RIPHUTNA 6:1-4

Rinêngah miriam an hong pung tâk a, nai nupanghei an hong nei a. Pathian naipahei khan miriam nainuhei khah mêl iṭha okin an mu a; khanchu, an îdit dithei khah nupuiin an hong nei tâk a. Khanungchu, PUMAPA khan, “Ker thla hih miriamah hin kumkhuan in-om mai khâi no ning e, anni khah â fam thei an nit; atûna rithokin chu kum rizalei sôminika ban ring khâi no nih,” a ti a. Kha lâiah khan neh kha nung tiang khomah khan Pathian naihei neh miriam nainuhei richi rinêngah hin Nefilhei an la om a. Kha mihei khah tianlâia mi rât, mi riming inthanghei khah an nit.