Mavhesi emuBhaibheri Ane Mukurumbira kubva kuna San Jwan 11

Pakurirana nevamwe

Chaymi Jisusqa Martataqa kayshina nirqan: —Noqam wañuqkunataqa kawsachimuni, tukuy tyimpu kawsanambaq. Chaymi noqapi kriyishpa wañuptinqa, rini kawsachimuq. Kanan noqapi allipta kriyishpa kawsaqqam manana tukuy tyimpupaqchu rin wañuq. ¿Kriyingichu kay nishushqaytaqa? nishpa.

Piru Jisusqam Martataqa nirqan: —Manchu nishurqay, “Kriyishpaqam ringi yach'aq: Dyusmi ancha pudirniyuq”, nishpa.

Jisusqam waqarqan.

Chaymi chayshina niptinllapaqa, Jisusqa nirqan: —Chay nanaywanqam mana rinchu wañuq tukuy tyimpupaqqa. Ashwanmi chay nanayqa piskashqa, yumbay runa, warmi yach'anambaq: Jisuspa Taytanmi ancha pudirniyuq. Churin Jisuspismi ancha pudirniyuq, nishpa.

Chayta nishpaqam, ancha jwirtita alma Lasaruta kayshina qayarqan: —¡Lasaru, chay ukumanda lluqshimuy! nishpa. Chaymi chay alma Lasaruqa tukuy kwirpun wangushqa trapuwan, qaqllan suq tukawan tukukushqa chay sipulturamanda lluqshimurqan. Chaymandaqam Jisusqa nirqan: —Chay wangushqanda paskayllapa purinambaq, nishpa.

Jisusmi suq kutinda ancha llakirishpa, qemikarqan chay pambakashqan mach'ayshina sipulturaman. Yaykunandam suq atun rumiwan kirpashqallapa karqan.

Chaymandaqam Jisusqa niwarqanllapa: —Kuyashqanchiq Lasaruqam puñuykanna. Piru noqam rini rikch'achiq, nishpa.