मत्ती 16
16
ईस्बर नगरी की सेलाणी की माँग।
(मरकुस 8:11–13; लूका 12:54–56)
1 #
मत्त 12:38; लूक 11:16 फरिसी अर सदुकी ईसु कनै आया। क्युं क बे ईसुनै फसाबो चावा हा इ ताँई बे ईसुनै बोल्या, “थानै परमेसर भेज्यो ह इ बातनै साबित करबा ताँई म्हानै कोई ईस्बर नगरी की सेलाणी दिखाओ।” 2ईसु बाऊँ बोल्यो, “जद सूरज ढळज्यावै ह जणा थे अकासनै लाल देखर खेवो हो मोसम चोखो रेह्सी। 3अर दिन उगताई जद थे अकासनै काळो-पिळो देखो जणा बोलो हो आज तो बरसात आसी। थे अकासनै देखर मोसम को हाल तो बताद्यो हो पण आ दिना म परमेसर काँई करर्यो ह बिनै कोनी समज सको। 4#मत्त 12:39; लूक 11:29इ जुग की बुरी अर कुकरमी पिडी ईस्बर नगरी की सेलाणी माँगै ह। पण योना की बातानै छोडर कोईबी सेलाणी कोनी दिखाई ज्यासी।”
सदुकी अर फरिसीया को खमिर
(मरकुस 8:14–21)
5ईसु का चेला दरिआव क परलै नाकै चलेग्या पण बे आपकै सागै रोटी लेबो भूलगा। 6#लूक 12:1जणा ईसु बानै चेतार ओडायो, “थे फरिसी अर सदुकीया का खमिरऊँ बचर रेहज्यो।” 7पण बे आपसरी म सोचबा लाग्या क, “ईसु आ बात इ ताँई बोलै ह क्युं क आपा रोटी कोनी ल्याया।” 8ईसु बाकी इ बातनै भापगो अर बाऊँ बोल्यो, “थोड़ो बिस्वास राखबाळो थे आ क्युं सोचो हो क म्हें रोट्या लेबो भूलगा? 9#मत्त 14:17–21थारै हाल बी क्युंई पलै कोनी पड़ी के? थानै याद कोनी के, जद म पाच झार मिनखानै पाच रोट्याऊँ धपायो हो जणा बचेड़ी रोट्या का टुकड़ा का थे कत्ता चोल्या भर'र उठाया हा? 10#मत्त 15:34–38अर जद म च्यार झार मिनखानै सात रोट्याऊँ धपायो हो जणा बचेड़ी रोट्या का टुकड़ा का थे कत्ता चोल्या भर'र उठाया हा? 11थारै क्युंई पलै कोनी पड़ै, म थानै रोट्या ताँई कोनी पण थानै फरिसीया अर सदुकीया की बातानै नइ मानबा ताँई बोलुँ हूँ। क्युं क आकी बाता खमिर की जंय्यां काम करै ह।” 12जणा जार बाकै पलै पड़ी क ईसु बानै रोट्या ताँई कोनी खियो पण फरिसीया अर सदुकीया की गळत सीखऊँ बचबा ताँई ओडायो ह।
पतरस बोल्यो ईसुई मसी ह
(मरकुस 8:27–30; लूका 9:18–21)
13ईसु जद कैसरिया फलिपी नगरी म आयो जणा बो चेलानै बुजबा लाग्यो क, “लोग मेरा बारां म काँई खेवै ह क म कूण हूँ?” 14#मत्त 14:1,2; मर 6:14,15; लूक 9:7,8बे बोल्या, “कई तो थानै बतिस्मो देबाळो यहून्ना, कई एलिआ, कई यरमिआ अर कई परमेसर की खेबाळा मऊँ एक खेवै ह।” 15जणा ईसु बानै बोल्यो, “पण थे मनै काँई खेवो हो?” 16#यह 6:68,69समोन पतरस बोल्यो, “थे सऊँ सक्तिसाली अर जीवता परमेसर का बेटा मसी हो।” 17ईसु अंय्यां सुणर बिनै बोल्यो, “ओ समोन योना का बेटा तू भागहाळो ह क्युं क आ बात तू कोई मिनख की सुणर कोनी बोली पण तेर प ईस्बर नगरी म रेह्बाळो मेरो परम-पिता परगट करी ह। 18म तेरूँ आबी बोलुँ हूँ तू पतरस ह जिको मतबल ढाड होवै ह। तू निम की जंय्यां होसी जिपै म मेरी बिस्वासी मंडळी बणास्युं अर इपै पताळ को जोर कोनी चालसी। 19#मत्त 18:18; यह 20:23म तनै परमेसर का राज की ताळ्या दि ह, जिऊँ जोक्यु तू धरती प बंद करसी बिनै परमेसर ईस्बर नगरी म बंद कर देसी अर जोक्यु तू धरती प खोलसी बिनै परमेसर ईस्बर नगरी म बी खोल देसी।” 20आ बाता क पाछै ईसु आपका चेलानै चेतार ओडायो क थे कोईनैई मना खिज्यो क म मसी हूँ।
ईसु आपकी मोत क बारां म चेलानै बतायो
(मरकुस 8:31—9:1; लूका 9:22–27)
21बि टेमई ईसु चेलानै बताबा लाग्यो क, “मनै यरूसलेम जाणो पड़सी अर बठै परधान याजक, यहूदि नेता अर सास्तरानै सीखाबाळा मनै बोळो दुख देसी, अर मार गेरसी पण म तीसरा दिन ओज्यु जिंदो हो जास्युं।” 22आ बात सुणर पतरस बानै एकला म लेगो अर दकालर बोल्यो, “परबु थारै सागै अंय्यां कदैई नइ होवै।” 23ईसु पतरस कानि मुड़र बोल्यो, “सेतान! मेरै कनैऊँ चल्योजा, तू मनै अंय्यां करबाऊँ रोकबो चावै ह, क्युं क तू परमेसर की जंय्यां कोनी सोचै पण मिनखा की जंय्यां सोचै ह।”
24 #
मत्त 10:38; लूक 14:27 ईसु चेलानै खेबा लाग्यो, “जखो बी मेरै गेल होबो चावै ह बो खुदनै तज'र, आपकी सुळी उठार मेरै गेल होले। 25#मत्त 10:39; लूक 17:33; यह 12:25जखो बी खुदका पिराण बचाबो चावै ह बो बिनै खोसी अर जखो बी मेर ताँई खुदका पिराण तजसी, बो आपका पिराण बचासी। 26अर ज कोई मिनख आपका पिराणा की हानी उठार सगळा जगतनै जीत ले जणा बिनै काँई फाईदो? कोई चिज क बदला म मिनख खुदका पिराण दे सकै ह के? 27#मत्त 25:31; रोम 2:6जद मिनख को बेटो ईस्बर नगरी दुता क सागै परम-पिता की मेमा म आसी जणा बो मिनखानै बाका कामा गेल फळ देसी।” 28ईसु बाऊँ बोल्यो, “म थानै सची खेऊँ हूँ अठै खड़्या मिनखा मऊँ कई तो अंय्यां का हीं क बे जद ताँई मिनख का बेटानै बिका राज म आतो नइ देखलीं जद ताँई बे कोनी मरै।”
Zvasarudzwa nguva ino
मत्ती 16: एस डब्लु वी
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
(c) 2010-2017, New Life Computer Institute. All rights reserved