Atus 2
2
Spiritu Santu bin
1Oca dia di Pentekostis#Kap 20.16; Sai 23.16; 34.22; Sir 23.15; Num 28.26-31; Lei 16.9-11; 1 Kor 16.8 ciga, e staba tudu juntadu#Kap 1.14 na mesmu lugar. 2Di repenti i bin di seu un baruju suma di bentu forti di turbada; i inci dentru di kasa#Kap 4.31 ke staba sintadu nel. 3I parsi elis suma lingua di fugu ku rapati, i sinta riba di kada un delis. 4Na ki ora elis tudu e fika incidu ku Spiritu Santu; e kumsa na fala na utru#Kap 10.46; 19.6; Mar 16.17; 1 Kor 12.10,28,30; 13.1; 14.2-6,13-23,26-28 linguas, suma ku Spiritu da elis puder di fala.
5Na ki dias i staba na Jerusalen judeus, omis riliẑiosu#Sai 23.17 ku bin di tudu nason di mundu. 6Oca ke obi ki baruju, i junta garandi multidon. E fika tudu kunfundidu, pabia kada kin na obi ki jinti na fala na lingua di si tera. 7E fika tudu ntrumpidu, e dimira, e punta ŋutru: “Es i ke? Tudu e jinti ku na papia e ka sedu di Galileia? 8Kuma ku kada un di nos na obi elis na lingua ku no padidu nel? 9Anos di Pártia, Media, Elan, Mesopotamia, Judeia, Kapadósia,#1 Ped 1.1 Pontu, Asia, 10Fríẑia, Panfília, Ejitu ku reẑions di Libia ku fika pertu di Sireni, stranjerus di Roma, judeus, tudu ku kilis ku seta riliẑion di judeus, 11utrus di Kreta ku Arabia, anos tudu no obi elis na no lingua propi e na fala di kusas garandi ku Deus fasi!” 12Tudu elis e dimira, e ka sibi ke ke na pensa. E na punta ŋutru: “Es i ke?”
13Utrus na fasi trosa, e na fala kuma e cami nan!
Pedru diskursa pa jinti
14Pedru lanta, i firma juntu ku ki utru onzi apostolu, i yalsa vos, i fala jinti: “Ermons judeu, ku abos tudu ku mora na Jerusalen, bo pera N splika bos e kusa. Bo sukuta ña palabra. 15E omis ka cami#1 Tes 5.7 suma ku bo na pensa; i son novi ora di parmaña. 16Ma es i kil ku anunsiadur Joel kontaba ja, kuma 17Deus fala asin:
‘Na ultimu tempu N na darma ña Spiritu#Is 44.3; Ez 11.19; Joe 2.28-32
riba di tudu jinti.
Bo fijus macu ku femia#Kap 21.4,9-10; 1 Kor 12.10,28-29; 14.1; Ef 4.11 na anunsia rekadu di Deus;
bo jovens na oja visons;
bo omis garandi na ba ta suña.
18Na ki dia tambi N na darma ña Spiritu
riba di ña servus macu ku femia;
e na ba ta anunsia.
19N na mostra milagris la riba na seu,
N mostra tambi sinal li bas na mundu,
di sangi, fugu ku nuvens di fumu.
20Sol na bida sukuru; lua na bida sangi
antis di ciga ki dia garandi i gloriosu di Siñor.
21Na ki tempu, tudu algin ku coma nomi#Rom 10.13 di Siñor
i na salba.’
22“Ermons israelita, bo sukuta e palabra. Deus rikuñisi Jesus di Nazaré bo dianti, ku kusas garandi, ku milagris, ku sinal#Kap 10.38; Jon 3.2; 14.11; Eb 2.4 ki fasi na bo metadi pa mon di Jesus. Abos propi bo sibi kila diritu. 23Deus sibiba ja ke ku na sedu. Konformi si#Kap 3.18; 4.28; Luk 24.44 planu, bo ntregadu Jesus. Bo tomal, bo krusifikal, bo matal#Kap 5.30 pa mon di omis malvadu, 24ma Deus#Kap 3.15; 4.10; 10.40; 13.30,34; 17.31; Rom 4.24; 8.11; 1 Kor 6.14; 15; 2 Kor 4.14; Gal 1.1; Ef 1.20; Kol 2.12; 1 Tes 1.10; 2 Tim 2.8; Eb 13.20; 1 Ped 1.21 lantandal, i libertal di agunia di mortu, pabia mortu ka pudiba tenel prezu. 25Davi fala aserka del:
‘Sempri N ta ojaba Siñor#Sal 16.8-11 ña dianti,
pabia i sta na ña mon direita pa nada ka bulbulin.
26E ku manda ña korson kontenti,
ña lingua papia palabra di alegria;
tambi ña sintidu na diskansa na speransa ku N tene,
27pabia bu ka na disa ña alma#Kap 13.35-36 na kau di mortus;
bu ka na disa tambi kurpu di bu santu pa i podri.
28Bu pun pa N kunsi kamiñus di vida;
ku bu rostu bu na incin di alegria.’
29“Ña ermons, bo peran N konta bos klaru aserka di Davi, no antigu pape, manera ki#Kap 13.36; 1 Re 2.10 muri, i nteradu; si difuntu sta na si koba na no tera te gosi. 30El i anunsiadur, tambi i sibi kuma Deus falaba#1 Kron 17.11-14; Sal 89.35-37; Luk 1.32-33 ku juramentu kuma Kristu na padidu na si jorson, pa bin sinta na si tronu. 31Suma ki oja e kusas dianti, i na papiaba na manera ku Kristu na bin lanta di mortu oca i fala kuma si alma i ka disadu na kau di mortus, nin i ka disa si kurpu pa i podri.
32“E Jesus ku no na fala del, Deus lantandal di mortu. Anos tudu i tustumuñas#Kap 1.8; 13.31 de kusa. 33Manera ki sta ja riba, na mon direita#Kap 5.31; 7.56; Mar 16.19; Rom 8.34; Ef 1.20; Fil 2.9; Kol 3.1; Eb 1.3; 8.1; 10.12; 12.2; 1 Ped 3.22 di Deus si Pape, i risibi na si mon Spiritu Santu ku Deus falaba i na#Luk 24.49 manda; i darma#Kap 10.45 e kusa ku bo na oja gosi, bo na obil. 34Davi ka subi pa seu, ma el propi i fala: ‘Siñor fala ña Siñor pa i sinta#Sal 110.1 na si mon direita 35tok i pui si inimigus pa e sedu tapeti ki na diskansa si pe nel.’ 36E ku manda i bon pa tudu pobu di Israel sibi sertu kuma, e Jesus ku bo prega#Kap 5.30 na krus, Deus fasil Siñor, i fasil Kristu tambi.”
Purmeru konvertidus
37Oca jinti obi ki kusa, se korson fika tristi dimas; e punta Pedru ku ki utru apostolus: “Ermons, ke ku no dibi di#Kap 16.30; Luk 3.10 fasi?”
38Pedru fala elis: “Bo#Kap 3.19,26; 5.31; 13.38; 17.30; 26.20; Mat 3.2,8; Luk 24.47 ripindi, kada un di bos, bo batisadu na nomi di Jesus Kristu, pa bo pekadu pudi purdadu. Asin bo ta risibi Spiritu Santu ku Deus na da bos, 39pabia purmesa#Kap 10.45; 11.15-18; Joe 2.28; Ef 2.13 i pa bos, ku bo fijus, ku tudu jinti ku sta lunju — tudu algin ku no Siñor Deus coma.”
40Pedru konsija elis ku manga di palabra, i avisa elis, i fala: “Bo libra bo kabesa di jinti mau de tempu.” 41Asin, kilis ku seta si palabra di bon manera, e batisadu. Na ki dia kuas tris mil jinti junta ku elis na kamiñu di Deus.
Vida di purmeru krentis
42E kontinua sempri na risibi nsinamentu di apostolus; e ta tenba sempri kumuñon ku ŋutru; e ta rapati pon juntu, e fasi orason. 43Apostolus ta fasiba manga di milagri#Kap 5.12; Mar 16.17 ku sinal. Tudu jinti ta fika dimiradu. 44Tudu krentis fika#Kap 4.32-35 juntu; kusas ke tene, tudu juntadu. 45E ta bindiba se kusas di balur ku se terenu, e rapati#Is 58.7; Luk 12.33-34; 18.22; 19.8 entri elis tudu, konformi kada kin pirsisa. 46E kontinua junta#Kap 1.14 na kasa di Deus kada dia, ku un sintidu son; e ta rapati pon#Kap 20.7 na kasa, e ta kume juntu ku kontentamentu, di korson limpu, 47e ta ngaba Deus. Tudu jinti#Kap 4.21; 5.13; Luk 2.52; Rom 14.18 ta fika kontenti ku elis. Kada dia Siñor ta buriba#Kap 5.14; 9.35; 11.21,24 kilis ki na salba, pa si igreẑa kirsi.
Zvasarudzwa nguva ino
Atus 2: povB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 1993-2020, Instituto de Tradução e Alfabetização