Kumsada 6
6
Maldadi di omi
1Oca ku omis kumsa na ciu na tera, e padi fijus femia. 2Fijus di Deus oja kuma fijus femia di omis e bonitu. E kasa ku kilis ke mistiba. 3SIÑOR fala: “Ña spiritu ka na fika na omi pa sempri, pabia si kurpu ten ku#Sal 78.39; 90.10; Is 65.20 muri. Pabia des, i na vivi son 120 anu.”
4Na ki tempu, ku mas tardi tambi, i tenba jigantis na tera. Oca ku fijus di Deus junta ku fijus femia di omis, e padi fijus. Esis e seduba balentis ki tenba na ki tempu antigu, omis di fama.
5SIÑOR oja maldadi#Kap 8.21; Sal 53.2-3; Ekl 7.29; 9.3; Jer 17.9; Mat 15.19; Rom 3.10-18 di omis na buriba na tera. Tudu se manera di pensa na se korson i seduba son mau. 6SIÑOR fika ripindidu#1 Sam 15.11; 1 Kron 21.15; Ez 33.11; Ef 4.30 manera ki kumpu omi na tera; si korson staba tristi. 7Asin SIÑOR fala: “N na kaba ku tudu jinti ku N kumpu, N na tira elis na tera, desdi omi, tudu ku limarias, ku kilis ku ta rasta, ku kacus ku ta bua na seu, pabia N ripindi manera ku N kumpu elis.” 8Ma SIÑOR kontenti ku Noe.
Noe
9Es i storia di Noe. Noe seduba un omi#Kap 5.22-24; Ez 14.14,20; Eb 11.7; 2 Ped 2.5 justu, ku staba sin kulpa na metadi di jinti di si tempu. I ta yandaba ku Deus. 10Noe padi tris fiju macu ku sedu Sen, Kan ku Jafé.
11Tera staba mal na uju di Deus; jinti na abusaba na se kumpañer. 12Deus oja#Sal 53.2-3 kuma ku tera staba mal, pabia tudu jinti na tera na yandaba na mau kamiñu.
13Deus fala Noe: “Ami N na kaba#Ez 7.2-6; 1 Ped 4.7 ku tudu jinti, pabia tera inci abusu ku maldadi. N na kaba ku elis tudu ku tera. 14Kumpu pa bo un barku#1 Ped 3.20; Eb 11.7 di bon madera, bu pui kuartus nel. Dentru ku fora bu ta foral ku alkatron. 15Bu na kumpul de manera: 133 metru di kumprimentu, 22 metru di largura, ku 13 metru di altura. 16Bu na pui kubertura na barku, bu disa spasu di 44 sentimetru entri kubertura ku ladu di barku. Bu ta pui porta na ladu; bu ta fasi un sobradi pa bas, sugundu ku terseru. 17N na manda diluviu di yagu riba di tera, pa kaba ku tudu kriaturas bas di seu ku tene folgu di vida. Tudu ku sta na tera na muri, 18ma N na fasi un kontratu#Kap 9.9-11; 17.4,7,21 ku bo. Bu na yentra na barku, abo ku bu fijus, ku bu minjer, ku minjeris di bu fijus. 19Bu ten ku yentranda dus di kada koldadi limaria bibu, macu ku femia, pa guarda elis bibu ku bo. 20Dus di kada koldadi kacu, ku kada koldadi limaria, ku tudu koldadi kilis ku ta rasta, e na bin pa bo, pa bu pudi guarda elis bibu. 21Bu na toma tudu koldadi kumida ku ta kumedu, bu guardal, pa i sedu kumida pa bo, suma pa elis tambi.”
22Noe fasi tudu suma ku Deus mandal.
Zvasarudzwa nguva ino
Kumsada 6: povB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1993-2020, Instituto de Tradução e Alfabetização