Mavhesi emuBhaibheri Ane Mukurumbira kubva kuna Maariko 2

Pakurirana nevamwe

Bhunu Yeesu ꞉oonguuywe amangʼana geebhwe, ˆnaabhabhwira ati, “Abhaworu bhatakukena muragusi, tari abharwaye nibho abhamukena! Anye niteejire okubhirikira bhanu abheerora ati ni bharengeresi mu-meeso ga Nyamuwanga! Tari niijire okubhirikira abha ebhikayo.”

Bhunu Yeesu ꞉aarorere obhwikirisha bhwa abhaanu bhayo, ˆnaabhwira omurwaye uyo ati, “Mwana waani, waabhirwa ebhikayo bhyawo.”

Niwe Yeesu ˆnaabhabhwira ati, “Insabhaato ꞉yaabheeye-wo ku-nsonga ya abhaanu, itari ati abhaanu ꞉bhaabheeye-wo ku-nsonga ya Insabhaato.

Mbataamibhwa okumwingisha mu-nyumba anu Yeesu ꞉aariga ari, kwa okubha abhaanu ꞉bhaariga bhari bhaafu. Mbamuriinya iiguru ku-nyumba, mbatobhora-wo, obhwima bhwa anu Yeesu ꞉aariga ari, mbeesha omurwaye uyo, ari kw-iraro.

Mmbe, eneenda mumenye kujomu ati, Omwana wa Adaamu ari na obhuturo bhwa okwabhira abhaanu ebhikayo mu-kyaro anu.” Niwe Yeesu ˆnaabhwira omuunu unu ꞉aariga afuuye omubhiri ati, “Enikubhwira ati, iimuka, wiitwike riiraro ryawo, ugende ewaawo!”

Angu, riiwuuwu kw-imwe ni riiya, okubhwira omuunu unu afuuye omubhiri ati, ‘Waabhirwa ebhikayo bhyawo,’ na okwaika ati, ‘Iimuka, wiitwike riiraro ryawo ugende’?

Ayoayo, omuunu uyo ˆneemuka, ˆneetwika riiraro ryaye, ˆnaabhasooka-ko. Abhaanu bhoone kutyo mbaruguura, mbagungya Nyamuwanga, mbaaikaga ati, “Kikyariga kurora engʼana rwa rinu!”