Luka 4
4
Yesu kaḍemegwa ni Shaat̯ani
Matayo 4:1-11; Marko 1:12-13
1Yesu epfokwisa kut̯opyegwa kagala kuyawa tsana ya Yorod̯ani akiwa kadzaa Ruhu. Kayongojwa ni Ruhu Mudheru 2hat̯a yuwandani endeyeko akikaa kwa nsiku miyongo mine, akiḍemegwa ni Shaat̯ani. Kwa hizo hizo nsiku zonse, Yesu nkakuḍya kiḍechonse. Ndookomu hizo nsiku zipfosia kagijwa ni nzaa. 3Shaat̯ani kamwamba, “Ikiwa kwamba wewe u mwana jwa Muungu ḍugha, ḍiamuru hiḍi iwe hiḍi ḍiwe mukahe.” 4Ela Yesu kamwambukuya kamwamba, “Vyoregwa matsoroni kwamba, ‘Mwanaad̯amu nkanaishi kwa chakuḍya#4:4 Haya matsoro ya Kiyunani yanakwamba: mwanaad̯amu nkanaishi kwa mukahe t̯u. t̯u.’ ” 5Makisa Shaat̯ani kamuhwaa Yesu kenda kamuyanga nsi zonse za lumwengu dza kupfesa. 6-7Kisa kamwamba Yesu, “Ukinivunzia nkuhi mimi, nakupfa mawezo na uhaju wa nsi zonse hizi na maremboye. Koro nizipfegwa mimi na nina mawezo ya kuzimumpa yuḍejwonse nitsakiyee.” 8Ela Yesu kamwambukuya kamwamba, “Vyoregwa matsoroni kwamba, ‘Umuhile Ḅwana Muungujo na umuhumikie jeje heket̯u!’ ” 9Makisa Shaat̯ani kamupfiika Yesu hat̯a Yerusalemi, na kamusumamisa hapfaḍe pfantu pfepfo dzuu pfa mwiso pfe *Hekalu. Kisa kamwamba, “Ikiwa kwamba wewe u Mwana jwa Muungu ḍugha, dzyanguse nsi kuyawa hapfa dzuu. 10Koro vyoregwa kwamba, ‘Muungu anawaamuru malaikawe wakwamiye, 11na wakutsukuye dzuu dzuu, utsekudzakolasika na iwe hat̯a modza.’ ” 12Yesu kamwambukuya kamwamba, “Haya matsoro yamba,
‘Nkudzomuḍeme Ḅwana Muungujo!’ ” 13Ndookomu Shaat̯ani epfokwisa kumuḍema Yesu kwa kula njia, kamuyatsa nguzi.
Yesu kaḍabva kusumwiiya Galilaya
Matayo 4:12-17; Marko 1:14-15
14Makisa Yesu kagala ḍyimbo ḍya Galilaya akiwa na nguvu za Ruhu Mudheru. Maagu dzuu yakwe yad̯achaa nsi yonse ya Galilaya. 15Kayongweeza masunagogini, na wonse wamushad̯a kwa mayongweezoye.
Yesu kadzizigwa mudzini kwao
Matayo 13:53-58; Marko 6:1-6
16Makisa Yesu kenda Nazareti, mudzi ayeejweo. Nsiku ya *Sabato kanjia *sunagogini dza abarat̯iyevyo. Epfokuwa humuḍe kuzimu, kasumama asome haya matsoro madheru. 17D̯ubva kapfegwa chuo cha *nabii Isaya. Kachipfenuya pfantu pforejwepfo pfakyamba,
18“Ruhu jwa Ḅwana ka dzuu yangu,
ndookomu kanitsana niwasumwiiye makowesa *Maagu Mema.
Kanihuma niwalalabviye wafungwa kufungujwa kwao,
na kuona kawii kwa ntumbu matso,
na kuwahendeza weokuonejwani watseonejwa kawii.
19Muungu kanihuma kuulalabva mwaka wa Ḅwana
wa kuwapfonya wantuwe.”
20Yesu epfokwisa kusoma kachimugalichiza hichi chuo huyuḍe muhumisi, makisa kakaa chihako. Wantu wonse weokuwa humuḍe sunagogini wamud̯eḍea gu! 21D̯ubva Yesu kaḍabva kuwambia hawa wantu, akyamba, “Hivi vya haya matsoro yaneneyevyo, yeo visakut̯imiya.” 22Ndookomu wantu wonse weokuwapfo watsakizwa nae na wamaka muno kwa vyuuwo vyema awambiiyevyo. Makisa wantu wangine wamba, “Ae huyu huyu si mwana jwa Yusufu!” 23Yesu kawamba, “Hachi mudzanyambia inganyo hiḍi, ‘Muriit̯a, dziriit̯e mwenye.’ Koro mudzanyambia nihende mambo hapfa mudzini dza hayaḍe musikiiyeo kwamba nihenda Kaperinaumi. 24Koro hachi nyakumwambiani, nabii nkapfegwe hila mudzini kwao. 25Na nyakumwambiani, ni ḍugha kwamba kwiwa wake wachiwa wenji wa Kiyahud̯i ngera za Eliya, kwipfokuwa ntaku mvuya kwa myaka mihahu na myezi mihandahu, na kwipfokuwa na nzaa nkuu nsi yonse ya Isiraeli. 26Ela Muungu nkakumuhuma Eliya kwa yuḍejwonse kahi yao, kenge kamuhuma kwa muke muchiwa aishiye Sareputa, mudzi wa Sidoni. 27Hat̯a masiku ya nabii Elisha, kwiwa Waisiraeli wenji weokuwa na kwanga. Ela ntakukuwa hat̯a mumodza jwao adheresejwe, ishinu kudhereswa muntu jwa Siria ahanijwe Namani.” 28Vyuuwo hivi viwarejesa wantu wonse weokuwapfo sunagogini. 29Ndookomu wanuka, wamuyavya Yesu nze ya mudzi na wenda nae hat̯a dzuu ya murima wiwombakigwa hu mudzi wao wakitsaka kumwangukia nsi ya murima. 30Ela Yesu kachia na humu kit̯aroni, kagonzowa.
Nguvu na mamulaka ya Yesu
Marko 1:21-28
31Makisa Yesu kenda Kaperinaumi, mudzi wiwo ḍyimbo ḍya Galilaya. Na kula nsiku ya Sabato ekyenda sunagogini na kuwayongweeza wantu. 32Na wonse weowakimusikiiya wamaka muno kwa namuna ayongweezeyevyo. Koro jeje kayongweeza na mamulaka. 33Na humuḍe sunagogini, kwiwa muntu eyekuwa na mpepfo nzuka. Hiḍe mpepfo nzuka imuhendeza kaḅaa idzwi kuu kamba, 34“Unaswini, e Yesu jwa Nazareti? Munamba kumakudzia kuhunanga? Nikumanya tswee kwamba u ga! Wewe u Mutsanwa jwa Muungu.” 35Ela Yesu kaibusa hiḍe mpepfo nzuka kayamba, “Nyamaa na umuyawe muntu huyu!” Ndookomu hi mpepfo nzuka imugisa huyu muntu usoni ya wantu, makisa imuyawa. Ela ntaikumukukamisa. 36Wantu wonse wamaka hat̯a waḍabva kuuzana wao na wao wakyamba, “Haya haya nayo ni mambo ga? Munamba huyu huyu muntu ana mamulaka na nguvu ziizodze, za kwamba akiamuru t̯u mpepfo nzuka zimuyawe muntu nazo zinamuyawa ḍugha?” 37Ndookomu maagu dzuu ya mahendo ya Yesu yad̯achaa ḍanda zonse za Galilaya.
Yesu kapfonya wajwazi wenji
Matayo 8:14-17; Marko 1:29-34
38Yesu epfoyawa na humu sunagogini, kenda hat̯a nyumbani mwa Simioni. Kamut̯onga mukwanguwe muke Simioni ana kanat̯a nkali, ndookomu waḅamuzwe wamuyomba Yesu amupfonye. 39Yesu kamwinamia hapfa t̯at̯ani na kaiamuru hi kanat̯a imuyatse. Hi kanat̯a imuyatsa, na iyo saa kanuka kaḍabva kuwawekea chakuḍya. 40Dzuwa ḍikwakutswani,#4:40 Sabato inaḍabva nsiku ya tsano ya ḍyuma dzuwa ḍikwakutswani, na inasiya nsiku ya pfii yakwe dzuwa ḍikwakutswani. Hangu hapfo ndipfo pfa wantu wepfowakipata namfasi ya kuwapfiika wajwazi kwa Yesu, kazi wasiyoweza kuihenda nsiku ya Sabato. wantu wonse weokuwa na wajwazi wa nd̯wari garagara wawamuyehea Yesu. Nae kawawekea mikono kawapfoza wonse. 41Kayavya wantu mpepfo nzuka nyinji. Hizi mpepfo nzuka zipfozikiwayawa wantu zikiḅaa madzwi zikyamba, “Wewe u Mwana jwa Muungu!” Ela Yesu kazibusa na nkakuziruhusu zinene chuuwo kiḍechonse, koro ziwa zimanya kwamba jeje ndiye huyu *Kirist̯o.
Yesu kenda na kusumwiiya midzi ingine
Marko 1:35-39
42Magura mapfema chamukoche, Yesu kenda pfantu chit̯u. Wantu wenji wa humuḍe mudzini wenda na kumulacha kula pfantu. Ndookomu wepfomuona, wamuyomba akae nao. 43Ela Yesu kawambukuya kawamba, “Ni had̯i nikasumwiiye na midzi ingine haya *Maagu Mema ya Uhaju wa Muungu, koro ndivyo nihumijwevyo kudzahenda.” 44Ndookomu Yesu kenda nsi yonse ya Yud̯aya akisumwiiya masunagogini.
Zvasarudzwa nguva ino
Luka 4: pkb
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2004, Bible Translation and Literacy