KEJADIAN 7
7
Faa tuak-ka
1Boema Manetualain nafa'da Noh nae, “Au ita ka'da o mesa-mesam-ma nde, tao tunga Au hihii-nanaung. Da'di, masok leo ofak ndia dalek sama-sama moo basa o teidale-bobongim-mala lala'en-na. 2-3Boeo ho'i meni manupui mata-matak-kala ma bana fe'e-fe'ek, fo bole na'a paan-na, pasang beke hitu, tehu bana mata-matak fo ta bole na'a paan-na, ka'da pasang beke esa. Tao tunga dede'ak ndia, fo ela neme bana mata-matak fo lala faa tuak-ka deak, bisa lamade'u seluk nai daebafak-ka. 4Bei faik hitu seluk bai soona, neukose Au fe u'dan-na mai, fo neukose, ana ta hahae nai lele'dok haahulu, ma le'odaek haahulu dalen-na fa, fo ela mopo-mate mahahae maso'dak, fo Au akadada'di basak sila-la.” 5Boema Noh tao tunga basa hata lala'en fo, Manetualain paleta neun.
6Lelek, faa tuak-ka ana da'di nai daebafak-ka ndia te Noh teun natun nee. 7#Mat. 24:38-39; Luk. 17:27Noh no saoinan-na, ma anan-nala loo saoinan-nala masok leo ofak ndia dalek leu, fo lala faa tuak-ka deak. 8Neme manupui mata-matak ma bana fe'e-fe'ek fo bole na'a paan-na, ma ta bole na'a paan-na, pasang beke esa, 9masok leo ofak ndia dalek, sama-sama loo Noh, nandaa no Manetualain paletan-na. 10Basa faik hitu boema, faa tuak-ka mai, de ana sa'e-na daebafak-ka.
11 #
2Ptr. 3:6
Nai lelek Noh teun natun nee, fo nai hataholi Yahudi-la bula ka dua-na, fain sanahulu hitu boema, ka'di basa oemata manai daebafak-ka buin-na lala'en-na. Basa lelesu oe manai lalai lala'en-na, latahuka, 12de u'dan-na mai lele'dok haahulu, ma le'odaek haahulu. 13Nai faik ndia boe, Noh no saoinan-na masok leo ofak ndia dalek, sama-sama loo ana ka telun-nala, fo nde Sem, Ham ma Yafet loo saoinan-nala. 14Ala masok sama-sama loo manupui mata-matak-kala, ma bana fe'e-fe'ek-kala, nau kamaus do fuik boe, nau matua do ana boe. 15Neme basa manupui mata-matak, ma bana fe'e-fe'ek-kala, pasang beke esa, masok sama-sama loo Noh, 16nandaa no Manetualain paleta neun. Lelek basa-basas masok lala dalek boema, Manetualain kena ofak-ka lelesun-na neu.
17Faa tuak ndia, ana kae nakandoo nai faik haahulu dalen-na, de oe-a deman-na seli, nalosa ofak ndia hapu bonu. 18Oe boetai namademak-ka, de ofak ndia bonu-bonu nai oe poin-na. 19Oe ndia, namadema nakandoo, nalosa mopo lete mademaina-la. 20Oe kae nakandoo, de dedeman-na losa metel hitu nai letek-kala poin-na. 21-23Manetualain tao namopo-namate basa mahahae maso'dak lala'en, fo laso'da nai daebafak ia, fo nde: Hataholi daebafak-ka, manupui, ma bana manai ma'dak lain-na, nau ana do matua boe. Fo manamopo-mate tak, ka'da Noh ma basa hata fo sama-sama loon nai oak ndia dalek. 24Oe ndia nahele losa faik atunesa limahulu.
Zvasarudzwa nguva ino
KEJADIAN 7: twu
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda