Mavhesi emuBhaibheri Ane Mukurumbira kubva kuna Ioane 15

Pakurirana nevamwe

Vine eite ara meha, lakai eite e reha. Are ara voa aea ara are voa pavaita lea karu, fare rauapo tai vovea; ipi e ara voa pavai auke leitita, a—, e etau farakeka aea la levi leiti roi.

E ara voa peava, aea ara ta e voa peava roi. Lakai vine voa pavai auke leitita, a—, are haria fare taita usoso auke leita feare, e ta ara voa pavai auke leitita, e ta fare levi tai roi.

E ara voa pavaita, aea arave o foromai eve iri voa pavaita, a—, e haikaeaita lea etau hariaharia foromai vei loki leitita, a—, lea e vei leiti roi.

E sa araro haikaea ovai kao, a—, ara sa ero haikaea maravi mea, aea ero o mei e te fare tai vei, aea lea fare ta kaleiti auke ita pepeava roi. Lōfeare voa e sa arave rare vei Oa loki leita lea etau foromai la are ero miarai roi.

Haikakare rovaeka kofa meha, karu areve makuri la areve moraitai‐itai vei miarai vei.

Ara voa pavaita fare tai auke leitita lakai foromai la, are erero saerea toa fareōva vovea. Fare taita lakai foromai, are sivusi la saerea fareōva vovea ere fare rauapo tai vei.

Arave safu o meha, ara ero haikakare lei vovo meita lōfeare, e ta elore elore haikakare leiti vei.

Arave Oa la lei sosorusosoru mōri leiti roi, ipi e sa fare rauapo taita lea vei, aea lōfeare e arave satiriaraita karu leiti roi.

Vine eite kofa ara meha, aea vine la kiva leita vita arave Oa reha.

Karu ara voa pavai auke leitita, a—, arero lakai feare sarapi maria voa mutapi fefeopai roi; lōfeare lakai karu sa kokoruka, a voa toapi, a sa sari roi.

Ara mea etau la ero laua sukavaita, arave hailareva e voa leiti vei, aeata eve hailareva foromai kekese leiti vei.

E arave safu o la mapi kakeva lei vovo roroaita, a—, e arave haikakare voa pavai roi, ara ta Oa ve safu o la mapi kakeva lei vovo meita, aea areve haikakare voa pavaita lōfeare.

Ara mea safu o ero omoi, e elore elore haikakare leiti vei.

E mearovaeka ve karu leitita, a—, mearovaeka areve elore karu feare ero haikakare leiti lare; a—, e mearovaeka ve karu kao, ipi ara ero mearovaeka voa haikaea maravaita lea vei, mearovaeka ero kaifa leipeta ipi reha.