Mavhesi emuBhaibheri Ane Mukurumbira kubva kuna युहना 6

Pakurirana nevamwe

“लौ ओउः जीङः दोःताक्‌सा जेःगापाय् ङा लेःआः बा। सुसु ङाकःताङ् वाङ्‌चै ओउःलेः लोनेः गलमा योङ्‌क्राय्‌ल। सुसुइ ङाकायः ङ्‌हाम्‌नानी ओउःलेः लोनेः गलमा अप्‌ल” त दाय्‍ह्‌ती येसुइ स्‍यान्आथास।

“लौ रौ जीङः दोःताक्‌साकायः परमेस्‍वर्‌कोः ग्‍वालामःइ ह खाय्‌नौ। मान्‍ताखेइ लयःकःसै जीङः दोःताक्‌सा खाय्‌नीली। ङाइ स्‍यान्‌ती तोओ कुरापाय् मान्‍ताकोः कुरा खेःल परमेस्‍वर्‌कोः ग्‍वालामःकोः जीङः बयःसा कुरा लेःआः बा। ओउः कुरा तोनेःनाङ्‌सतो

लौ इ ल्‍हाव्‍ह्‌दैबाङ्‌कोः जेःगालम् सय्‍ङ्‌ती ल्‍ह्योह्‌ती वाय्‌नाः ओउः जेःगाखेकायः केलःती काम् जाङ्‌ह्‌माःत ओउः गलमा द्योक्‌मालो रौ जीङः दोःताक्‌सा जेःगाखेकायः काम् जाङ्‌ह्‌नु। इ जेःगापाय् ङा मान्‍ताकोः चोः त तोओइ बयःनेःनाङ्‌स। एत हायःसाकायः ङाकोः परमेस्‍वर्‌ आपाइ ङाकायः दोक्‌तीलेः गम्आताङः बा” त दाय्‍ह्‌ती येसुइ तोआकान्।

फेरी ङाकोः आपा झाक्ओमा इलेःआः। सुसुइलो परमेस्‍वर्‌कोः चोः च्‍यवःती ङ्‌हाम्‌नानी ओउःलेः रौ जीङः दोःती ओउः पुत्ओ दीन्‌हाङः उह्‌ती च्‍योक्‌तो स्‍याव्‌नै बा” त दाय्‍ह्‌ती दाय्‍ह्आ।

“परमेस्‍वर्‌इ ल्‍होक्ओ चाक्‌कायः ङ्‌हाम्‌नु दा। इलेः परमेस्‍वर्‌कोः काम्‌पाय्” त येसु दाय्‍ह्‌ती त्‍याङ्आ।

सुसु ङाकोः आपाइ बयःनाःताङः ओउःलेः ङाकःताङ् वाङ्‌नै। वाङ्आक्‌तीको ओउःकायःलेः ङाइ गल खेःयामा रुनःङुसुलु।

“खेःल है अरु सुकःताङ् आल्‌चाङी र। नाङ्इ ह जीङः दोःताक्‌सा कुरा नोःतेःनाः।

लौ ओउः लाङ्‌कासै वाङ्ओ जीङः दोःताक्‌सा जेःगा ङा लेःआः बा। सुसुइ इ जेःगा जेःचानी ओउःलेः गलमा द्युम्‌मालो जीङः दोःनै। इ जेःगा त तोसापाय् ङाकोः आङ् लेःआः। ओउःपाय् ङाइ सबै ल्‍हाव्‍ह्‌दैबाङ्‌हाङः मुओलम्‌कायः जीङः दोःताक्‌साकायः बयःनाङःसु बा” त दाय्‍ह्‌ती येसुइ स्‍यान्‌ती तोआथास।

ङाकोः आपाइ ल्‍हुङ् द्यान्‍ह्‌ताक्‌माःत सुमा ङाकःताङ् वाङ्इली। ओहाङःसैको वाङ्ओलम्‌कायः ओउः ल्‍हाव्‍ह्‌दैबाङ् पुत्ओ दीन्‌हाङः ङाइ उह्‌ती च्‍योक्‌ताक्‌नाङःसु।

ओउः लाङ्‌कासै ग्‍ल्‍युङ्‌ह्ओ ल्‍हाव्‍ह्‌दैबाङ्‌कोः मान्‍तालम्‌कायः रौ जीङः दोःताक्‌सा चाक्‌लेः ओउःपाय् परमेस्‍वर्‌इ बयःओ जेःगा त तोसा लेःआः” त येसु दाय्‍ह्‌ती दाय्‍ह्आ।

फेरी ओउः रौ जीङः दोःताक्‌सा जेःगा त तोसा ङा लेःआः ङ।

ओहाङःसैको ओउः पोङाकेरः लाङ् त्‍याक्‌ती परमेस्‍वर्‌कायः “च्‍युता” त तोती येसुइ लाङ्‌मा फन्‍ह्‌ती फन्‍ह्‌ती सबैकायः थोप्‌ताक्‌ती ल्‍हाआथास। ङाःमा ओउःतलेः ल्‍हाआथास। ओउः लाङ्‌मा ङाःमा त्‍याक्‌ती सबै कोस्‌तोलेः जेःआकानी। कोस्‌तो जेःआक्‌तीको “लौ य्‍हुन्‍ह्‌लम् रोत्‌ती त्‍युम्‍ह्‌नु दा दोह्‌मा वाय्‌लाम्” त दाय्‍ह्‌ती येसुइ तोथासतो

ओउः दोङ्‌गाकायः पास् कीलोमीतर्‌ चलावआक्‌तीको ओउःमयःइ येसुपाय् तीःकोः माल्‍गहाङः वाह्ओ च्‍यवःआकानी। ओउःपाय् दोङ्‌गाकःताङ् वाङ्ओ च्‍यवःती येसुकुस् वाह्ओमयःपाय् आन रैआकाय्। “लौ ङा लेःआः दाने रैलाम्” त दाय्‍ह्‌ती येसुइ तोआथास।