Mavhesi emuBhaibheri Ane Mukurumbira kubva kuna MATYOO 5

Pakurirana nevamwe

Ɓaà ki ròòsi ɓi lamɓà lɛ ɓɛɛ kuɓsi nyi a kìbɔkɔ̀ zi, wɔ̀lɛ ɓɛɛ̀ rɔ̀ɔ̀sag lamɓà lɛ ɓɛɛ saghi nyi ɓi kìrɛsì ki lamɓà aɗyoo, fɔɔnnɛ à kpeŋzì ɓum ɓɛ̀cèm ɓɛ ɓɛ ri ɓi naa. Fɔlɔɔ nnɛ Kìtɛɛtɛn kin ki ghɛɛ̀sɛɛ kì lòmi ɓi nyìinyìm à ɓum ɓi lèg ànɛ lɛ, i ɓɛ ghɛɛ ɓìɓan ɓi syeesyee, ɓi ɓi kìkì ɓɛ kemzì Tààta wìn anɛ à rì ɓi ɗyoo ɓi ɗùm.

Mìni yɛɛ ri kìtɛɛtɛn kì ɓi ziinɛ. Bàn ìnɛ ì rì ǹtoŋɛn ɓi dòn aɗyoo ì yin lɛ, ì nyamzɛ̀n.

Mààgh rì ɓumɓɛ ɓɛ ri mɛ̀rem mɛ̀tɛnɛn, lɛ ɓɛ ri ghɛn Bɛ̀ll.

Mààgh rì ɓumɓɛ ɓɛ ri rì coo zày lɛ, di saaɗ áa ɓaa, lɛ ɓɛ ɓiì wurii.

Kìɓan kìfog mɛ̀ ǹkalii mìni lɛ, keesiina ɓɛ̀bènàbena ɓin, ɓì màŋ ɓumɓɛ ɓɛɛ̀ cɛ̀ncɛm mini, ɓɛ̀roɓɛ ɓɛɛ̀ ɓèeɓeèzɛ̀n mìni, ɓì kì ɓɔ kìrɔɔ, ɓì ki ɓɔ̀ŋzag Bɛ̀ll ɓisuu ɓumɓɛ ɓɛɛ̀ yeeyeèsì mìni, ɓɛ tɔtɔ̀ɓ mìni

Mààgh rì ɓumɓɛ ɓɛ yii lɛ ɓɛ ri nyìighnyìg, ɓi mɛ̀ghay maa ɓisuulɛ kìlɔ̀ŋ ki aɗyoo ki ri ɓisu wàà.

Mààgh rì ɓumɓɛ ɓɛɛ̀ kìki lɛ, fyòoog a ɓa ɓi nyìinyìm à ɓum, lɛ ɓɛ ri reŋi ɓɔ lɛ ɓɔn ɓɛ Bɛ̀ll.

Mààgh rì ɓumɓɛ ɓɛ ri rì misì ɓi mɛ̀tam, lɛ Bɛ̀ll à ri fɔɔsi ɓɔ mɛ̀rem.

Mààgh rì ɓɛ̀roɓɛ ɓɛɛ̀ tuutulɛ̀n rì mɛ̀tɔɓ ɓisuu saaɗ, à rìren ɗi ɓiɓan, ɓisuulɛ kìlɔ̀ŋ ki aɗyoo ki ri ɓìsu wàà.

Mààgh rì ɓumɓɛ ɓɛ ti ɓɛ wokì ɓɛ̀ro ɓɛmbog nyìighnyìg, ɓisuulɛ Bɛ̀ll à ri wog ɓɔ nyìighnyìg.

Yiina lɛ, ɓì rì rì ɓɛ̀mààgh di ɓum ɓɛɛ̀ sɛɛsɛmgì mìni, ɓɛ tɔtɔ̀ɓ mìni, ɓɛ ki renɗen mini ɓìɓan ɓi nyoo zàɓ yi aɗyoo yìcèm ɓìsu wɛ̀m. Nyàànyaana, ɓì ki sànsam ɓisuulɛ mɛ̀lèɓ min mɛ aɗyoo mɛ teghɛɛ lɛɛ̀gwey. Fɔlɔɔ nnɛ ɓɛ kighà ɓɛ̀kpaŋzì-ɓìɓan ɓɛ ɓɛ lokà kì yùu rì mìni.

Mààgh rì ɓumɓɛ ɓɛ ri mɛ̀rem lɛ fyòoog, lɛ zi ì ri wooghrɛn ri ɓɔ.

Mìni yɛɛ rì kìkòn ki ɓi ziinɛ, nni i kìkòn ki mɛ rɔ̀ɓ kɛ̀ kɛɛ̀ yɛ̀ɛ̀ti, cɛ kɛɛ̀ki ɓɛ ɓiì kìi lɛ kɛɛ yɛɛ̀ti? Ki rɔɓi lɔŋ lɛ, ɓɛɛ sòɓ kɔ ɓidan, ɓum ɓɛɛ nyɔɔ̀ kɔ rì mɛ̀kòò.

Ɓaana min ɓɛsyeesyee ɓɛ ɓum lɛ kɔɔ̀kɔɔ̀ lɔŋ yɛ̀ɛ Tààta wìn anɛ à rì aɗyoo nyii ri.

Ki ghɛɛ̀sɛɛ lɛ, i ɓì kpaa lɛ, ɛ̀ɛ̀ ki ɓa lɛ ɛ̀ɛ̀, i ɓì kpaa lɛ àg, ki ɓa loŋ lɛ àg, lɛ jɛ̀ɛ̀ yimbog yi yi ɓiì wòŋwoŋi ti foo, yi riì yɛ̀ɛ Satàn.

Ɓì wokà lɛ ɓɛ kpaaghà lɛ: I ù tùsi mum ɗis ɓɛ tus girig wɔ̀ ɗis; i ù ɓɛɛgh mum ɗin, ɓɛ ɓɛg girig wɔ̀ ɗin. Kìɓan kìfog mɛ̀ ǹkalii mìni lɛ, kɛ̀ ɓi pɛ̀ɛ̀zi mum kìɓe ki à kìi mìni; ì ŋwaà ɓoogh wɔ̀ rìɓɛn ɓi rìtam ɗi weèlem, lɛgsi tì nyi ɗimbog lɛ a ɓog miì.

I ɗis ɗyɔɔ ɗi weèlem ɗi ri lɛ ɗi kɛɓtì wɔ̀ fìɓàg, sɔgha ɗyɔ, u mag̀ ɗyɔ fìràɓ; ɓisuulɛ, ki ri kìrɔɔ lɛ u ɗimzi kìkàɓ kɔɔ kifog à cee lɛ wɛ̀ɛmiɗ bimiɗ u kɛǹ ɓi ɗuu. I càg kɔɔ ki weèlem ki ri lɛ ki kɛɓtì wɔ̀ fìɓàg, rena kɔ u mag̀ kɔ fìràɓ; lɛ ki ri kìrɔɔ lɛ u ɗimzi kìkàɓ kɔɔ kifog à cee lɛ wɛ̀ɛmiɗ bimiɗ u kɛǹ ɓi ɗuu.