Mavhesi emuBhaibheri Ane Mukurumbira kubva kuna Juan 10

Pakurirana nevamwe

Na yubetsu ui awara uneta yura retetiru chakakuiwata. Naa wisti shinatiru. Ẽ yubetsu keskaraba. Yurawu isharapakexanuwu ẽ udi”, Jesúspa atu wadi.

“Ẽ ovejawu kexebis shara keskara. Naa oveja kexebis sharakui yurawu uduax danupukui.

Na ewẽ oveja keskarawawe ewẽ tsai ea tapinaawu. Naawu ẽri ma ẽ atu tapibis. Nawawe ea chiruwaĩtiruwu.

Naskake ẽ atu ibapakedaka ana dadakawuba. Naawu ea tsuã wiãdakaba.

Na ẽ kaĩti keskara. Ẽ wisti uduax ma ikitiru naskake ma aweskatiruba. Na ovejawu keskara ikikaita tsekekerã wasi wichitiruwu.

Ẽ oveja kexebis shara keskara. Ewẽ ovejawu ẽ tapia nawaweri ea tapiawu.

Ewẽ Epa awẽ bitsisipa ewapakui ea inadi. Tsuã ea wiãtiruba naskatari ea tsuã winuawuba. Ewẽ Epawe ẽ nu naa wisti”, Jesúspa atu wadi.

Ewẽ Epa ea tapia. Ẽriwi ewẽ Epa tapia. Naskatari ewẽ oveja keskarawu ẽ tapia. Atu uduax ẽ daaxiwi.

Tsuã ea retexiwiba iwikui ẽ atu retebaxiwi. Ẽ bitsisipaya dawiax ẽ ana widixiwi. Naduri ewẽ Epa tsai kedea”, Jesúspa atu wadi.

Naskake awiana Jesúspa atu yuidi: “Ẽ batu yuikuinu. Ẽ ovejawawe atũ kaĩti keskara.

Na pei wistiuxũ yudubis ovejawu awenaba. Ovejawu kexebis keskaraba. Na basharu keskara puwẽ uwaitu uĩkĩ ichui kakĩ atu putawaĩtiru. Na basharu keskara puwẽ ovejawu atu chakawaitu. Naskake ovejawu paxkanai wetsetiruwu.

Naskake Jesúspa fariseowuya atiriwi atu yuidi: “Ẽ batu yuikuinu na ovejawawe atũ kede kaĩti aduax ikiaba wumakayaduax ikitiru na yubetsu chakakui.