Mavhesi emuBhaibheri Ane Mukurumbira kubva kuna Zaŋ 6

Pakurirana nevamwe

Yesu a ɓa taŋ: «Yi ɗaf mavul siifa. Mbur maso ng'avi ya na, may anta sa jaŋ mata wãˀ. Mbur matiɓiy na, yam anta sa gaŋ mata ndiɗaˀ.

Mavul siifa i ˀUf ngi Buymisemuŋ. Meficek ngi vu anta gi gwat ko neˀ ta. Mingiɓi ya muɓukum di na, i ˀUf, yo i siifa.

Anja ki gam slra ngi luuma ɗaf mahiryi ta, amma ngi luuma ɗaf mazik, mavul siifa ngi sete. Ɗaf Mangal ngi mbur masavulukum di, asi mbur Cine Buymisemuŋ muɗuv haŋ angi naŋ na, i naŋ vuna.»

Asi gwat Baha mawuɗ na, n'anihĩ: Ko wa gar mupura Mangala le, yo mitiɓaŋ le na, anja a lum siifa ngi sete, angi hin ngi dirba na, yi sa slikiɗaŋ ti wuzla mumucahaya.»

Yesu a mbiɗa taŋ di: «Slra ngi Buymisemuŋ anihĩ: Sey ki tiɓaka mbur naŋ mislino di na far.»

Mizli Baha mavuliy taŋ gar na, a sa soko ng'avi ya. Yo mbur maso ng'avi ya na, y'anta sa hizigaŋ avra ta ndiɗaˀ.

Amma Simoŋ Piyer a mbiɗaŋ di: «I sa ram ng'avi waka, Buy? Kˀada ti mingiɓi mavul siifa ngi sete.

«Yi ɗaf misi ti siifa maposar paɗ ti muŋ. Mbur masa zum ɗaf hana na, a sa ndir ti siifa hã ngi sete. Yo ɗaf ya masa vula vuna i meficek ngi vu ɗu, i vula ɓa mizli ngir duniya a ndiram ti siifa.

Ko mbur maso ng'avi ya gu anta, sey da Baha mislino ya muso di le far. Ya i sa slikiɗaŋ ti wuzla mumucahay ar hin ngi dirba wãˀ.

Asi ɗaf ngi Buymisemuŋ mavulukum di na, i ɗaf mapo sar paɗ a muŋ, yo mavula siifa da duniya.»

Yi ɗaf mavul siifa.

Yesu a hila ɗafahay tuwa, a ga sise da Buymisemuŋ. A dirba nah, a wuɗkaka da mizli mujoˀjoˀhoy tuwa. A gi ti kilife kanah ma, a vula taŋ di ka taŋ mawuɗam. A dirba taŋ mimbam na, Yesu a ɓa mizli ngi seˀeheye: «Cikilaka is naŋ mubulngus bulngus mindire, ɓa ko neˀ a hiryi ta.»

A kukuroko palalama le, a gi gwat ngi kilometir zlum malla merkeɗ gu si. Dar a puraka Yesu ara ru ti sar a hirnga yama, ara kiroho ng'avi palalama, joˀ zluwun a ga taŋ. Amma Yesu a ɓa taŋ: «I ya, ki zluwunam ta!»