লূক আজল্ কধাগান
আজল্ কধাগান
লূকোর্ লেখ্যে গম্ হবর্ নাঙে বোইবো পবিত্র নূয়ো সুদোমর্ এক্কো আজল্ বোই। এ বোইবো সমারে প্রচারত্ পাধেয়্যেগুনোর্ কধা নাঙে যে বোইবো আঘে সিবে পড়িলে প্রভু যীশুর জিংকানি আর খ্রীষ্টীয় মন্ডলীর আরাম্ভর বেক্ বিজগ কধানি হবর্ পায়। লূক তার গম্ হবর্ ভিদিরে এমন্ বিষয়ানি লেখ্যে যিয়েনি বেক্কুনে পড়দে গম্ পান। সিয়েনত্ খ্রীষ্টরে বেক্ জাদ্তুনোর উদ্ধোর্ গুরিয়্যে ইজেবে আজির্ গরা ওইয়্যে। খ্রীষ্টর্ মানবতা উগুরে জোর্ দিয়্যে ওইয়্যে আর পত্তি জন উগুরে তার্ মনযোগোর্ কধায়ো কুয়ো ওইয়্যে। ইয়েনি বাদেয়ো লূক তবনা গরানা, ভালেদি জানানা, বাঈনী গরানা আর হুজি অনা পৌইদ্যেনে আহ্ নাঢা আর ধন-সোম্বোত্তি পৌইদ্যেনে শিক্ষ্যেনি উগুরে জোর্ দিয়্যে।
মূলুক্ মূলুক্ কধানি:
(ক) আরাম্ভ (১:১-৪ পদ)
(খ) মান্জ্যপুয়োবোর্ এযানা (১:৫-২:৫২ পদ)
(গ) জনগন মুজুঙোত্ মান্জ্যপুয়োবো (৩:১-৪:১৩ পদ)
(ঘ) মান্জ্য পুয়োবোর কাম্ (৪:১৪-২১:৩৮ পদ)
(ঙ) মান্জ্যপুয়োবো দুঘোত্ ভুগোনা আর মরাণা (২২, ২৩ লামা)
(চ) মান্জ্যপুয়োবোর্ মরণত্তুন্ জেঈ উদোনা আর নিজোরে ফগদাং গরানা (২৪ লামা)
Zvasarudzwa nguva ino
লূক আজল্ কধাগান: CBT
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Copyright © 2021 Bangladesh Bible Society