Tsumo 9:13-18

Rema romukadzi mukadzi anotaurisa, mukadzi asingazvibati asinganyari. Anongoti go kugara pamusuo wemba yake, anondogara panzvimbo dzakatunhumara dzomuguta, achidaidzira kuna vanopfuura nenzira vanenge vakanangana zvavo nerwendo rwavo achiti, “Kana uri munhuwo zvako tsaukira napano” kumunhu asina mano anoti, “Inga wani mvura yokuba inotapira uye chingwa chokudya muchivande chinonaka.” Murume anenge asingazivi kuti ipapa pana vakafa uye kuti vaenzi vomukadzi uyu vari pasi pasi penzvimbo yavafi.