Mavhesi emuBhaibheri Ane Mukurumbira kubva kuna Luk 6

Pakurirana nevamwe

Ke, da Ɔsɔwɔ ting ake we. Etingi ekanang, anye yi eboi, anyingi nchim, esoi epogi, ting alang ake we. Nkan yu we okuning ɔkan, wa yu Ɔsɔwɔ akunag akan ake we.”

Etingi mine abag yi betingi bi nggom wa betingi bi anunging wa nted oyu, ka ebe mine abag yi bebe bi nggom wa bi anunging wa nted oyu. Waoye minyɔ ɔchɔdag bi beson wa nted.

Ka anun we bɔ ba ajingag we, lem bɔnɔ ke bɔ, we erɔng fɔ bɔ kan chori ekpo ɔrɔ ating atisɛm ajog we. Ebu nyɔ oleming lafa, otorerom owuna oting ɔtɔ, ka yifa etɔngag arɔ nyɔ ole mbɔn ba Ɔsɔwɔ wu Ɔchiming nlag Oking nggom feb, wantagi we alemag bɔnɔ akerag bane ba we chang asoag bɔ wa mmɛd yi ba abebing botɛd.

Fɔn nsɔn, nkeri nsi eyina bane akɔrag we nsɔn.

“Kan wag osob mpem yi bolom nkeri we erɔng anungi akan wag mpem eya osob. Kan ke bane bobe, nkeri Ɔsɔwɔ ahɔ ke we bobe erɔng. Lo cha bolom bu bane wa bebe bi nggom ebibɔ nkeri Ɔsɔwɔ aloag achai we wa bebe bi nggom egwa.

“Ka me nsidi nyɔ ba nyɔ oli wogag me: anun we bɔ ba ajingag we, lem bɔnɔ ke bɔ ba ajingag we, soi nsɔm yu nnɔ ke bɔ ba arog ala we, soi nsɔm ke bane ba aleming we bobe.

Lem ke bane bantad nkeri we ɔken ɔrɔ alem ake we.

Ebu mine asoming we wa okig wud kpedi okig wu wag tɔngi we erɔng asom. Ebu mine araming nkwu ɔya yu efi, jɔg kpe yu eteng erɔng ke we. Ke kpeicha mine wu aleding we, mine kpe wun wu akuning nyum yi ele eya kɔngɔ beb we ɔrɔ atisɛm ake we.

“Etingi erere chang yi ewomag ebe eme, erɔng ebe erere ehɔ wom etingi eme.

Kpeicha erere arenag yi wa eme eyi. Bane ahɔ bob bemei bi fig wa etun yi basen erɔng ahɔ bob bemei bi greb wa erere yi bɔpenpen.