Mavhesi emuBhaibheri Ane Mukurumbira kubva kuna Locasiicha Laenai 20

Pakurirana nevamwe

“Aihane jaun chujia caa enferadoro raineein nenaa teeuche enferadoro raicha. Jana Cana Coaunera raineein nenaa teeuche Cana Coaunera raicha”, nae jetao nii cachaauru rai Jesoso.

Nii jana jetaote, acaauru coarajeein jetao: “Chaquena jana chaaen, Cana Coaunera Quiricha inoaensi cuhane: ‘Nii jaolecooruha loreri icharaaurune jaan ajerite jauriaanejeein loreri nunuheneein ichanohineein niha cureeincha’, nae.

“Caohachaain necohalajiin neeuche, caa Cana Coaunera aitoonjoa que cacha relaaureraauru que. Acaaurute acaauru que suujua acatena nainiha cachane jaan cocajione jiaain, itolere coitucueraneein, caohachaain niha nocoetocuruhane jaun, chunijihun nenaanaja cataaun nihanatiin, acaauru que suujua acateein niha satiin cachaaurune jereein neeure. Chaaen techu, sinacoca asae nelauriaauruha jataain nelatenacaaurune jaan rori caohacha janijiin, nichoae ichoaichaniha nelauriaaure. Chaaen techu ichoaichaniha nelaurianana jaan janijiin, lenone rohan nelauriaain lenonecure. Chaaen techu cairichei autanaauru caje acaauru lorerichuru nihanatiin ruluhin naaonjoaaunre. Nii choae tacaain techu nitohaneeuruhane jaun, jataain nohaniha Cana Coaunera coitucueraniha nocoetocuruha itolere amurijiriine jaun, satiin notaracaae Cana Coaunera bajaauruhane carajaain bajaaure. Nitohaneeuruhane jaunte leeochaauru osaaonacaauru cachaauru amurijiriin, jataain caseteco tabai coaraa cuurureein”, nae jetao aina nerelanacauru rai Jesoso.