Jeremia 33:14-22

Tarirai, mazuʋa anoʋuya — ndiɀo ɀinotaura Jehova — andicaita shoko iro rakanaka randakataura pamsoro peimba yaIsraeri napamsoro peimba yaJuda. Namazuʋa iwayo, neŋguʋa iyo, ndicamedzera Davidi ɗaʋi rokururama; iye ucaruramisira ʋanhu nokuita ɀakarurama panyika. Namazuʋa iwayo Juda ʋacaponeswa, Jerusarema ricagara rakaceŋgetwa; zita raricatumidzwa ndireri: Jehova ndiye kururama kweɗu. Nokuti ɀanzi naJehova: Davidi haaŋgatoŋgoshaiwi munhu unogara pacigaro coʋushe ceimba yaIsraeri; naʋaprista ʋaRevi haʋaŋgashaiwi munhu pamberi paŋgu uŋgapisa ɀipiriso ɀinopiswa nokupisa ɀipiriso ɀoʋupfu, nokugara aciɓayira. Ɀino shoko raJehova rakaȿika kunaJeremia, riciti: Ɀanzi naJehova: Kana muŋgagona kuputsa suŋgano yaŋgu yamasikati nesuŋgano yaŋgu yoʋusiku, kukarega kuʋa namasikati noʋusiku neŋguʋa yaɀo; ipapo suŋgano yaŋgu naDavidi muranda waŋgu iŋgaputswa ʋo, akasaʋa nomŋanakomana uŋgaɓata ʋushe pacigaro cake coʋushe; saiɀoɀo ʋo naʋaRevi, ʋaprista, ʋashumiri ʋaŋgu. Hondo yokuɗeŋga seɀaisiŋgabviri kuʋereŋgwa, kana jeca reguŋgwa kuyerwa, saiɀoɀo ndicawanza ʋana ʋaDavidi muranda waŋgu, naʋaRevi ʋanondishumira.