Kejadian 36
36
Esau eiyagai wiyalegesa wene
1At Esau onuk mesik Edom atma re, at ano pam en wiyalak ononuk yuat o. 2#Kej. 26:34At Esau en hwami Kanaan a’ge wogenenebegei ano re, mesik e, ap Het a’ge Elon agalogo onuk Ada wasulat, mesik e, ap Hewi a’ge Zibeon omlogo Ana agalogo hwe onuk Oholibama wasulat, 3#Kej. 28:9ye, ap Ismael agalogo Basmat Nebayot ot. 4Asogo wogenebegeimu, at hwe Ada en Esau ebalemaa emalik Elifas at deregei. Hwe Basmat en e, Rehuel deriselat, 5ye, at hwe Oholibama emalik Yeush ogo re Yaelam ogo, Korah ogo dagenebegei. At Esau eiyagai yema re, o Kanaan welat, dagenebegei.
6-7Esau Yakub e’birek ena’ge di a’ge yu a’ge emin, onuam emin, modo a’bigat agama re, o ebano weimu oluk e, e’gela no’gulom a’ge miayat agoam e, at Esau ano ugwami emaik logomalik hwelani emin, at emin welagai a’ge emin, at uam kambing domba emin, uam keledai unta emin, a’ge di a’ge yu a’ge o Kanaan welat odokhwerlasu laga a’ge emin, ’berlegat hwerlesirik, Yakub o ebano oruakhwe, at Esau en o momu eba walekmayat laga. 8Asogo lagarik, at Esau onuk mesik e, Edom atma re, o dom pam onuk Seir ebayat o ’balhwerlesi.
9Aphwami o Edom a’ge enaik Esau dom pam o Seir welat, at ebam en wiyalak a’ge ononuk yu o: 10At Esau eiyagai ononuk ai, hwe Ada omlogo onuk Elifas, ye, hwe Basmat omlogo onuk Rehuel dagenebegei. 11At Elifas ano eiyagai ononuk Teman, Omar, Zefo, Gaetam, Kenas dagenebegei. 12Ye, Esau omlogo Elifas hwe eragam a’ge wesi ano onuk Timna en Elifas ebalema omlogo onuk Amalek deregei. Esau e’balak hwe Ada omlogo Elefgas en dagenebegei ano aiat o. 13At Rehuel eiyagai ononuk e, Nahat, Zerah, Syama, Miza dagenebegei. At Esau e’balak hwe Basmat agalogo Rehuel en dagenebegei ano re, aiat o.
14Ye, esau ugwe ap Zibeon eba Ana agalogo onuk Oholibama ano en at Esau eiyagai dagenebegei a’ge ononuk e, Yeus, Yaelam, Korah anoat o.
15At Esau pam en wiyalak welagai a’ge ’gain ononuk oruak a’ge yu o:
At Esau omlogo naduk dogo a’ge, Elifas pam en e, o Edom wiyalegesa onuelak ’gain ononuk ai, Teman, Omar, Zefo, Kenas, 16Korah, Gaetam, Amalek at o. Is yu ano re, hwe Ada e’balak at o.
17Ye, at Esau omlogo Rehuel pam en e Edom wiyalak onuelak ’gaindek ononuk oruak a’ge ai: Nahat, Zerah, Syama, Miza ano at o. Is ap yu ’berlegat hwe Basmat e’balak at o.
18Ye, ap Ana agalogo Esau ugwe Oholibama ano pam en wiyalak onuelak ’gaindek ononuk ai: Yeus, Yaelam, Korah, enebe eriayat wiyalegesa. 19At Esau onuk mesik Edom ano ematek enat, eiyagai dagenebegei a’ge emin, ye, at pam en wiyalak onuelak ’gaindek emin, ononuk e, ai at o.
Seir eiyagai wiyalegesa wene
20-21Ap Hori a’ge onuk Seir eiyagai wiyal egesarik, o Edom welat, aphwami onuelak ’gaindek e, Lotan, Syobal, Zibeon, Ana, Disyan, Ezer, Disyan eriayat o.
22Ap Lotan eiyagai ai re, Hori Heman e’biregat o. Ye, Lotan ot hwele onuk e, Timna at o.
23Ap Syobal eiyagai en re, Alwan, Manahat, Ebal, Syefo, Onam dagenebegei.
24Ap Zibeon eiyagai ai re, Aya Ana e’biregat o. At ai Zibeon wam keledai wogonoboluk o leimu eba lagarik en agalat ik aganhan a’ge era tegei ano re, at Ana at o.
25-26Ye, at Ana eiyagai ai, Disyon emin, hwe Oholibama emin, dagenebegei. Ye, at Disyon eiyagai ai, Hemdan, Esyban, Yitran, Keran dagenebegei.
27Ye, at ap Ezer eiyagai ai, Bilhan, Zaawan, Akan at o.
28Disyan eiyagai ai, Us Aran e’biregat o.
29-30Is aphwami Hori a’ge onuelak ’gaindek ena’gulonuk lo’bok o Seir wiyalegesa ai, Lotan, Syobal, Zibeon, Ana, Disyon, Ezer, Disyan anoat o.
Ap ononuk oruak a’ge en o Edom welegesa wene
31is ap Israel a’ge ononuk oruak a’ge owan inom erlakhwe, ap ononuk oruak a’ge o Edom ’gwelakharok welegesa a’ge ononuk ano yu at o.
32At Beor omlogo Bela owi Dinhaba welat, o Edom ’gwelakharok welagarik 33Waragokhwe ebalema Zerah omlogo Yobab owi bogra a’ge onuk logo a’ge welemagoluk edikpegesa.
34At Yobab waragokhwe ebalema Husyam owi Teman a’ge onuk logo a’ge edikpegesa.
35Edikpegesema welagarik waragokhwe, ebalema ap Bedad omlogo Hadad owi onuk Awit a’ge edikpegesa. Edikpegesema, o Moab eba ap Midian a’ge sebelogo pesi anoat o.
36Edom eiye welagarik waragokhwe, ebalema Samla owi Masreka a’ge edikpegesa.
37Edikpegesema welagarik, waragokhwe ebalema Saul owi Rehobot ik esa’goma welaga a’ge edikpegesa.
38Edikpegesema welagarik, waragokhwe, ebalema Akhbor omlogo Baal-Hanan edikpegesa
39Edikpegesema welagarik waragokhwe, hadar owi onuk Pahu a’ge edikpegesa. Ugwe ai at onuk Mehetabeel hwe Matred agalogo atma re, eba Mezahab.
40-43At Esau pam weiyal egesarik onuelak ’gaindek en onowi onuk tuelak ’gela’ge ena’gul onuk tualhwerlegesa ano ononuk hun-hun yu o: Timna, Alwa, Yetet, Oholibama, Ela, Pinon, Kenas, Teman, Mibzar, Magdiel, Iram o. Is ap yu re, aphwami o Edom onuelak ’gaindek onowi oruak onuk tuelak hegit-hegit welegesa anoat o. Is ap yu re, aphwami Edom a’geatma re, enaik Esau at o.
Zvasarudzwa nguva ino
Kejadian 36: Wul
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda