Mavhesi emuBhaibheri Ane Mukurumbira kubva kuna Zohane' 12

Pakurirana nevamwe

Ve ma ingine neni' gono'nelo' gelekele' ilisa ilizave nene neni' mo ne'metaakovo' ilizado' o neive. Ne'mine igi mini ingine nene naza zaala zaala minelohe inginesi nene makakovo' minilisave. Ve ma ingine neni' gono'nelo' gelekele' ilizave muki' nene neni' me'neho'mo do naba o-ngedeleseive.

Ido' ve ma ingine minevo' alevote hulalone li ingine di a'manapa igi minaa' nave nete nene a'mine minevo' alevo'ine nene di goloso igi di hulaa' naha ve ma ingine minevo' alevo'ine di a'manapa amaa' ave nete nene hulami ha di mini minivi' minivi' igi minilisave.

Ne'mine lo eito' lo molo ti' lo line': Naza lamineto' gehepeve ti' lo nolo-lingimuve: Viti zuho gihile hamo' ma misubou' lemo helamiline' nene gihile izamo hazavo' mineleseive. Ne'mine oloseine'za misubou' lemo helelidoti' nene gihile've vai' izeleseive.

Naza me misubou' uvoni' nene labana' ne'minosa uvoni' nene ve ma ingine nenikumu' gili ele'vole' iga' nave muki' nene liti'muso monovou' mini mili minikelizave losa uvoni' ma neive.

Ido' ve ma ingine neni' laa' nouvoni' gamazi gilisa gili dami minaa' nave nene na'nise'ne lihime ngemesa'muve. Ee, naza me misubou' uvoni' nene evene' ize' molo-ngedo lihime ngemelesa amo do ngu' izelesa uvoni' nenako nemu' nene na'nise'ne lihime ngemesa'muve.

Ne'mini nizavo Malia' nene oko'nido' hilaa' ani' uveli meni've dize minine' uveli nalida guvisedunu' gehepeve lili' ani' uveli nene botolo' naba gidini ma do ogo Izesu' gizenelo' leko holo-dosa godolo zopovodunu' nene gilite-dine' ve. Ne'mine neivo a'mine uveli'mi unuvo lamine' nene numungu' bizo minine' ve.

zavile davile ledi di vi numuno ebekuti' gesi heta limi igi akalo' naada nene vi votene' igi gamazi nabauti' ti' li lani' ve: Geikumu' gopo'ni nolunize. Guvetesi ve O'moso'mi velemu' anive Isilaele' aleve leli' Guvetesi ve naba gei' nene O'moso'mo no'noho' ize-gidivoo.

Li-imikesivo a'mido' Izesu' ti' lo lo-ngimine': O'mosolati' ve gihile neni' nene di hozi li-nidikevo Guve'nesi ve mineloni' gamene nene mo avito' ogave.