Yohani 15
15
Impensya ninsamba zyakwe
1Ine ne bkwi lya mampensya lya nalyoli. UwenʼuTata we muvwalamampensya. 2Zyontʼinsamba izya papane zye zitakuhomʼinsanga, zyʼakwefwa, izyene zyonti zye zikuhomʼinsanga, zyʼakupalulila ukuti zyonjezyaje ukuhomʼinsanga. 3Imwe mwe muzelufile vovulo, she muli nalyʼizwi lye mbavuzizye. 4Simuvale mumwane shima imwe, pe nane ndivanga mumwinyu imwe. Inza she zyopʼinsamba zyeka zitakuhomʼinsanga nazimo inga zitakusyelemetela mwikwi lya mampensya, she muhonzizye namwe inga mutakusyelemetela mumwanʼine. 5Ne bkwi lya mampensyʼine, mwe nsambʼimwe. Uno wengʼakuva mumwanʼine, uwene nkuva mumwakwe wuyo ine, wʼakuhoma insangʼinyinji, shenga mutakuvanga nane, pe zyonti zihvapota. 6Umuntu wengʼatakuva mumwanʼine, pʼakutajilwa kunzi fwe nsamba, akwuma. Zyʼavantu vakuzivunganiha, vakuzitaga mumwoto, zikupwa. 7Inga mukuva mumwanʼine, pe namazwi gane gakuva mumwinyu imwe, pe mulavaje zyonti zyenga mukasimʼukulava, pe zikuvalila. 8Mwe mumwo mumutimilʼuTata inga mukuhomʼinsangʼinyinji, havili muli va mwe vasundikwa vane. 9Nane imwe mbakunzite inza shʼuTata ankunzite. Simusyelemetele mushikunzi shane lelo. 10Inkomelezyo zyane inga mukuziviha mumoyo, pe mukusyelemetela mushikunzi shane, inza she nane nkuziviha mumwoyo inkomelezyo zya Tata nukusyelemetela mushikunzi shakwe wuyo. 11Zinizi mbavuzizye ukuti muhati zyinyu muvanje nuluseshelo lwe nkuseshela nane, pʼuluseshelo lwinyu ulu luyipelaje ukuva lwa vwila. 12Ulwenʼuluhomelezyo lwane lwe lunulu: Simukundane inza she nane mbakunzitʼimwe. 13Atalipo numʼumuntu uwa shikunzi she shilusizye isha muntu wʼakuvafwilʼuvulanzi vwakwe avajenzi vwakwe. 14Imwe pe mwe vajenzi vane inga mukuvomba zizyo zye mbahomelezizye ine. 15Shinishi pe ndesilʼukuvataha ilya vuzya, shʼumuzya atamanyile yʼakuvombʼumwene wakwe. Imwe nyene mbapiye ilya kuva mwe vajenzi vane, she zyontʼizi zye niṿuye kwa Tata zye mbavuzizyʼimwe. 16Mutatinji imwe mwe munseṿilʼine ndali, nene ne mbaseṿilʼimwe, havili mbatumile nene ntili muvale muhomʼinsanga, ukuti insanga zyinyu zivanje zya shima, pʼuTata avapanje zyonti zyenga mukulava mwizina lyane. 17Zyonti zinizi zye mbahomelezizye she nkuti mukundanaje.
Insi yonti nuMupepo wa nalyoli
18Inga mwazilʼinsi yivapasite, pe mumanyʼukuti yitalisile ukumpatʼine, lwʼishili nukuvapatʼimwe. 19Mupele mwe va munsʼumu, pe nkandi insi yiṿikunzite iṿwakwe, shinishi lelo she mute mwe va munsʼumu, she mbasavuye munsʼine, zyʼivapasitʼinsi. 20Mukumbuhajʼizwi lila lye mbavuzizye lula ntili: Umunyamata atalusizyʼuvupiti umwene wakwe. Inga vamṿwi-milʼine, pe namwe valivaṿwima. Ingʼilyanʼizwi valisajiye, pe lyope nilyinyu valilisajila. 21Izyene zyonti zinizi valivavombela she muli nizina lyanʼine, she vatamumanyilʼuno wʼantumilʼine. 22Mpele ntinzilʼukuvavuzya pe nkandʼamalandu nagamʼavene, shinishi nyene pʼizya kuyinonelezya nazimʼavene pamalandu gavo. 23Uno wengʼampasitʼine, wʼamupasite nawe Tata. 24Impele ntavomṿilʼimbombo zye numʼatavomṿile nalumo, pe nkandʼamalandu nagamʼavene, shinishi nyene pe vahatwenya vahatupata swe vavili nuTata nane. 25Mwe mumwo lilunjisilʼizwi lye lisimṿilwe munkomelezyo zyavo lye likuti: Vampasite mwenzo. 26Nkandi lwʼayinzilʼuMwimizi, we nkuvatumila lwe mbazilʼukufiha kwa Tata, we Mupepo wa nalyoli, umufuma kwa Tata, wuyo nyene alinkomeshezyʼine. 27Namwe vovulo mulinkomeshezyʼine, she mutalisile pala pe nanzite, shima twali swenti nane.
Zvasarudzwa nguva ino
Yohani 15: NYi1965
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
Nyiha New Testament © British and Foreign Bible Society, 1965.