Sawmus 6
6
Ku aysaw nah tihene, Uhokri timap
1Kiyavwiye Uhokri, uya amnihun. Ka ba himahun kihawnama akak mbeyne! Ka ba hiyapkis mbeyne nutuh avatra nutaraksan abetnewa pidagoni!
2Amnihnan, Kiyavwiye, mmanawa nah yuma nudatni akiw. Piyihnan, mmanawa katiwka muwaptihpen pahavwite.
3Kiyavwiye, nah kayah mpiynevevye. Aysawhki inin mpiyanek nuwhu?
4Ba ayta wiwhun abetitak inin mbeyne. Amnihnan, mmanawa pis ka pamnihrasima.
5Ku nah miyap, pariyeki kiyekisne piw gitkis hiyeg? Ku nah miyarevye, nah ka ik adahan kabayhap akiw arikutak imewti.
6Nah kuwis mabipiye tih. Hewke tiyegem nah tihene. Nuwetri sabapitnenekwa awaku nukantak, hawata nukantak anugha nutiwevwi.
7Nukanu keh nuwtyak ka aynsima wagewge. In keh nah kabahte ka hiyap akiw. Awaku nuvetunyavu mpiynevevye kiyimwihpen.
8 Ka sam. Higihwanay nuwntak, yis ku pariye he kehnenenwa mbeyne! Mmanawa ku aysaw nah tihene, ig Kiyavwiye Uhokri Dehetniye timapnan.
9Kibeyne ig kuwis timap namnihswan. Ig ameve nuviryepkawni.
10Madikte nuvetunyavu marekepkanek. Igkis avisasewnek. Igkis bisikbetnek pahaye adahan akak madikte gimarankis.
Zvasarudzwa nguva ino
Sawmus 6: pluPB
Sarudza vhesi
Pakurirana nevamwe
Sarudza zvinyorwa izvi
Unoda kuti zviratidziro zvako zvichengetedzwe pamidziyo yako yose? Nyoresa kana kuti pinda
© 2018, Wycliffe Bible Translators, Inc. All rights reserved.