Mavhesi emuBhaibheri Ane Mukurumbira kubva kuna Luke 12

Pakurirana nevamwe

So you guys too, you betta be ready, cuz I da Fo Real Kine Guy, an wen you figga dat I no goin come back, dass wen I goin come back!”

Make God Da One In Charge a yoa life, cuz he da King, an he goin give you guys all dat kine stuff too.

Jesus tell da peopo, “Watch out! Make shua you no try get eryting fo ony you, cuz if you get plenny stuffs, dat no mean you goin live fo real kine!”

Cuz you know, wateva kine stuffs stay da mos importan fo you, dass wat you goin go all out fo tink bout.

Wat one a you guys can worry ony, an dat make you stay alive one mo hour?

Den Jesus tell his guys, “Dass why I stay tell you guys, no worry bout notting, how you goin live, wat you goin eat. No worry bout yoa body, wat you goin wear.

God, he even know how much hairs you get on top yoa head. Fo him, you guys no need come sked, cuz you worth mo den plenny sparrows.

“You guys, you jalike bebe sheeps. No sked, cuz yoa Faddah da King like give you eryting he get.

Tink bout da birds dat fly inside da sky. Dey no plant seed o get one crop o put um inside da storage places, but God feed dem. An you guys worth mo plenny den da birds!

So eh! No go worry bout wat you goin eat, o wat you goin drink. No worry bout um notting.

Da grass inside da field stay grow one day, an dey throw um on top da fire da nex day. Eh, God give da grass da kine clotheses jalike da flowas, so garans he goin give you guys clotheses even moa. You guys ony trus litto bit!

Cuz you know, eryting dat stay unda one cova, da peopo goin see um, an eryting dat stay hide, dey goin find out.