «Na7unts katstsa ekkii kanuntsis olzanna lo77o baaya» yagayda.
27Maachitan, «Laatstso, yinna turo, yezin melle atto yezin kanuntsi fa laatstsuntsi muuzin, leematippa wodhdhize gufa muune» yagayda.
28Yesuusa mahi, «Hyanna maachite, ne ammantta damma; ne koydanni fana nees hyano» yagayda. I naata iira faxii attida.
Yesuusa gaama hyargginttizuntsana fatstsida
29Yesuusa yinnippa denddii Galila Abba kale hyanggida. Fettii derella afa kezii, ize bettida. 30Gaama asuntsi, wobbuntsana, qooquntsana, kuunniduntsana, doona muumuntsana, melle gaama hyargganchchuntsana ekkii, eego ki7i E tiintte gaddida. Yesuusa unttana fatstsida. 31Yinnii gisho, muumuntsi ohinttizin, guundduntsi luulezin, wobbuntsi yedhdhizin, qooquntsi be7izin asuntsi bi7i gaama qoppida, Isra7eele Xoozza galatida.
Yesuusa oyddii mukul asuntsana muuzida
(Mar. 8:1-10)
32Yesuusa fa tamaaruntsana faago xeegii, «Hyantsi gaama asuntsi taara hyaydzdzii qamma gam7ide gishon unttis hyatte muuze baz baayze gisho taanii unttis yiqsinttane. Un oge labbii gol7aame fana akko muuzikaayzara unttana hyarii dakkodes koyoos» yagayda.
33E tamaaruntsi mahi, «Nuunii hyanna akko baayze sa7a hyannii fana yeze asuntsis maaqqade katstsa anappa denggode?» yagayda.
34Yesuusa unttago, «Yinttis wantsi boora yeze?» yaga7i oocida.
Un mahi, «laappun booriton yishsha eerats molo yene» yagayda.
35Yesuusa asuntsana sa7alla bettote fana kiittida. 36Yinnippa suuba, yinna laappun booriton moluntsana ekkii Xooz galatida. Baxxi fa tamaaruntsis inggida. E tamaaruntsi asuntsis gishida.
37Asuntsin ubba mu7i mizhida. Unttin, mu7in attide gufa laappun leemate kumutsi dentsida. 38Muyde asuntsi maachan na7an faydinttikaayzin dhiiratsi xalaala oyddii mukul. 39Yesuusa asuntsana dakkideppa suuba gongge gelii Magedoona sa7a qitida.
Zvasarudzwa nguva ino
Maatoosa 15: OydaNTL
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
The word for the World Ethiopia