Mavhesi emuBhaibheri Ane Mukurumbira kubva kuna YOHANA 21

Pakurirana nevamwe

Hay li ma nisi vat hiɗi tina vatna, Yesu di tam Simon Peter: Simon, goora vi Yonas, naŋ minan suw sa lakŋa su? Nam hotom dita: Awa, Bum-Sumuna, naŋ wi ala nan minaŋu. Yesu dumu: Kotaŋ tuw guro fok-dimina vanu! Nam dum sem ma'ta lo: Simon, goora vi Yonas, naŋ minan su? Peter hotom dita: Awa, Bum-Sumuna, naŋ wi ala nan minaŋu. Yesu dumu: Ŋomaŋ fok-dimina vanu. Nam dum sem ɦidita lo: Simon, goora vi Yonas, naŋ minan su? Peter yor tuwamu kay nam dum sem ɦidita: Naŋ minan su? Nam hotom dita: Bum-Sumuna, naŋ wi slen kaf, naŋ wi kaw ala nan minaŋu. Yesu dumu: Kotaŋ tuw fok-dimina vanu.

Nan daŋ gasita, hay li ma naŋ ay joriyo tuwa, naŋ jun sligara vaŋ kay tuwaŋu, tuɗ arige hay liy ma naŋ mina kaw; may hay li ma naŋ muɗawa maari, naŋ ma meɗ ɓaŋ goyo, sa mara ma junaŋga, lo ma tuɗaŋ hay liy ma naŋ minɗin kaw.

Nam disiya: Cukgi dena hay gal ma jufna vi lumda, nigi ma fi kaw. Nisi cukumu; may donota visi kay yawam kulo'o may loɗi, kay kulufna hobay hayam ŋolo.

Simon Peter di tisiya: Nan kal ciwa. Nisi dumu: Numa kaw, numa tuɗis kuɗaŋu. Nisi kalay goyo, jik hay lumna kaw; hay henjet na'ta kayni nisi may vi vaɗi.