Maꞌsiu Ekamanin
Ekamanin
Sises Ekareei Ma'siu Nʉmenuka'pʉ esi wakʉ itekare, Sises esi ekamasa' rʉ'pʉ, pika'tɨnin pe, pʉse rɨ esi Papa uya tʉmunkɨ amʉ' auro'ka'pʉ Penaro' Ekonekan Nɨto' yau, iku'to' pe tʉuya tukai' isauro'sa' rʉ'pʉ a'ku'tɨnin pe. Serɨ wakʉ itekare esi, Esuwerʉ amʉ' rɨken iwano' pen nɨ, i'koro'tau Sises entu'pʉ, uko'mamʉ'pʉ na'ne' rʉ'san, e'tane tanporon kon iwano' rɨ.
Ma'siu uya kuru ikonekasa' mɨrɨ wakʉ pe. Iye'sara'tɨsa' Sises entu'pʉ pɨ', iyepa'taisima'pʉ, mɨrɨ awonsi'kɨ Makoi esi'pʉ i'tupɨtʉ pɨ', mɨrɨ awonsi'kɨ itekare ekama pɨ', ka'pon amʉ' enupa pɨ', mɨrɨ awonsi'kɨ ka'pon amʉ' epi'tɨ pɨ' iye'tʉrawasoma'pʉ Kiyarari po rɨ.
Mɨrɨ tʉpo, Sises utɨ'pʉ Kiyarari ponsi'kɨ Surusiran pona, mɨrɨ awonsi'kɨ iye'ku'sa' rʉ'pʉ ton, Sises uko'manto' u'matʉ winɨkʉi', kurusu' pona ipokapɨtʉ'pʉ mɨrɨ awonsi'kɨ iye'mʉ'sa'ka'pʉ pokon pe rɨ.
Serɨ wakʉ itekare uya Sises esi eke kuru rɨ Ti'sa pe ta, meruntɨ pe rɨ iyesi Papa Maimu enpoikanin pe, mɨrɨ awonsi'kɨ Papa e'to' esa' wannɨ pe pɨ' enupanin. Enupan nɨto' iya amʉrasa' mɨrɨ, 5 kaisaron ipɨ' usenupan nɨto' ton pe: (1) Wʉ' ponsi'kɨ inekama'pʉ itekare, e'nɨto' eseru, tʉku'sen, iku'to' ike, Papa e'to' esa' wannɨ pe ya' tʉutɨsan pata'se' (5–7 airɨ); (2) 12 kaisaron kon tʉpoitorʉ ton auro'ka'pʉ iya rʉ'pʉ to' ennoko tʉuya a'tai (10 airɨ); (3) Papa e'to' esa' wannɨ pe pantomʉ ton (13 airɨ); (4) Enupan nɨto' ɨ'rɨ ta e'kwa pe ipoitorʉ pe e'nɨ esi tawon (18 airɨ); (5) Enupan nɨto', pata weyu u'ma'to' pɨ', mɨrɨ awonsi'kɨ Papa e'to' esa' wannɨ pe weyu e'sepoto' pɨ' (24–25 airɨ).
Iyawon Ekamanin
Sises Kʉrai tamokori ton mɨrɨ awonsi'kɨ iyentu'pʉ (1:1–2:23)
Isaan Pa'tes e'tʉrawasoma'pʉ (3:1-12)
Sises epa'taisima'pʉ mɨrɨ awonsi'kɨ Makoi uya i'tupɨtʉ'pʉ (3:13–4:11)
Kiyarari po annau Sises e'tʉrawasoma'pʉ (4:12–18:35)
Kiyarari ponsi'kɨ Surusiran pona (19:1–20:34)
Iko'manto' u'matʉ Surusiran piyau mɨrɨ awonsi'kɨ iyau si (21:1–27:66)
Itepuru e'mʉ'sa'kasa' mɨrɨ awonsi'kɨ isenpoikapɨtʉ (28:1-20)
Zvasarudzwa nguva ino
Maꞌsiu Ekamanin: ake
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2010, Wycliffe Bible Translators, Inc. All rights reserved.